சார்லஸ் சோப்ராஜ் பிகினி கில்லர்

                 சார்லஸ் சோப்ராஜ்

உலகையே உலுக்கிவிட்டு இன்று சிறையில் கம்பி எண்ணும் சீரியல் கில்லரின் வரலாறு

பிகினி உடையில் அணிந்து செல்லும் பெண்களை எல்லாம் கொலை செய்துவிட்டு மேற்கத்திய கலாச்சாரம் இந்த நாட்டிற்குள் வரக்கூடாது என்பதற்காக தான் அப்படி செய்தேன் என ஒரு கொலை காரன் பேட்டி கொடுத்துள்ளான் என்றால் நம்ப முடிகிறதா? உண்மையிலேயே அப்படி ஒரு கொலைகாரன் இந்த உலகில் இன்றும் வாழ்ந்து கொண்டுதான் இருக்கிறான். அவனை பற்றி இந்த செய்தியில் முழுமையாக பார்க்கலாம்.

சார்லஸ் சோப்ராஜ்

வியட்நாம் நாட்டை சேர்ந்த பெண் டிராங் லோங் புன், இவர் ஒரு கடையில் பணியாற்றி வந்தார். அப்பொழுது இந்தியாவிலிருந்து வியட்நாமிற்கு வர்த்தகம் சென்ற சோப்ராஜ் ஹட்சார்டு பவானி என்பவரைச் சந்தித்தார். இவரும் காதல் வசப்பட்டு திருமணம் செய்தனர். இவர்களுக்கு 1944ம் ஆண்டு ஏப் 6ம் தேதி ஒரு ஆண் குழந்தை பிறந்தது அந்த குழந்தைக்கு சார்லஸ் எனப் பெயர் வைத்தனர். இந்நிலையில் சோப்ராஜ்ஜிற்கும் டிராங்கிற்கும் இடையே கருத்து வேறுபாடு ஏற்பட்டது. இவரும் பிரிந்து செல்ல முடிவு செய்தனர். இதையடுத்து சோப்ராஜ் தனியாகச் சென்றுவிட்டார். டிராங் சார்லஸ் உடன் வாழ துவங்கினர். இவர்கள் வியட்நாமிலேயே ஒரு நகரத்தில் வாழ்ந்தனர். இந்நிலையில் டிராங்கிற்கும் பிரான்ஸ் ராணுவத்தில் பணியாற்றும் ஒருவருடன் நட்பு ஏற்பட்டு அந்த நட்பு காதலாக மாறியது. இருவரும் திருமணம் செய்து கொண்டனர். சார்லஸூம் அவர்களுடனேயே வளர்ந்தான் அவர்கள் குடும்பம் அடுத்து பிரான்சிற்குக் குடியேறி அங்குக் குடியுரிமை பெற்றது. பிரான்சில் சார்லஸ் வளர துவங்கினான். நாட்கள் செல்ல செல்ல சார்லஸைக் கவனிக்க ஆட்கள் இல்லாமல் போனது அதனால் சார்லஸ் பாதை மாறியது. சார்லஸ் சிறுவயதில் இருக்கும் போதே தனது தந்தை தாயின் பிரிவு, பின்னர் வந்த வளர்ப்புத் தந்தை நாடு மாற்றம் எனப் பல விஷயங்கள் சார்லஸை மன ரீதியாகப் பாதித்திருந்தது. இந்நிலையில் பிரான்ஸில் ஒரு திருடனாக மாறினான் சார்லஸ் பல வீடுகளில் எகிறிக் குதித்து அல்லது பூட்டை உடைத்து உள்ளே சென்று திருடனான் அப்பொழுது 1963ம் ஆண்டு ஒரு திருட்டு வழக்கில் சிக்கி ஜெயலில் போடுகிறார்கள். இங்கிருந்து துவங்குகிறது சார்லஸ் சோப்ராஜின் கதை.

             பெரிய சம்பவம்

பாரீஸில் உள்ள சிறையில் உள்ள அதிகாரிகளுக்கு ஐஸ் வைத்து அவர்களுக்கு அடிமையாக சில ஆண்டுகள் இருந்து விதிக்கப்பட்ட தண்டனை காலத்திற்கு முன்பாகவே நன்னடத்தை சான்று பெற்று விரைவாக வெளியேறுகிறார். அங்கிருந்து வெளியே வந்து டிஎஸ்கோன் என்பவருடன் இணைந்து மீண்டும் பெரிய பெரிய திருட்டு சம்பவங்களையும் மோசடிகளையும் திட்டமிட்டுச் செய்து எதிலும் மாட்டாமல் தப்பி வருகிறார்.

                     சாண்டல்

அப்பொழுதுதான் ஒரு சாண்டல் காம்பகோன் என்ற பெண்ணை பார்க்கிறார். அவர் மீது காதல் கொள்கிறார். சாண்டலிடம் சென்று தன் காதலையும் சொல்லுகிறார். சார்லஸின் உண்மையான பின்புலம் தெரியாத சாண்டல் அவரை விரும்புகிறார். அதன் பின் சாண்டலை மயக்கப் பல விஷயங்களைச் செய்கிறார் சார்லஸ். இதில் மயங்கி அவர் மீது பைத்தியமாகிறார் சாண்டல். பின்பு இருவரும் திருமணம் செய்து கொள்கின்றனர் இந்நிலையில் ஒரு நாள் ஒரு திருட்டு காரில் செல்லும் போது போலீசாரிடம் பிடிபடுகிறார் சார்லஸ்.

                      விடுதலை

பின்பு சார்லஸைப் பிடித்து பாரீஸில் உள்ள சிறையில் அடைக்கிறார்கள். பின்பு 8 மாதம் சிறைத் தண்டனையில் இருக்கிறார். அவர் சிறையிலிருக்கும் போதும் சாண்டல் அவர் மீது கொண்ட காதலால் அவருக்கு உறுதுணையாகவே இருக்கிறார். சாண்டல் தான் வெளியிலிருந்து சார்லஸை விடுதலை செய்ய அதிக பாடுபட்டார். பின்பு விடுதலையானார். பின்னர் இருவரும் பிரான்ஸை காலி செய்து விட்டு கிழக்கு ஐரோப்பா நாடுகளுக்குப் போலியான ஆவணங்களை வைத்துத் தப்பிச் சென்றனர். அங்கு சார்லஸ் அங்கு வரும் டூரிஸ்ட்களும் அழகாகப் பேசி அவர்களுடன் நட்பாகப் பழகி அவர்களிடம் உள்ள பொருட்கள், நகைகள் மற்றும் பணங்களை திருடி வந்துள்ளார். அங்கும் போலீசார் இவரை நெருங்கும் சமயத்தில் இந்தியாவிற்கு வந்து விடலாம் என முடிவு செய்தனர்.

                      இந்தியா                             

சார்லஸில் தந்தை சோப்ராஜ் இந்தியாவைச் சேர்ந்தவர் என்பதால் இந்த முடிவை அவர்கள் எடுத்தனர். அவர்கள் பிரான்ஸிலிருந்து இந்தியாவின் மும்பைக்கு வந்தனர். அப்பொழுது சாண்டல் கர்ப்பமாக இருந்தார். சாண்டல் இந்தியாவிற்கு வந்த பின்பு அவருக்கு ஒரு பெண் குழந்தை பிறந்தது அந்த குழந்தைக்கு உஷா என்று பெயர் வைத்தனர்.

                  மீண்டும் திருட்டு

இந்தியாவிற்கு வந்து மீண்டும் தனது திருட்டு வேலைகளை ஆரம்பித்தார் சார்லஸ் இந்தியாவில் கார் திருட்டு கடத்தல் உள்ளிட்ட வேலைகளைச் செய்தார். இது மட்டுமல்லாமல் இந்தியாவில் கேம்ப்ளிங் மீது அவருக்கு விருப்பம் ஏற்பட்டு அதைச் செய்யத் துவங்கினர். அதில் பல லட்சம் பணங்களை சம்பாதிக்க துவங்கினர். அவர் சில ஆண்டுகள் யாரிடமும் சிக்காமல் இதை mஅசால்டாக செய்துவந்தார்.

போலீசில் சிக்கினார்

இந்நிலையில் 1973ம் ஆண்டு சார்லஸ் மும்பையில் உள்ள ஓட்டல் அசோகாவிலிருந்த ஒரு நகைக்கடையில் ஆயுதங்களைக் காட்டி மிரட்டி பணம் பறிக்க முயன்ற போது அவர் போலீசில் சிக்கிக்கொண்டார். ஆனால் தனது மனைவிக்கு உடல் நிலை சரியில்லை என்று தப்ப முயன்றார். ஆனால் போலீசார் அவரை சிறையில் அடைத்தனர். பின்னர். சிறையிலிருந்து அவரது தந்தை சோப்ராஜை தொடர்பு கொண்டு அவரிடமிருந்து பணம் வாங்கி சிறையிலிருந்து பெயிலில் வெளியே வந்தார்.

சகோதரர்

அங்கிருந்து மீண்டும் அவர் ஈரானிற்குச் சென்றார் அவரது மனைவி சாண்டல் பிரான்ஸ் நாட்டிற்கே திரும்பச் சென்றார். அங்கு இரண்டு ஆண்டுகள் இருந்த சார்லஸ் 10க்கும் மேற்பட்ட பாஸ்போர்ட்களை திருடி வைத்திருந்தார். அதன் மூலம் இஸ்தான்புல் சென்று அங்கு அவரது சகோதர ஆண்ட்ரோவை சந்தித்து அவருடன் சேர்ந்து மீண்டும் தனது திருட்டு வேலையில் ஈடுபட்டார். இந்த முறை ஏதன்ஸ் போலீசாரிடம் சிக்கிக்கொண்டார். ஆனால் அங்கிருந்து அவர் எப்படியோ தப்பிவிட்டார். ஆனால் அவரது சகோதரர் கிரீக் அதிகாரிகளிடம் சிக்கி சிறைக்குச் சென்றுவிட்டார்.

தாய்லாந்து

பின்பு அங்கிருந்து தப்பி தாய்லாந்து சென்றுவிட்டார். அங்குச் சென்று மட்டும் சும்மா இருந்து விடுவாரா என்ன? அந்நாட்டிற்கு வரும் சுற்றுலா பயணிகளிடம் நட்பாகப் பழகி அவர்களின் நம்பிக்கையைப் பெற்று பின்பு அவர்களிடம் இருந்து பொருட்கள், பணம், பாஸ்போர்ட் எல்லாம் கொள்ளையடித்து வந்தார். இரு பிரஞ்சு காரர்களிடம் நட்பாக பழகி அவர்கள் தொலைத்த பாஸ்போர்ட்டை மீட்டுக் கொடுத்து மீண்டும் அதை அவரே கொள்ளையடித்துச் சென்ற சம்பவம் எல்லாம் நடத்தியிருக்கிறார். அதற்கு அந்நாட்டில் உள்ள லோக்கல் திருடர்களின் பழக்கத்தையும் பெற்றுவிடுகிறார்.

செளதரி

பின்னர் அவருக்கு இந்தியாவைச்சேர்ந்த செளதரி என்ற நண்பர் கிடைத்தார். அவருக்கும் சேர்ந்து குற்றச்செயல்களில் ஈடுபட துவங்கினர். இருவரும் சேர்ந்து பலரை ஏமாற்றி கிட்டத்தட்ட ஒரு பணக்கார வாழ்க்கையையே வாழ துவங்கினர். இதற்கிடையில் சார்லஸின் மனைவி சாண்டல் பிரான்ஸில் இறந்துவிட்டார்.

முதல் கொலை

இந்நிலையில் 1975ம் ஆண்டு தெரசா நொல்டன் என்பவர் கல்ஃப் ஆஃப் தாய்லாந்து என்ற ஒரு ஓட்டலின் நீச்சல் குளத்தில் பிகினி உடையில் பிணமாக மீட்கப்பட்டார். அவரது பிரேதப் பரிசோதனையில் அவர் கர்ப்பமாக இருந்தது தெரியவந்தது. அவர் இறந்தது நீச்சல் குளத்தில் நடந்த விபத்தால் இருக்கலாம் என்றே போலீசார் கருதினர். இந்நிலையில் பட்டாயாவில் உள்ள ஒரு ரிசார்ட்டி ரோட்டின் ஓரத்தில் எரிந்த நிலையில் பிணம் ஒன்று கிடந்தது. அது விட்டாலி ஹக்கீம் என்பவரது பிணம் என்பது தெரியவந்தது. ஆம் நீங்கள் நினைப்பது உண்மை தான் இந்த கொலைகளை செய்தது சார்லஸ் தான்.

பிகினி கில்லர்

முதலில் போலீசார் நடத்திய விசாரணையில் எந்த இடத்திலும் இந்த இரண்டு கொலைகளும் ஒரே நபர் செய்திருப்பார் என்ற எண்ணம் போலீசாருக்கு வரவில்லை அதனால் தனித்தனியாக விசாரித்தனர். ஆனால் ஊடகங்கள் இந்த இரண்டு சம்பவங்களிலும் இறந்தவர்கள் பிகினி ஆடைதான் அணிந்திருந்தனர். இதை ஒரே ஆள் செய்திருக்கலாம் என செய்தி வெளியிட்டு அதற்கு அந்த கொலையாளிக்கு பிகினி கில்லர் என பெயர் வைத்தனர். அப்பொழுது முதல் சார்லஸ் சோப்ராஜ் பிகினி கில்லராக மாறினார். முதலில் இந்த செய்தி பெரிதாக பரவவில்லை.

பயம்

இதையடுத்து சார்லஸ் பிதான்சா ஹெம்மர் ஆகிய இருவரையும் கொலை செய்தார். அந்த கொலை குறித்த செய்தி பெரிதாக ஊர் முழுவதும் பிகினி கில்லர் என்ற பெயர் வைரலானது. மக்கள் எல்லாம் இந்த கொலை பற்றிப் பேச துவங்கினர். இதையடுத்து சார்லஸிற்குப் பயம் வந்துவிட்டது. இதையடுத்து சார்லஸூம் அவனது கூட்டாளியும் தாய்லாந்தை காலி செய்துவிட்டு நேபாலுக்கு தப்பிக்க முடிவு செய்தனர்.

மீண்டும் தாய்லாந்து

நேபால் வந்த அவர்கள் அங்கும் தங்கள் கொலையை தொடர்ந்தனர். நேபாலில் Laurent Carrière என்ற 26 வயது கனடா பெண்ணையும், Connie Bronzic என்ற 29 வயது அமெரிக்க பெண்ணையும் அடுத்தடுத்த நாள்களில் கொலை செய்தனர். அவர்களைக் கொலை செய்து யாரும் எளிதாக கண்டுபிடிக்க முடியாத இடத்தில் அவர்களது உடலை போட்டுவிட்டு அவர்களது பாஸ்போர்ட்டை திருடி அந்த பாஸ்போர்ட்டை கொண்டு அந்த அடையாளத்தில் தாய்லாந்திற்கு வந்தனர்.

விசாரணை

தாய்லாந்திற்கு வந்த போது சார்லஸிற்குத் தெரிந்த ஒரு பிரெஞ்சுக்காரருக்கு சார்லஸ் தான் பிகினி கொலைகாரனோ என்ற சந்தேகம் வந்தது. திடீரென்று சார்லஸ் காணாமல் போனது அவருக்கு அந்த சந்தேகத்தை ஏற்படுத்தியது. இதற்கிடையில் போலீசார் பிகினி கில்லர் குறித்த விசாரணையைத் தீவிரப்படுத்தினர்.

போலி பாஸ்போர்ட்

இதற்கிடையில் சார்லஸ் தனது கிரைம் பார்ட்னர் சவுதிரியுடன் சேர்ந்து மலேசியாவிலிருந்து வைரம் மற்றும் மற்ற சில ஜெம்ஸ்களை விற்பனை செய்ய முயற்சி செய்தார்.இதை அந்நாட்டு போலீசார் எப்படியோ மோப்பம் பிடிக்கத் துவங்கினர். அதை அறிந்து கொண்ட சார்லஸ் பின்பும் மீண்டும் இந்தியாவில் போலி பாஸ்போர்ட் மூலம் வந்துவிட்டார்.

டூரிஸ்ட் கைடு

இந்த முறை இந்தியாவிற்கு வந்த அவர் இந்தியாவில் இருந்த பாபிரா ஸ்மித், எலன் ஈத்தர் ஆகியோருடன் இணைந்து மீண்டும் தனது திருட்டு தொழிலைத் துவங்கினார். அப்பொழுது ஜீன் லூஸ் சாலமோன் என்ற ஒரு பிரஞ்சு காரருக்கு டூரிஸ்ட் கைடாக நடித்து அவரிடம் உள்ள பொருட்களை கொள்ளையடிக்க அவருக்கு மயக்க மருந்து கொடுத்தார். அவரை மயங்க வைக்க அவருக்கு அதை கொடுத்தனர். ஆனால் அவர் இறந்துவிட்டார். இதற்கிடையில் சார்லஸூம் அவரது கூட்டாளி பெண்களும் தப்பி விட்டனர். போலீசார் இது குறித்து விசாரணை நடத்தினர்.

இந்தியா டூர்

இந்நிலையில் 1976ம் ஆண்டு ஜூலை மாதம் பிரான்சிலிருந்து கல்லூரி மாணவர்கள் சிலர் மொத்தமாக இந்தியாவிற்கு டூர் வந்திருந்தனர். அவர்களுக்கு சார்லஸ் தான் டூரிஸ்ட் கைடாக செயல்பட்டார். இந்த முறை அவரது திட்டம் அனைவரையும் கொன்று விட்டு அவர்களது உடைமைகளைத் திருட வேண்டும் என்பது தான்.

மாத்திரை

அதற்காக அவர் அவர்களுக்கு மயக்க மாத்திரையை வயிறு பாதிக்காமல் இருப்பதற்கான மாத்திரை என அவர்களிடம் சொல்லி சாப்பிட வைத்தார். இந்திய உணவுகள் காரமாக இருக்கும் அது பிரஞ்சுகாரர்களுக்கு ஒதுக்காது என்பதாகச் சொல்லி இந்த மாத்திரையை அவர்களுக்கு கொடுத்துள்ளார்.

போலீசில் சிக்கினார்

இதை சாப்பிட்டதும் சிலர் மயங்கிவிழுந்தார். சிலருக்கு ஏதோ தவறு நடக்கிறது என்பதை உணர்ந்து அவர்கள் போலீசாருக்கு தகவல் சொல்லிவிட்டனர். உடனடியாக அவர்கள் விரைந்து வந்து சார்லஸ் உட்பட மூன்று பேரையும் கைது செய்தனர். இதில் சார்லஸ் அவருடன் இந்த பெண்கள் தான் இதைச் செய்தார்கள் நான் அவர்களுக்கு உதவி மட்டும் தான் செய்தேன். என வாக்குமூலம் அறிந்து அதிலிருந்து தப்பிவிட்டார்.

உண்மை அம்பலம்

பின்னர் போலீசார் அவரிடம் நடத்திய கிடுக்கிப்பிடி விசாரணையில் அவர் தான் ஜீன் லூஸ் சாலமோனை கொன்றவர் என தெரிந்தது. இதையடுத்து போலீசார் அவரையும் கைது செய்து பின்னர் விசாரணை நடத்தியபோது தான் அவர் ஒரு பெரிய சிரியல் கில்லர். தாய்லாந்தில் போலீசார் தேடி வந்த "பிகினி கில்லர்" இவர் தான் என்பது தெரியவந்தது.

சிறையிலும் சொகுசு

பின்னர் அவர் இந்தியாவில் செய்த குற்றத்திற்காக அவருக்கு மரண தண்டனை வழங்கப்பட்டது. பின்னர் அவர் மேல் முறையீடு செய்து அதை 12 ஆண்டு ஆயுள் தண்டனையாகக் குறைத்தார். மூன்று பேரும் சிறையில் அடைக்கப்பட்டனர். அதில் அந்த பெண்கள் இருவரும் சிறையிலேயே தற்கொலை செய்து கொண்டனர். ஆனால் சார்லஸ் தன்னிடம் உள்ள பணத்தை வைத்து சிறையில் சொகுசு வாழ்க்கை வாழ்ந்தார். டிவி,சுவையான சாப்பாடு எல்லாம் அவருக்கு கிடைத்தது. சிறையில் அவருக்கு சிறை அதிகாரிகள், மற்றும் மற்ற சிறைவாசிகள் எல்லாம் அவருக்கு நண்பர்களாக இருந்தனர்.

எஸ்கேப்

அவர் இந்தியாவில் 10 ஆண்டுகள் சிறை தண்டனை அனுபவித்த காலத்தில் தாய்லாந்தில் அவருக்கு 20 ஆண்டுகள் தண்டனை விதிக்கப்பட்டிருந்தது. இந்நிலையில் அவர் சிறைக்கு வந்து 10ம் ஆண்டுகள் ஆனதை கொண்டாடும் வகையில் அவர் சிறையில் உள்ள அனைவரும் ஒரு பெரிய பார்ட்டி ஒன்றை வைத்தார். அதில் சிறை அதிகாரிகள், சிறை கைதிகள் எல்லோரும் கலந்து கொண்டனர். அவர் முன்னதாக சிறையிலிருந்த தனது செல்வாக்கை பயன்படுத்து தூக்க மாத்திரையை வரவழைத்து அதை அவர் பார்ட்டியில் உணவுடன் கலந்து அதிகாரிகளுக்கு கொடுத்துவிட்டார்.

20 ஆண்டு சிறை

குடி மற்றும் மாத்திரை மயக்கத்தில் எல்லோரும் இருக்கு அசந்த நேரத்தில் சிறையிலிருந்து தப்பிவிட்டார். சார்லஸ். அதன் பின் அவரை பிடிக்க தனிப்படை அமைக்கப்பட்டது. அவர்கள் சார்லஸை கோவாவில் உள்ள ஒரு ரிசார்டி்டில் மீண்டும் பிடித்துவிட்டனர். 12 ஆண்டுகளாக இருந்த தண்டனை அதன் பின் 20 ஆண்டுகளாக மாறியது. அதாவது அடுத்த 10 ஆண்டுகள் அவர் சிறையில் அனுபவிக்க வேண்டிய சூழ்நிலை இருந்தது.

பிரான்ஸ்

இந்நிலையில் சார்லஸ் தனது 52வது வயதில் 1997ம் ஆண்டு பிப் 17ம் தேதி சிறையிலிருந்து விடுதலை செய்யப்பட்டார். பின்பு அவர் பிரான்ஸ்சிற்கு செல்ல இந்திய அரசு அனுமதித்தது. அவர் பிரான்ஸ் நாட்டிற்கும் சென்று விட்டார். அங்கு அவர் மீது எந்த வித குற்ற வழக்குகளும் இல்லை. அங்குச் சென்ற அவர் பாரீஸ் நகரின் வெளிப்புறத்தில் ஒரு வீடு எடுத்து தங்கினார். அப்பொழுது அவர் ஒரு சைக்கோ கொலை காரர், பிகினி கில்லர் என்கிற பெயரில் தாய்லாந்தில் தேடப்பட்டு வரும் ஒரு நபர் என்பது எல்லோருக்கும் மீடியா மூலமாக தெரியவந்தது.

பணம் புகழ்

அவரிடம் பேட்டி எடுக்க பல மீடியாக்கள் முயன்றது. அதை சாக்காக வைத்து அவர் பேட்டி கொடுப்பதற்கு அதிகமான சம்பளம் வாங்கினார். அதனாலேயே அவரது பேட்டிகள் எல்லாம் வைரலாகியது. அவரது பேட்டியுடன் ஒரு செய்தி வெளியானால் அந்த செய்தித்தாள் எல்லாம் அதிகமாக விற்பனையாகியது. அதனால் அவர் பெரும் பணக்காரரன் மற்றும் புகழ் பெற்றவராக மாறினார். இவர் ரோட்டில் வந்தால் சிலர் இவரிடம் சென்று ஆட்டோகிராப் கூட வாங்கினார்கள்.

நேபால்

இந்நிலையில் கடந்த 2003ம் ஆண்டு செப் 17ம் தேதிவரை நேபாலில் உள்ள காட்மாண்டு பகுதியில் இவரை ஒரு பத்திரிக்கையாளர் பார்த்து அதை நேபாள அதிகாரிகளிடம் சொல்ல அதிலிருந்து இரண்டு நாளில் அவர் கைது செய்யப்படுகிறார். அவருக்கு 2004ம் ஆண்டு நேபாள அரசு வாழ்நாள் சிறை தண்டனை வழங்கியது.

நிகிதா பிஸ்வாஸ்

அதன் பின் அவர் சிறையில் அடைக்கப்பட்டார். ஆனால் அதற்கு முன்பு அவர் நேபாளத்தில் நிகிதா பிஸ்வாஸ் என்ற பெண்ணை விரும்பினார். இவரும் கடந்த 2007ம் ஆண்டு சிறையிலேயே திருமணம் செய்து கொண்டனர். பின்னர் நிகிதா பிக்பாஸ் நிகழ்ச்சியில் எல்லாம் கலந்து கொண்டார். 2008ம் ஆண்டு ஜூலையில் சார்லஸ் நிகிதா மூலம் தான் ஒரு கொலையாளி இல்லை. எந்த கோர்ட்டும் நான் கொலை செய்ததை நிரூபிக்கவில்லை. நான் ஒரு சீரியல் கில்லர் எனச் செய்தி வெளியிடுவதை நிறுத்த வேண்டும் என முயற்சி செய்தார்.

பிகினி கில்லர்

தற்போது அவர் நேபாள சிறையில் தான் பல்வேறு கொலை வழக்குகளில் தண்டனை வழங்கப்பட்டு சிறையில் உள்ளார். இன்று இவருக்கு வயதாகிவிட்டது சிறையில் இருக்கும் போதே இவருக்கு இருதய பிரச்சினை ஏற்பட்டு பல ஓப்பன் ஹார்ட் சர்ஜரி எல்லாம் நடந்துவிட்டது. ஒருநபர் உலகமே தேடிய அளவிற்கு சென்றதற்கு அவருக்கு ஏற்பட்ட சைக்கோ பாத் தான் காரணம் என சொல்லப்படுகிறது. இவர்கள் குறித்து நீங்கள் என்ன நினைக்கிறீர்கள்? கமெண்டில் சொல்லுங்கள்.

கொரோனா வைரஸ் பற்றி ஒரு அதிர்ச்சி ரிப்போர்ட் !!

சீனாவில் கொரோனா வைரஸ் பாதிப்பால் உயிரிழந்தவர்களின் எண்ணிக்கை தற்ப்போது 06/05/2020 - இல் 2,58,012 ஆக அதிகரித்துள்ளது. அதே போன்று கொரோனாவால் பாதிக்கப்பட்டுள்ளவர்களின் எண்ணிக்கை முப்பத்திஏழு லட்சம் (37,24,350) என்னும் எண்ணிக்கையை தொட்டுள்ளது.

அமெரிக்காவில் நேற்று மட்டும் 24,631 பேருக்கு கொரோனா பாதிப்பு உறுதி செய்யப்பட்டது. இதனால் அமெரிக்காவில் கொரோனா பாதிப்பு எண்ணிக்கை 12,37,466 ஆக அதிகரித்தது. அமெரிக்காவில் நேற்று ஒரே நாளில் 2,335 பேர் மரணமடைந்தனர். இதையடுத்து மொத்த உயிரிழப்பு எண்ணிக்கை 72,256 ஆக உயர்ந்துள்ளது.

18/3/2020 இதுவரை உள்ள செய்திகள்

கீழே வரும் செய்திகள் அனைத்தும் பழையது

சீனாவை தவிர்த்து பிலிப்பைன்ஸில் ஒருவர் உயிரிழந்துள்ளார்.

அதே சூழ்நிலையில், சீனாவின் ஆளுகைக்கு உள்பட்ட ஹாங்காங்கில் கொரோனா வைரஸை கட்டுப்படுத்தும் வகையில் உருவாக்கப்பட்டுள்ள புதிய விதிமுறைகள் இன்று முதல் (சனிக்கிழமை)நடைமுறைக்கு வந்துள்ளன.

அதாவது, இன்று முதல் சீனாவிலிருந்து ஹாங்காங்கிற்கு வருபவர்கள் இரண்டு வாரகாலத்திற்கு கட்டாயமாக தனிமைப்படுத்தப்படுவர்.

இதற்காக சீனாவிலிருந்து ஹாங்காங் வருபவர்களுக்கு இரண்டு தெரிவுகள் வழங்கப்பட்டுள்ளன. ஒருவர் தன்னைத்தானே விடுதிகளில் தனிமைப்படுத்தி கொள்ளலாம் அல்லது அரசாங்கம் நடத்தும் மையங்களில் சேர்ந்து கொள்ள வேண்டும். அதே சூழ்நிலையில், ஹாங்காங் வாசிகள் தங்களது வீடுகளுக்குள்ளேயே இருப்பது அவசியம்.

மேற்கண்ட விதிமுறைகளை பின்பற்றாமல் இருப்பவர்களுக்கு அபாரதத்துடன் கூடிய சிறைத்தண்டனை விதிக்கப்படும் என்றும் அறிவிக்கப்பட்டுள்ளது.

படத்தின் காப்புரிமைGETTY IMAGES
புதிய விதிமுறைகள் அமலுக்கு வந்ததையடுத்து, சீனா - ஹாங்காங் இடையிலான எல்லைப்புற நகரான ஷென்சென்னில் பல்லாயிரக்கணக்கான மக்கள் வரிசையில் காத்திருக்கின்றனர்.

ஹாங்காங்கை பொறுத்தவரை, இதுவரை 26 பேருக்கு கொரோனா வைரஸ் பாதிப்பு இருப்பது உறுதிசெய்யப்பட்டுள்ள நிலையில், ஒருவர் சிகிச்சை பலனின்றி உயிரிழந்துள்ளார்.

முன்னதாக, கொரோனா வைரஸ் ஹாங்காங்கில் பரவுவதை தடுக்கும் வகையில் சீனாவுடனான அனைத்து எல்லைகளையும் மூட வேண்டுமென்று அந்நகர மக்கள் போராட்டத்தில் ஈடுபட்டனர். ஆனால், பொது மக்கள் உள்ளிட்ட பல்வேறு தரப்பினரின் கோரிக்கையை ஏற்றுக்கொள்ளாத அரசு, பெரும்பாலான எல்லைகளை மூடுவதற்கு உத்தரவிட்டிருந்தது.

ஒவ்வொரு நாளும் சீனா - ஹாங்காங் இடையே பல்லாயிரக்கணக்கானோர் பயணித்து வந்த சூழ்நிலையில், தற்போது அந்த எண்ணிக்கை பல மடங்கு குறைந்து காணப்படுகிறது.

சீனா எடுத்துவரும் நடவடிக்கைகள் என்னென்ன?
கொரோனா வைரஸ் பரவலின் மையமாக விளங்கும் ஹூபே மாகாணம் உள்பட நாடு முழுவதும் கொரோனாவை கட்டுப்படுத்தும் நடவடிக்கைகளை சீனா மேற்கொண்டு வருகிறது.

சீன மக்களின் கோபத்தை தூண்டிய மருத்துவரின் மரணம் - சமாளிக்க முயலும் அரசு
கொரோனா வைரஸ் குறித்து முன்பே எச்சரித்த மருத்துவர் மரணம்
சீனாவின் தலைநகர் பெய்ஜிங்கில் அதிக எண்ணிக்கையில் மக்கள் கூட வாய்ப்புள்ள பிறந்தநாள் கொண்டாட்டம் உள்ளிட்ட நிகழ்வுகளுக்கு தடை விதிக்கப்பட்டுள்ளன.

ஹாங்க்சோ மற்றும் நாஞ்சாங் உள்ளிட்ட நகரங்களில், ஒவ்வொரு நாளும் எத்தனை குடும்ப உறுப்பினர்கள் வீட்டை விட்டு வெளியேறலாம் என்பதற்கு கட்டுப்பாடு விதிக்கப்பட்டுள்ளது.

அதே போன்று, ஹூபே மாகாணத்தில் பொது மக்கள் வீடுகளை விட்டு வெளியே செல்வதை தடுக்கும் வகையில், மிகப் பெரிய அடுக்குமாடி குடியிருப்புகளில் மின்தூக்கிகளின் செயல்பாடு முற்றிலும் நிறுத்திவைக்கப்பட்டுள்ளது.

படத்தின் காப்புரிமைGETTY IMAGES
ஜப்பானில் தவிக்கும் கப்பல்
ஜப்பானின் யுகோஹாமா துறைமுகத்துக்கு வந்த சொகுசு கப்பலின் பயணிகளில் மேலும் 41 பேருக்கு கொரோனா வைரஸ் இருப்பதாக தெரியவந்துள்ளது.

ஏற்கனவே சிலருக்கு வைரஸ் பாதித்திருந்த நிலையில் , தற்போது மொத்தம் 61 பேரை கொரோனா தாக்கியுள்ளது.

டைமண்ட் பிரின்ஸஸ் என்ற 3,700 பயணிகளைக் கொண்ட சொகுசுக் கப்பல், கடந்த இரண்டு வாரமாக ஜப்பானின் யுகோஹாமா துறைமுகத்தில் உள்ளது.

வேர்ல்டு ட்ரீம்ஸ் என்னும் 3,600 பயணிகள் கொண்ட மற்றொரு சொகுசுக் கப்பலில் நடந்த சோதனையில் இதுவரை யாரும் கொரோனா வைரஸால் பாதிக்கப்படவில்லை என்பது தெரியவந்துள்ளது.

கொரோனா வைரஸ் குறித்து முன்பே எச்சரித்த மருத்துவர் மரணம்

          டாக்டர் லீ வெண்லியாங்

சீனாவில் உயரும் பலி எண்ணிக்கை

கொரோனா வைரஸ் குறித்து தொடக்கத்திலேயே எச்சரித்த சீன மருத்துவர் இந்த வைரஸ் தொற்றால் இறந்துவிட்டதாக சீன ஊடகம் தகவல் வெளியிட்டுள்ளது.


லீ வெண்லியாங் என்ற அந்த கண் மருத்துவர் வுஹான் மருத்துவமனையில் பணியாற்றி வந்தார். கடந்த டிசம்பர் 30-ஆம் தேதியன்று அவர் சக மருத்துவர்களிடம் எச்சரித்து இருக்கிறார்.

ஆனால், இப்படியான தகவல்களை பகிர்வதை நிறுத்தும்படி சீன போலீஸார் கூறியுள்ளனர்.

யார் இந்த மருத்துவர்?
வுஹான் நகரத்தில் இருந்து பரவத் தொடங்கிய கொரோனா வைரஸை கட்டுப்படுத்தும் முயற்சியில், ஜனவரி மாத தொடக்கத்தில் தீவிரமாக இறங்கினர் சீன அதிகாரிகள்.

படத்தின் காப்புரிமைGETTY IMAGES
இது குறித்து மருத்துவர் லீ வெண்லியாங் சக மருத்துவர்களிடம் எச்சரித்து இருக்கிறார். ஆனால், இப்படியான தகவல்களை பகிர்வதை நிறுத்தும்படி சீன போலீஸார் கூறியுள்ளனர்.

இது குறித்த தகவல்களை அவர் சமூக ஊடகத்தில் பகிர்ந்துள்ளார்.

கொரோனா வைரஸ்: அதிகரிக்கும் மரணங்கள், இந்தியாவின் நிலை என்ன? - 12 தகவல்கள்
கொரோனா வைரஸ்: தனித்துவிடப்பட்ட மாற்றுத்திறனாளி சிறுவன் உயிரிழந்த அவலம்
"அனைவருக்கும் வணக்கம், நான் கண் மருத்துவர் லீ, வுஹான் சென்ட்ரல் மருத்துவமனையில் பணியாற்றுகிறேன்," என தொடங்கும் அந்த பதிவை மருத்துவமனை படுக்கையில் இருந்தப்படி பகிர்ந்திருக்கிறார்.

டிசம்பர் இறுதியில் வைரஸால் தாக்கப்பட்ட பல நோயாளிகள் மருத்துவமனைக்கு வந்திருக்கிறார்கள். இது சார்ஸ் வைரஸாக இருக்கலாம் என சந்தேகித்து இருக்கிறார். ஆனால், இது புதிய கொரோனா வைரஸ் என அவருக்கு தெரியவில்லை.

படத்தின் காப்புரிமைWEIBO
கடந்த டிசம்பர் மாதம் 30ஆம் தேதி, சக மருத்துவர்களை எச்சரித்த அவர், முகக்கவசம் அணியும்படி அறிவுறுத்தி இருக்கிறார்.

இந்த சம்பவம் நடந்து நான்கு நாட்களுக்கு பின்னர் வந்த பொது சுகாதார துறை அதிகாரிகள், சமூக ஒழுங்குக்கு குந்தகம் விளைவிக்கும் இவ்வாறான பொய் தகவல்களை பகிர்வதை நிறுத்தும்படி கூறி, அவரிடமிருந்து ஒரு கடிதத்தையும் பெற்று சென்று இருக்கிறார்கள்.

பின்னர் போலீஸும் அவரை விசாரித்து, வதந்திகளை பரப்புவதை நிறுத்தும்படி கூறி இருக்கிறார்கள்.

இதனை ஜனவரி மாதம் பகிரப்பட்ட அந்த பதிவில் லீ குறிப்பிட்டு இருக்கிறார். பின்னர் இவருக்கும் அந்த கொரோனா வைரஸ் தொற்று ஏற்பட்டிருக்கிறது.

கதாநாயகன்
ஜனவரி 10ஆம் தேதியிலிருந்து அவருக்கு தொடர் இருமல் ஏற்பட்டிருக்கிறது. பின் சோதித்து பார்த்ததில் அவரும் கொரோனா வைரஸால் பாதிக்கப்பட்டிருப்பது தெரியவந்துள்ளது.

படத்தின் காப்புரிமைWEIBO
தற்போது அரசு அதிகாரிகள் லீயிடம் மன்னிப்பு கேட்டுள்ளனர். இப்போது சீனாவில் லீ கதாநாயகனாக கொண்டாடப்பட்டு வருகிறார்.

சீன சமூக ஊடகமான வெய்போவில் இவரை பாராட்டி பலர் கருத்து தெரிவித்துள்ளனர்.

சீனாவின் சுகாதாரத் துறைக்கு லீ போன்ற லட்சக்கணக்கான மருத்துவர்கள் தேவை என குறிப்பிடும் அவர்கள் சீன சுகாதாரத் துறை குறித்த வருத்தங்களையும் பகிர்ந்துள்ளனர்.

"நாளை புதிய வைரஸ் பரவுவதை யாரேனும் மருத்துவர்கள் கண்டறிந்தால், அதுகுறித்து வெளியே சொல்லவே அஞ்சுவார்கள்" எனக் கருத்து தெரிவித்துள்ளனர்.

 கொரோனா வைரஸ் பாதிப்பு கொள்ளை நோயல்ல... பீதியடைய வேண்டாம் - மருத்துவர் கருத்து

`வரலாறு திரும்புகிறது' என்ற வசனத்தைப் பலமுறை அரசியல் சகாப்தங்களில் கேள்விப்பட்டிருப்போம். ஆனால், உலகத்தையே தற்போது அச்சுறுத்திக்கொண்டிருக்கும் கொரோனா வைரஸ் பாதிப்பும் 'வரலாறு திரும்புகிறது' என்பதையே நினைவுபடுத்துகிறதா என்ற சந்தேகம் எழும்பியிருக்கிறது.

உலகில் பல்வேறு இடங்களில் பல்வேறு காலகட்டங்களில் பரவிய தொற்றுநோய்கள் கொள்ளை நோய்களாக மாறி லட்சக்கணக்கான உயிர்களைப் பலி வாங்கின. 1720-ம் ஆண்டு தொடங்கி சரியாக 100 ஆண்டுகள் இடைவெளியில் பல்வேறு வகையான கொள்ளை நோய்கள் பரவி உயிர்ப்பலி வாங்கியுள்ளன.

கொரோனா வைரஸ்
1720-ம் ஆண்டு பரவிய பிளேக் நோயால் பாதிக்கப்பட்டு ஃபிரான்ஸில் உள்ள மர்சேய் என்ற துறைமுக நகரத்தில் வசித்த சுமார் ஒரு லட்சம் பேர் உயிரிழந்தனர்.1820-ம் ஆண்டு பரவிய காலரா நோய் தாய்லாந்து, இந்தோனேசியா, பிலிப்பைன்ஸ் போன்ற நாடுகளில் பெரும் சேதத்தை ஏற்படுத்தியது. இந்தோனேசியாவிலுள்ள ஜாவா என்ற தீவில் மட்டும் இந்த நோயால் ஒரு லட்சம் பேர் உயிரிழந்தனர்.

1918 முதல் 1920-ம் ஆண்டு வரை பரவிய இன்ஃப்ளூயென்ஸா மற்றும் பன்றிக் காய்ச்சல் என்று அழைக்கப்படும் ஹெச்1என்1 ஆகிய நோய்களால் உலகம் முழுவதும் 50 கோடி பேர் பாதிக்கப்பட்டனர். ஸ்பானிஷ் ஃப்ளு என்று அழைக்கப்படும் இந்த நோய்களால் சுமார் 10 கோடி பேர் உயிரிழந்துள்ளனர். உலகில் இதுவரை ஏற்பட்ட கொள்ளைநோய்களில் மிகவும் மோசமானது என்று இது கருதப்படுகிறது.

2020-ல் கொரோனா வைரஸ்?
2003-ம் ஆண்டு சீனாவை அச்சுறுத்தியது சார்ஸ் நோய். ஒரு வகை வைரஸால் பரவும் இந்த நோய் சுவாச மண்டலத்தைத் தாக்கும் தன்மையுடையது. சீனாவில் முதன்முதலில் கண்டறியப்பட்ட இந்த வைரஸ் 37 நாடுகளில் பாதிப்பை ஏற்படுத்தியது. சார்ஸ் நோயால் மொத்தம் 8,098 பேர் பாதிக்கப்பட்டனர், அவர்களில் 774 பேர் உயிரிழந்தனர். அதற்குப் பிறகு சுமார் 17 ஆண்டுகளுக்குப் பிறகு மீண்டும் அதே வகையான வைரஸின் தாக்கம் சீனாவில் ஊருடுவியுள்ளது. இந்த வைரஸானது நுரையீரலைத் தாக்கி நிமோனியா காய்ச்சலை ஏற்படுத்தும் தன்மை கொண்டது.

மருத்துவர் புகழேந்தி
இதுவரை இந்த நோயால் 7000-த்துக்கும் மேற்பட்டோர் பாதிக்கப்பட்டுள்ளனர். சீனாவைத் தவிர அமெரிக்கா, தாய்லாந்து, ஜப்பான் போன்ற பத்துக்கும் மேற்பட்ட நாடுகளைச் சேர்ந்த 91 பேர் இந்த நோயால் பாதிக்கப்பட்டுள்ளனர். இது தொடர்பாக செயற்பாட்டாளரும் மருத்துவருமான புகழேந்தி கூறும்போது, ``2019-ஆம் டிசம்பர் மாதம் சீனாவின் வுகான் மாகாணத்தில் உள்ள விலங்கு இறைச்சிக்கூடத்திலிருந்து இந்த வைரஸ் பரவியதாக சந்தேகிக்கப்படுகிறது. வௌவால்களில் இந்த வைரஸ் மாற்றம் அடைந்திருக்கக்கூடும் என்றாலும், பாம்புகளின் மூலம் இவை பரவியிருக்கலாம் என்ற ஆராய்ச்சிக் கட்டுரை வெளிவந்தது.

ஆனால், பெரும்பாலான ஆராய்ச்சியாளர்கள் ஏற்கவில்லை. கொரோனா வைரஸ் பாம்புகளைத் தாக்கக்கூடும் என்பதற்கான தெளிவான ஆதாரங்கள் இல்லை என்றும் பறவைகளை மட்டுமே அந்த வைரஸ் எளிதில் தாக்கும் என்றும் தெரிவிக்கின்றனர். பல நூற்றாண்டுகளாக கொரோனா வைரஸின் தாக்கம் இருந்து வந்தாலும் 2002-ம் ஆண்டுக்கு முன்பு வரை உயிரிழப்புகள் ஏற்படவில்லை. இதுவரை இப்போதைய புள்ளிவிவரங்களின்படி தொற்று விகிதம் அதிகமாகவும் நோய்த்தாக்கம் குறைவாகவும் இருப்பதாகத் தெரிகிறது" என்கிறார்.

ஃப்ளு காய்ச்சல் போன்ற பாதிப்புதான் இதுவும். பொதுமக்கள் பெரிதாகக் கவலைப்படத் தேவையில்லை.
தொற்றுநோய் மருத்துவர் அப்துல் கஃபூர்
Also Read: மாஸ்க், வீடியோ கேம்... கொரோனா வைரஸை வைத்து அக்கறையும் `வியாபார' உத்திகளும்!

நூற்றாண்டுகளுக்கு ஒருமுறை இதுபோன்ற பாதிப்புகள் ஏற்படுகின்றனவா... கொரோனா வைரஸும் அந்த வகையைச் சேர்ந்ததா என்று தொற்றுநோய் மருத்துவர் அப்துல் கஃபூரிம் கேட்டோம்.

``2012-ம் ஆண்டு மத்திய கிழக்கு பகுதியில் கொரோனா வைரஸ் பாதிப்பு ஏற்பட்டது. தற்போது 2020-ல் சீனாவில் கொரோனா வைரஸ் தாக்கம் ஏற்பட்டுள்ளது. இந்த வகை வைரஸ் பாதிப்புகள் ஒன்றும் புதிதல்ல. மேலும் 1720, 1820, 1920-களில் ஏற்பட்டது போன்று இது அத்தனை கொடிய கொள்ளைநோயும் இல்லை. கொரோனா வைரஸ் பாதிப்பை அதுபோன்ற கொள்ளைநோய்களுடன் ஒப்பிடுவதும் மிகப்பெரிய தவறு.

Dr.Abdul Ghafur

வரலாற்றில் குறிப்பிடப்பட்டுள்ளவையெல்லாம் மிகப்பெரிய கொள்ளைநோய்கள். பல ஆயிரக்கணக்கானோர் உயிரிழந்துள்ளனர். சீனா போன்று அதிக மக்கள்தொகையுள்ள நாட்டில் மூன்று வாரங்களில் நூற்றுக்கும் அதிகமான உயிரிழப்புகள் மட்டுமே ஏற்பட்டுள்ளது என்ற அம்சத்தைக் கவனிக்க வேண்டும். இது 3 சதவிகிதம் மட்டுமே.

இதற்கு முன்பு பரவிய தொற்றுநோய்கள் தீவிரமாகப் பரவி பல உயிரிழப்புகளை ஏற்படுத்தின.ஃப்ளு காய்ச்சல் போன்ற பாதிப்புதான் இதுவும். பொதுமக்கள் பெரிதாகக் கவலைப்படத் தேவையில்லை. வைரஸ்களும் உலகின் ஒரு பகுதிதான். ஒவ்வோர் ஆண்டும் ஏதாவது ஒரு வைரஸ் உருவாகிக்கொண்டுதான் இருக்கும். அதன் தாக்கம் குறிப்பிட்ட நாள்களுக்குப் பிறகு தானாகவே குறையத் தொடங்கும்.

இதற்கென்று பிரத்யேக சிகிச்சைகள் எதுவும் கிடையாது. அறிகுறிகளுக்கான சிகிச்சைகள் மட்டுமே உள்ளன. இந்த வைரஸுக்கென்று தடுப்பூசிகளும் கண்டறியப்படவில்லை. வெப்பமண்டல நாடு என்பதால் இந்தியாவில் இதுபோன்ற நோய்கள் வராது என்று கூற முடியாது. ஆனால், குளிர் பிரதேசங்களில் பரவுதைப் போன்று அத்தனை வேகமாகப் பரவாது என்று கூறலாம்" என்கிறார்.

கொரோனா வைரஸ் பாதிப்பை உலக மருத்துவ அவசரம் என்று இதுவரை உலக சுகாதார நிறுவனம் அறிவிக்கவில்லை என்பதே இந்த நோய் இதுவரை மிகப்பெரிய கொள்ளைநோயாக உருவெக்கவில்லை என்பதற்கான சான்றாகப் பார்க்கப்படுகிறது.