மலேசியாவில் பாப் பாடகியாக வர வேண்டும் என்று நினைத்து ஒரு கொடூர கொலைகாரியாக மாறிய "மோனா பாண்டே" சினிமாவையே மிஞ்சும் அளவிற்கு நடந்த உண்மை சம்பவம் !!

மோனா பாண்டே

மலேசியாவின் பாப் இசையின் ராணியாக வேண்டும் என்று கனவு கண்ட இளம்பெண் ஒருவர், சூனியக்காரியாகவும் பின்னர் நரபலி கொடுத்து கொலைகாரியாகவும் மாறிப்போனார். அந்த இளம்பெண்ணின் பெயர் "நூர் மஸ்னா பின் ஹிந்த் இஸ்மாயில்" எல்லோருக்கும் தெரியும் பெயரில் சொன்னால் "மோனா பாண்டே" மலேசியாவையே உலுக்கிய அந்த உண்மை சம்பவத்தை அடிப்படையாகக் கொண்டு 2002 ஆம் ஆண்டு மோனா என்ற பெயரில் ஆறு எபிசோடுகள் கொண்ட தொலைக்காட்சித்தொடர் எடுக்கப்பட்டது. இயக்குனர் அமீர் முஹம்மது இந்த தொடரை இயக்கியிருந்தார். அந்தத் தொடர் பெற்ற வரவேற்ப்பை பார்த்து "டுகுன்" என்ற பெயரில் டேய்ஸ் இஸ்கந்தர் இயக்கத்தில் திரைப்படமாகவும் எடுக்கப்பட்டது. படப்பிடிப்புகள் அனைத்தும் முடிவடைந்து 2006 ஆம் ஆண்டில் இந்த திரைப்படத்தை வெளியிட தயாரிப்பாளர்கள் முடிவு  செய்திருந்தனர். பட வெளியீட்டுக்கான ஏற்ப்பாடுகள் நடைபெற்று வந்த நிலையில் சர்ச்சை எழும் என்பதாலும் அந்தப் பெண்ணின் குடும்பத்தினர்  கடுமையான எதிர்ப்பின் காரணமாகவும் அந்தப் படத்திற்கு மலேசியா அரசு திடீரென தடை விதித்தது. ஆனால் இணையதளங்களிலும், பின்னர் விசிடி - யாகவும் வெளியாகி ரசிகர்களிடையே பெரும் வரவேற்ப்பை பெற்றது டுகுன். நீண்ட நெடிய போராட்டங்களுக்குப்பின் "டுகுன்" திரைப்படம் 12 ஆண்டுகளுக்குப் பிறகு 2018 ஆம் ஆண்டு வெளியானது.

யார் அந்த மோனா ஃபாண்டே என்கிற "நூர் மஸ்னா பின் ஹிந்த்  இஸ்மாயில்" அவர் குறித்த அந்த திரைப்படத்தை மலேசிய அரசு தடை செய்தது ஏன்?

அந்த பிரம்மாண்ட அரங்கம் இசை ரசிகர்களின் கூட்டத்தால் நிரம்பி இருக்கிறது. இருக்கைகள் முழுதும் நிரம்பி இருக்கின்றன. தரையில் அமர்ந்து கொண்டும்,பக்கவாட்டுகளில் நின்று கொண்டும் ஏராளமானோர் காத்திருக்கின்றனர். அனைவரது கண்களும் மேடையை நோக்கியே இருக்கின்றன மேடையின் திரை விலக அனைவரும் காத்திருக்கின்றனர். திடீரென நாடி நரம்புகளை அதிரவைக்கும் அதிரடி இசையுடன் மேடையின் திரை விலகுகிறது இருட்டால் நிரம்பியிருந்த மேடையில் ஒரு வெளிச்ச புள்ளி தோன்றி நிலா வரும் உருவத்தை பின்தொடர்கிறது. வண்ண ஒளிக்கற்றைகள் மேடை முழுவதும் பரவி வெள்ளை வெளிச்சம் போன்ற ஜொலிக்கும் உடையுடன் பிரசன்னமாகிறார் "மோனா பான்டே" .உச்சஸ்தாயில் ரசிகர்கள் ஆரவாரம் செய்ய சுண்டி இழுக்கும் காந்த குரலால் பாடத் தொடங்குகிறார் "மோனா" தேனில் நனைந்த வண்டுகளை போல மோனாவின் இசை பெரு வெள்ளத்தில் மயங்கிக் கிடக்கின்றனர் ரசிகர்கள். இசை நிகழ்ச்சி முடிந்து வெளியே வரும் ரசிகர்கள் சூழ்ந்துகொண்டு ஆட்டோகிராப்புக்காக நோட்டுகளையும், பேப்பர்களையும் நீட்டுகின்றனர். கை வலிக்க கையெழுத்திடுகிறார்.  ரசிகர்களுடன் கை குலுக்குகிறார் மோனா.

வீட்டிற்க்காக வரும் மாணவிக்காக இசை நிகழ்ச்சி ஏற்பாட்டாளர்கள் முன் பணத்துடன் காத்திருக்கின்றனர் தேதி இல்லாததால் பிறகு பார்க்கலாம் என அவர்களை திருப்பி அனுப்புகிறார் மோனாவுக்கு சட்டென்று விழிப்பு வருகிறது மோனாவுக்கு இது அத்தனையும் கனவு என்று உரைக்கிறது.அவருக்கு மேடையேறி பாப் பாடகர்களை பாடத் தொடங்கி அண்மைக்காலமாக மோனாவுக்கு இத்தகைய கனவுகள் வந்து கொண்டே இருக்கின்றன. இது வெறும் கனவு மட்டுமல்ல  அவருடைய லட்சியமும் ஆசையும் அதில் அடங்கி இருக்கின்றன. தான் ஒரு சிறந்த பாப் இசை பாடகியாக வேண்டும் மலேசியாவில் உள்ள அத்தனை உதடுகளும் தனது பாடல்களை உச்சரிக்க வேண்டும் போகும் இடங்களில் எல்லாம் ரசிகர்கள் கூட்டமெல்லாம் தன்னை மொய்க்க வேண்டும் தனது பாடல்கள் அடங்கிய இசை ஆல்பங்கள் விற்பனையில் சக்கை போடு போட வேண்டும் இந்தப் புகழ் மூலம் சொந்தமாக அரண்மனை போன்ற பிரம்மாண்ட வீட்டை விலைக்கு வாங்க வேண்டும் விலை உயர்ந்த மெர்சிடிஸ் பென்ஸ் கார்களை விலைக்கு வாங்கி அதில் பயணிக்க வேண்டும் என மோனாவின் கனவுகள் பட்டியல் நீளமானது. கனவு காண்பதோடு மோனா நிறுத்திக் கொள்ளவில்லை அந்த லட்சியத்தை நோக்கி தனது ஓட்டத்தை அவர் சிறுவயதிலேயே தொடங்கி விட்டார் ஆனால் பாதைகள் அத்தனை இலகுவானதாக இல்லை இலக்கை அடைவது அத்தனை எளிதாகவும் இல்லை.பெரிய இசை ராணியாக ஆசை பட்ட "மோனா" சூனியக்காரியாகவும் பின்னர் கொலைகாரியாகவும் மாறிப்போனது காலம் செய்த சூழ்ச்சி என்று தான் சொல்ல வேண்டும்.

மோனா பாண்டேவை கோர்ட்டுக்கு அழைத்து செல்லும் போது புன்னகையுடன் வரும் காட்சி

மலேசியாவில் பெர்லீஸ் மாகாணத்தில் உள்ள கங்கார் நகரத்தில் 1951ஆம் ஆண்டு ஜனவரி மாதத்தில் நடுத்தர குடும்பத்தில் நூர் மஸ்னா என்ற இயற்பெயரைக் கொண்ட மோனா பாண்டே பிறந்தார். சிறுவயது முதலே மஸ்னாவுக்கு இசையிலும் நடனத்திலும் ஆர்வம் அதிகம் இருந்தது வசீகரமான குரலை கொண்ட மோனா "வாட்டர் ஃபால்" என்ற நடனத்திலும் சிறந்து விளங்கினார். எனவே படிப்பை விட மேடை ஏறுவதில் அதிகம் அக்கறை கொண்டிருந்தார்.ஒரு கட்டத்தில் பாப் பாடகராக வேண்டும் என்ற லட்சியத்தை வகுத்துக்கொண்ட மஸ்னா அதை நோக்கியே ஓடத் தொடங்கினார்.கிடைத்த வாய்ப்புகளை சரியாக பயன்படுத்திக் கொண்டதால் அவருக்கு மேடைகள் எளிதாக கிடைத்தன.அவ்வப்போது தொலைக்காட்சி நிகழ்ச்சிகளிலும் தலை காட்டத் தொடங்கினார்.இதனால் வெகு சீக்கிரத்தில் உள்ளூரில் பிரபலமான மஸ்னா அவரது வசீகரக் குரலும் தோற்றமும் இசை ரசிகர்களுக்கு பரிச்சயமானதாக மாறியது.

     மோனாவின் வீட்டின் உட்புறம்

தமிழில் ரஜினி ஸ்ரீதேவி நடிப்பில் உருவான "ஜானி" படத்தில்  இசைக்கலைஞர் ஸ்ரீதேவிக்கு நடப்பது போன்ற சம்பவம் ஒன்று  மஸ்னாவுக்கு நடந்தது ஜானி படத்தில் அர்ச்சனாவுக்கு ஜானி அறிமுகமானது போல மஸ்னாவுக்கு ரசிகராக அறிமுகமானவர் முஹம்மது என்கிற "அபாண்டி அப்துல் ரகுமான்" அர்ச்சனாவின் இசை நிகழ்ச்சிகளில் எல்லாம் ஜானி ஆஜராவது போல் மஸ்னா இசை நிகழ்ச்சி நடக்கும் இடங்களிலெல்லாம் அபாண்டி தவறாமல் ஆஜரானார் மேடையில் இருந்தாலும் அபாண்டியை மஸ்னா கவனிக்கத் தவறியதில்லை மஸ்னாவின் இசை நிகழ்ச்சிக்கு ரசிகராக இருந்த அபாண்டி அப்துல் ரகுமான் ஒரு கட்டத்தில் மஸ்னாவை ரசிக்கத் தொடங்கினார்.

         அபாண்டி அப்துல் ரகுமான்

ஆனால் ஜானி படத்தில் அர்ச்சனா ஜானியிடம் தன் காதலை சொல்லுவார்.அந்த இடம் மட்டும் மஸ்னா அபாண்டி கதையில் மாற்றமாக இருந்தது.ஒரு சுபயோக சுப தினத்தில் மாஸ்னாவுடன் தமது காதலை வெளிப்படுத்தினார். அபாண்டி சிறந்த பாப்பாடகியாக வேண்டும் என்பதை ஒன்றை மட்டுமே வாழ்க்கை இலட்சியமாக வகுத்துக் கொண்டிருந்த மஸ்னாவுக்கு இந்தக் காதலை ஏற்றுக் கொள்வதா? வேண்டாமா?  என்ற தயக்கம் ஆரம்பத்தில் அதிகமாகவே இருந்தது சற்றே வசதி படைத்தவராக அறியப்பட்ட அபாண்டி அப்துல் ரஹ்மான் புகழ்பெற்ற பாப் பாடகியாக வேண்டும் என்ற மாஸ்னாவின் லட்சியத்திற்க்கு உதவியாகவும் உறுதுணையாகவும் இருப்பதாக உறுதி அளித்தார்.அதற்காக இருவரும் சேர்ந்து உழைப்போம் என்ற அபாண்டியின் அந்த நம்பிக்கை வார்த்தைகள் மாஸ்னாவுக்கு அவர்மீது காதல் துளிர் விட காரணமாக இருந்தது.

மோனாவின் அரண்மனை போன்ற பங்களா தற்ப்போது பேய் வீடு போல்

கடற்கரை பூங்கா என சுற்றி காதலை வளர்ப்பதற்கு எல்லாம் இருவருக்கும் நேரமோ பொறுமையோ இல்லை உடனடியாக மஸ்னாவும், அபாண்டியும் திருமணம் செய்து கொண்டார்கள். இசையால் இணைந்த திருமண வாழ்க்கை இனிமையாகவே கழிந்தது வெறுமனே காதல் மயக்கத்துடன் மட்டும் நின்று விடாமல் திருமணத்திற்கு முன் உறுதியளித்த படியே மனைவியின் லட்சியத்திற்காக அபாண்டியும் கடுமையாக உழைக்கத் தொடங்கினார். மோனாவை மலேசியாவின் மிகச்சிறந்த பாப் பாடகியாக உயர்த்த வேண்டும் என அவர் உறுதி பூண்டார்.மோனாவுக்கு இசை மட்டுமல்லாமல் ஜோதிடம் மாந்திரீகம் போன்றவற்றிலும் நம்பிக்கைகள் இருந்தன..

எண் கணித முறைப்படி பெயரை மாற்றிக்கொண்டால்
விரைவாக பிரபலம் ஆகலாம் என நினைத்த மஸ்னா தமது கணவரின் செல்ல பெயரைச் சேர்த்து "மோனா பாண்டே" என புனைப்பெயரை சூட்டிக்கொண்டார்.இந்த பெயர் மாற்றம் ஓரளவுக்கு மோனாவுக்கு கை கொடுத்தது.வசீகரக் குரல் மெலிதான நடனம் என அவர் மேடையில் தோன்றினால் ரசிகர்கள் உற்சாகம் அடைந்தார்கள்
மனைவிக்காக அபாண்டி பல வாய்ப்புகளை உருவாக்கிக் கொடுத்தார் தொலைக்காட்சி நிகழ்ச்சிகளிலும் பாடவைத்தார் நண்பர்கள் மூலம் பத்திரிகைகளில் மோனாவின் பெயர் தொடர்ந்து வருமாறு செய்து அவரே லைன் மேட்டில் வைத்திருந்தார் அபாண்டி இதனால் மோனா பாண்டே என்று சொன்னால் அவர் ஒரு பாப் பாடகி என்று சொல்லுமளவுக்கு ஓரளவு பிரபலம் அடைந்திருந்தார். ஆனால் அதன் மூலம் பெரிய அளவில் பிரேக் எதுவும் கிடைக்கவில்லை என்ன செய்யலாமென கணவனும் மனைவியும் யோசித்து சொந்தமாக இசை ஆல்பம் தயாரித்தால் என்ன என்ற முடிவுக்கு வந்தனர் எனவே 1987 ஆம் ஆண்டில் மனைவிக்காக  அபாண்டி "டயானா" என்ற இசை ஆல்பத்தை தயாரித்து வெளியிட்டார். பெரும் சிரமங்களுக்கு இடையில் வெளியிடப்பட்ட அந்த ஆல்பம் பெரிய அளவில் வரவேற்ப்பைப் பெறத் தவறி விட்டது. பல ஆண்டுகளாக கடுமையாக உழைத்து பேர் சொல்லும் அளவுக்கு தான் வளர முடிந்ததே ஒழிய, புகழோ பொருளீட்டும் அளவுக்கோ எந்த முன்னேற்றமும் ஏற்படவில்லை இதனால் கணவனும் மனைவியும் மிகவும் சோர்ந்து போனார்கள்

 மோனா பாண்டே, அபாண்டி,மேலே இருப்பது ஜுரைமி

அடுத்து என்ன செய்யலாம் என்று கணவனும் மனைவியும் உட்கார்ந்து யோசித்தனர் ஏற்கனவே இருவருக்கும மாந்திரீகத்தில் நிறைய ஆர்வமும் ஓரளவு பயிற்ச்சியும் இருந்தது எனவே அதையே தொழிலாக கையில் எடுத்தால் என்ன என்ற எண்ணம் உதித்தது இந்த இடத்தில்தான் இருவரது வாழ்க்கையும் திசை மாறியது. தங்களுக்கு மிகவும் பிடித்தமான இசைத் துறையை கை விட்டு விட்டு மோனாவும் அபாண்டியும் குறி சொல்வது மாந்திரீகம் செய்வது என புதிய கடையை விரித்தனர்.இதற்கு உடனடியாக கைமேல் பலன் கிடைத்தது.சாமியார்கள் ஆசிரமம் தொடங்கி ஆன்மீக ஆராய்ச்சி எல்லாம் செய்து குறுகிய காலத்திலேயே தீவுகளை எல்லாம் விலைக்கு வாங்குவது போல மோனாவின் மாந்திரீக கடை அதி விரைவாக பிரபலம் ஆனது மாந்திரீகம் செய்து பதவிகளைப் பிடிக்க எதிரிகளை அழிக்க என மோனாவை மக்கள் நாடத் தொடங்கினர் பணமும் கொட்டத் தொடங்கியது வீடுகள் நிலங்கள் என சொத்துக்களை வாங்கி குவித்தனர் மலேசியாவில் மிகச் சிறந்த பாப் பாடகியாக வேண்டும் என்ற லட்சிய கனவுடன் மேடைகளில் தொண்டை கிழியக் கத்தியே போது கிடைக்காத பணம் மாந்திரீக செயல்கள் மூலம் அளவுக்கு அதிகமாகவே கிடைத்தது இதனால் மோனா தம்பதியின் வாழ்க்கை முறையும் மாறியது.மேல்தட்டு வாடிக்கையாளர்கள் மோனாவை நாடி வந்தனர்.குறிப்பாக ஆளுங்கட்சியைச் சேர்ந்த மேல்தட்டு அரசியல்வாதிகள் மோனாவை நாடி வந்தனர்

அப்படி 1993 ஆம் ஆண்டில் அறிமுகமானவர் தான் வளர்ந்துவரும் அரசியல்வாதியான "மாஸ்லான் இத்ரீஸ்" பாகாங் மாகாண சட்ட பேரவை உறுப்பினரான அவருக்கு  முதலமைச்சர் பதவி மீது ஒரு கண்  இருந்தது மக்களுக்கு சேவை செய்து அதன்மூலம் நற்ப்பெயரை சம்பாதித்து பதவிக்கு வருவதுதான் சேவை மனப்பான்மை உள்ள அரசியல்வாதியின் குறிக்கோளாக  இருக்க முடியும் ஆனால் அதற்கெல்லாம் பொறுமை இல்லாத மாஸ்லான் இத்ரீஸ் மாந்திரீகம் மூலம் மிகக் குறுகிய காலத்திலேயே அந்தப் பதவியை அடைய விரும்பினார் எனவே மாந்திரீகம் செய்வினை போன்ற செயல்களை செய்து பிரபலமடைந்து வந்த மோனா அ பாண்டே தம்பதியினரை அவர் அணுகினார்

      அமைச்சர்  மாஸ்லான் இத்ரீஸ்

கொழுத்த ஆடு ஒன்று வலிய வந்து தலையை கொடுப்பதை பார்த்து உள்ளூர மகிழ்ந்து போன மோனா தம்பதி இத்ரீஸுக்கு உதவுவதாக வாக்களித்தனர் இந்தோனேசிய முன்னாள் அதிபர் "சுகர்மோ" தாயத்து ஒன்று வைத்திருந்ததாகவும் அந்த தாயத்தின் சக்தியினாலேயே அவர் செல்வாக்கு மிக்க தலைவராக திகழ்ந்து வந்ததாகவும் மாந்திரீகத்தில் ஈடுபாடு கொண்ட பலர் நம்பி வந்தனர் மாஸ்லான் இத்ரீஸும் அதை நம்பினார் அதைப்போன்ற தாயத்து தம்மிடம் இருந்தால் தாமும் முதலமைச்சர் ஆகிவிட முடியும் என்று இத்ரீஸ் நம்பினார்.அதுபோன்ற தாயத்து என்ன சுகர்மோ வைத்திருந்த அந்த தாயத்தை பெற்று தருவதாகவும் அதன்மூலம் வெல்லமுடியாத அரசியல் தலைவராக முடியும் என்றும் மாஸ்லான் இத்ரீஸ்க்கு  மோனா தம்பதியினர் ஆசை காட்டி உள்ளனர்.பதவி ஆசை மூளையை
மழுங்கடிக்க அதற்கு இத்ரீஸ்  ஒப்புக்கொண்டுள்ளார் அந்த தாயத்துக்கு விலையாக பல லட்சம் விலை தருவதாக இத்ரீஸ்  ஒப்புக்கொண்டார்

மோனாவும் கணவர் அபாண்டியும் கைதாகி பின்னால் கைகள் கட்டபட்ட நிலையில்

முன்பணமாக பேசிய தொகையில் பாதியையும் கொஞ்சம் நிலங்களையும் வாங்கிக் கொடுத்துள்ளார் இத்ரீஸ் பின்னர் 1993 ஆம் ஆண்டு ஜூலை மாதம் 18 ஆம் தேதி நள்ளிரவில் தாயத்தை கொடுப்பதற்க்காக சிறப்பு மாந்திரீகம் செய்ய வேண்டும் என நாள் குறித்துள்ளனர் மோனா தம்பதியினர் அதன்படி அன்று நள்ளிரவு யாருக்கும் தெரியாமல் மாஸ்லான் இத்ரீஸ் தனியாக ரகசியமாக பாகாங்கில்"ரா" பகுதியில் உள்ள மோனாவின் வீட்டிற்கு வந்தார் அலங்கரிக்கப்பட்ட பூக்கள் பயமுறுத்தும் தோற்றத்தை கொண்ட சாமி சிலைகள் என அமானுஷ்ய சூழலில் மாந்திரீகம் தொடங்கியுள்ளது. இத்ரீஸை பூஜைக்கு நடுவில் படுக்க வைத்து அவரையும் பூக்களால் அலங்கரித்து ஏதேதோ மாந்திரீக வேலைகளில் ஈடுபட்டனர் மோனா தம்பதி படுக்க வைக்கப்பட்டிருந்த இத்ரீஸ் பயபக்தியுடன் கண்களை மூடி ஞானத்தில் இருக்க அப்போது தான் அந்த எதிர்பாராத அதிரடி திருப்பம் அங்கே அரங்கேறியது.மோனா கண்ணசைக்க ஓரத்தில் கூடமாட பூஜைக்கு ஒத்தாசையாக இருந்த  உதவியாளர் "ஜுராய்மி ஹுசைன்" பாய்ந்து சென்று இத்ரீஸின் கழுத்தில் கோடாரி போன்று கூர்மையான ஆயுதத்தால் ஒரே போடு துடிப்பதற்குக் கூட நேரமின்றி இத்ரீஸ் இறந்து போனார்.

                            ஜுரைமி

முதலமைச்சராகி மக்களை ஆள வேண்டும் என்ற அவரது மண்ணாசை அத்துடன் அடங்கிப் போனது மோனா, அபாண்டி, ஜுரைமி ஆகிய மூவரும் சேர்ந்து அந்த மாந்திரீக சடங்கின் ஒரு பகுதியாக இத்ரீஸின் உடலை 18 துண்டுகளாக வெட்டினர் அந்த உடல் பாகங்களை வீட்டிற்க்கு அருகே உள்ள ஸ்டோர் ரூமில் ஆழமாக குழிதோண்டி புதைத்துள்ளனர். பின்னர் அவற்றின்மீது சிமெண்ட் கலவை போட்டு பூசி உள்ளனர் எஞ்சிய உடல் பாகங்கள் சிலவற்றை மூன்று பேரும் சேர்ந்து சாப்பிட்டு விட்டதாக பின்னாளில் போலீஸில் சிக்கியபோது ஜுரைமி வாக்குமூலம் அளித்தார்.சுகர்மோவின் தாயத்தை பெற்றுத்தருவதாக கூறி மாஸ்லான்  இத்ரீஸை மோனா தம்பதி இந்த கொடூர கொலையை செய்தது எதற்காக

மஸ்லான் இத்ரீஸின் எலும்பு கூடுகளை தோண்டி எடுக்கும் காட்சி

மாந்திரீகத்தின் மூலம் வானத்திலிருந்து பணம் கொட்ட செய்ய முடியுமென்று மோனா அபாண்டி தம்பதி நம்பியுள்ளனர் ஆனால் அதற்கு நரபலி கொடுக்க வேண்டும் என்றும் அவர்கள் முடிவு செய்தனர் எனவேதான் பதவி ஆசையில் மாந்திரீக பூஜைக்கு வந்த மாஸ்லான் இத்ரீஸை அவர்கள் நரபலிக்கு பயன்படுத்திக்கொள்ள

முடிவு செய்தனர் பூஜையின்போது இத்ரீஸின் தலை துண்டிக்கப்பட்டு நரபலி கொடுக்கப்பட்ட போது வானத்திலிருந்து பணம் கொட்டும் என வெகு நேரம் வானத்தைப் பார்த்தபடியே அவர்கள் பூஜை செய்துள்ளனர் ஆனால் அப்படி எதுவும் நிகழாததால் மோனா தம்பதி ஏமாற்றமடைந்தனர்

                       மாஸ்லான் இத்ரீஸ்

ஆனால் அதைப்பற்றி அவர்கள் பெரிதாக அலட்டிக் கொள்ளவும் இல்லை பின்னர் தான் அவரது உடல் 18 துண்டுகளாக வெட்டப்பட்டு ஆழமாக குழிதோண்டி ஸ்டோர் ரூமில் புதைக்கப்பட்டது அந்த சம்பவத்திற்கு பிறகு இயல்பாக அன்றாட வாழ்க்கைக்கு திரும்பிய  மோனாவும், அபாண்டியும் இத்ரீஸ்  கொடுத்த பணத்தில் வீடுகளையும் நிலங்களையும் வாங்கி குவித்தனர்.மோனா கோலாலம்பூருக்கு சென்று தான் மிகவும் விரும்பிய மெர்சடிஸ் பென்ஸ் காரை வாங்கினார் அந்த சொகுசு காரில் அமர்ந்து தினசரி ஷாப்பிங் சென்று வந்தார் வாழ்க்கை இனிமையாகவும்,  கொண்டாட்டமாகவும் கழிந்து  வந்தது.மோனாவுக்கு  இதற்கிடையில் மாஸ்லான் இத்ரீஸ் திடீரென மாயமானதால்  குடும்பத்தினரும், உறவினரும் அவரைத் தேடி வந்தனர் அவர் எங்கே சென்றார் என்பதே தெரியாததால் போலீசில் புகார் அளிக்கப்பட்டது உறவினர் வீடுகளுக்கோ நண்பர்களின் வீடுகளுக்ககோ அவர் செல்லவில்லை என்பது தெரியவந்தது. இத்ரீஸ் மாயமானது குறித்து விசாரணையை தொடங்கிய போலீசார் சல்லடை போட்டு அவரை தேடி வந்தனர்.

மோனாவை தூக்கிலிட கொண்டு போகும் நேரம் புன்னகையுடன்

அப்போது இத்ரீஸின் வங்கி கணக்கிலிருந்து பல லட்சம் ரூபாய் எடுக்கப்பட்டிருப்பதை கண்டு பிடித்தனர்.ஆனால் அந்தப் பணத்தை அவர் என்ன செய்தார் யாருக்கு கொடுத்தார் என்று விவரங்கள் எதையும் போலீசாரால் கண்டு பிடிக்க முடியவில்லை தாம் சார்ந்திருந்த கட்சிக்கும் அவர் பெரும் பணத்தை கொடுக்கவில்லை இது போலீசாருக்கும் குடும்பத்தினருக்கும் பெரும் குழப்பத்தை ஏற்படுத்தியது. ஆளும் கட்சியைச் சேர்ந்த சட்டசபை உறுப்பினர் என்பதால் அவரைக் கண்டு பிடித்தாக வேண்டிய கட்டாயம்  போலீசாருக்கு இருந்தது எனவே ஏதாவது ஒரு சிறு துப்பு கிடைத்தால் கூட அதை வைத்து  அவரது இருப்பிடத்தை கண்டுபிடித்து விடலாம் என போலீசார் நினைத்தனர் ஆனால் அப்படி எதுவும் நடை பெறாததால் இத்ரீஸ் காணாமல்போன வழக்கு திக்குத் தெரியாமல் முற்றுச்சந்தில் போய் நின்று விட்டது.மோனா மாந்திரீகம் செய்வினை என திசை திரும்பியபோது அவருக்கு உதவியாக வந்த சேர்ந்தவர் ஜூரைமி ஹுசைன் மோனா தம்பதியுடன் எப்போதும் உடன் இருந்து வந்தார்.இவர்

நண்டு கொழுத்தால் வலையில் தங்காது என்பது கிராமப்புறங்களில்  வழங்கப்படும் பழமொழி இதற்கு
முழுமையான விளக்கம் என்னவோ தெரியாது ஆனால் நண்டு தமது  இருப்பிடத்தை விட்டு வெளியேறினால் எதிரிகளிடம் சிக்கிக் கொள்ளும் என்று  நேரிடையாக அர்த்த படுத்திக்கொள்ளலாம் அப்படித்தான் இத்ரீஸின் நரபலிக்குப் பிறகு ஜுரைமிடம் சற்று அதிகமாகவே  பணப்புழக்கம் இருந்துவந்தது.
மது போதைப்பொருட்கள் என  திழைக்கத் தொடங்கினார் 1993 ஆண்டு ஜூலை 20 ஆம் தியதி அதாவது இத்ரீஸ்  கொலைசெய்யப்பட்ட இரண்டு நாட்களில் அளவுக்கு அதிகமாக போதை பொருட்களை உட்கொண்டு விட்டு அளப்பறை கொடுத்துக்கொண்டு இருந்த ஜுரை மியை போலீசார் கைது செய்தனர்.அவரை காவல் நிலையத்துக்கு அழைத்துச் சென்று விசாரணை நடத்தி உள்ளனர் போதை தெளியாமல் இருந்த ஜுரைமி விசாரணையின்போது இத்ரீஸின் விவகாரத்தை உளறிக் கொட்டியுள்ளார்.சுதாரித்துக்கொண்ட போலீசார் தங்கள் பாணியில் விசாரணையை தீவிரப்படுத்திய போது போதை தெளிந்து அனைத்து விவகாரங்களையும் கக்கினார் ஜுரைமி,முற்றுச்சந்தில் நின்று கொண்டிருந்த மஸ்லான் இத்ரீஸின் வழக்கு மீண்டும் உயிர் பெற்றது.ஜுரைமி அளித்த  தகவலின் அடிப்படையில்  மோனாவின் வீட்டு அருகே உள்ள ஸ்டோர் ரூமில் புதைக்கப்பட்டு காங்கிரீட் போட்டு பூசப்பட்டிருந்த இத்ரீஸின் உடல் பாகங்கள் தோண்டி எடுத்து ஆய்வுக்கு அனுப்பப்பட்டன. இத்ரீஸின் உடலில் சில பாகங்கள் கிடைக்கவில்லை இது குறித்து ஜுரைமியிடம் விசாரணை நடத்தியபோது உடலின் அந்த பாகங்களை தான் மோனா மற்றும் அபாண்டி ஆகிய மூன்று பேரும் தின்று விட்டதாக கூறி போலீசாரை அதிர வைத்தார்

இதை அடுத்து மோனா, அபாண்டி,  ஜுரைமி ஆகிய 3 பேரும் கைது செய்யப்பட்டனர். அவர்கள் மீது மலேசிய தண்டனை சட்டம் 302 இன் படி கொலைக் குற்றம் சுமத்தப்பட்டது. டெவர்லோ உயர் நீதிமன்றத்தில் டக்துத் முக்தார் தலைமையிலான 7 நீதிபதிகள் கொண்ட நடுவர் மன்றம் இந்த வழக்கை விசாரித்தது பாப்பாடகியாகி பெரும் புகழ் பெற வேண்டும் என கனவு கண்ட மோனா இந்தக் கொலை வழக்கின் மூலம் தான் நாடு முழுவதும் பிரபலமானார். வழக்கு விசாரணை நீதிமன்றத்தில் வரும்போது விதவிதமான ஆடைகளை அணிந்து வந்தார் மோனா செய்தியாளர்கள் அவரை சூழ்ந்து கொள்ளும் போது அவர்களை நேருக்கு நேர் பார்ப்பதை தவிர்த்து வந்த மோனா எப்போதும் உதட்டில் சிரிப்பை உறைய வைத்திருந்தார் நீதிமன்றத்திற்கு வரும்போதெல்லாம் மோனா சாதாரண குற்றவாளிகள் போல நடந்து கொள்ளவே இல்லை என்கின்றனர் அவரை நேரில் பார்த்த செய்தியாளர்கள் ஆடம்பர உடை அணிகலன்களைப் போல முகத்தில் எப்போதும் வாய் கொள்ளாத சிரிப்பு என வந்து சென்றார். அவர் முகம் கொள்ளாத சிரிப்புடன் இருக்கும் அவரது புகைப்படங்களை செய்தித்தாள்களில் வெளியாகின 65 நாட்கள் வழக்கு விசாரணை நடைபெற்றது வழ்க்கில் 76 பேர் சாட்சிகளாக சேர்க்கப்பட்டு அவர்களிடம் விசாரணை  நடத்தப்பட்டது. நாடு முழுவதும் பரபரப்பை ஏற்படுத்திய இந்த வழக்கின் முக்கிய விசாரணையின் முடிவில் திட்டமிட்டு கொடூர மரணத்தை நிகழ்த்திய மோனா, ஜுரைமி, அபாண்டியா ஆகிய 3 பேருக்கும் சாகும்வரை தூக்கிலிட உத்தரவிட்டு நீதிபதிகள் தீர்ப்பு வழங்கினார். குற்றவாளிக் கூண்டில் நின்றிருந்தவர்கள் ஜுரைமியாவும், அபாண்டியும் தீர்ப்பைக் கேட்டு துணுக்கிட்டனர் அவர்கள் உடல் அச்சத்தால் நடுங்கின.ஆனால் உதட்டில் அதே உறைந்த சிரிப்புடன் இருந்த மோனா மகிழ்ச்சி அடைகிறேன் மலேசிய மக்களுக்கு நன்றி என முணு முணுத்துள்ளார் தொடர்ந்து மரண தண்டனை விதிக்கப்பட்ட மூன்று பேரும் கஜியான் சிறையில் அடைக்கப்பட்டனர். பின்னர் மூன்று பேரும் இந்த வழக்கில் பெடரல் நீதிமன்றத்தில் மேல்முறையீடு செய்தனர். ஆனால் 1999 ஆம் ஆண்டு இந்த மனு தள்ளுபடி செய்யப்பட்டது கடைசி வாய்ப்பான கருணை  மனுக்களும் அவர்களுக்கு கைகொடுக்கவில்லை இதையடுத்து அந்த மூன்று பேரையும் 2001 நவம்பர்  2ஆம் தேதி தூக்கிலிட நாள் குறிக்கப்பட்டது.

இருவருக்கும் வழக்கமான மருத்துவ பரிசோதனைகள் நடை பெற்றுள்ளன முதல்நாள் அவர்களது விருப்பப்படி மூவரும் தமது உறவினர்களை சந்தித்து பேச அனுமதி அளிக்கப்பட்டன.பின்னர் கடைசியாக KFC- யிலிருந்து அவர்களுக்குப் பிடித்தமான உணவு வகைகள் வரவழைத்து வழங்கப்பட்டது. சாகும் நாள் தெரிந்து விட்டால் வாழும் நாட்கள் நரகமாகிவிடும் என்பார்கள். அபாண்டிக்கும், ஜுரைமியாவுக்கும் ஒவ்வொரு வினாடியும் நரகமாகவே கழிந்தது. ஆனால் மோனா எப்போதும் போல மிக இயல்பாகவே நாட்களை கடத்தினார்.இறுதியாக வழங்கப்பட்ட KFC உணவையும் அவர் விரும்பி ரசித்து உண்டார். அந்த இரவு மிக நீண்டதாக இருந்தது ஒவ்வொரு வினாடியும் யுகம் யுகமாக கழிந்தது. 2001 நவம்பர் 2ஆம் தேதி அதிகாலை சிறைச்சாலை வளாகத்திலிருந்து மரங்களில் கூடுகட்டி குடியிருந்த பறவைகள் அன்றைய நாளுக்கு கட்டியம் கூறிக் கொண்டிருந்தன.இரவு முழுவதும் தூங்காமல் விழித்திருந்த அதிகாலையில் மூவரும் எழுப்பப்பட்டு குளித்து தயாராகி உள்ளனர்.பின்னர் இஷ்ட தெய்வங்களிடம் பிரார்த்தனை செய்ய அவர்களுக்கு வாய்ப்பு வழங்கப்பட்டது.மோனா நீதி மன்ற விசாரணைக்கு வந்ததை போலவே வழக்கமான உற்சாகத்துடன் தூக்கு மேடைக்கு நடந்தார்.

                      மோனாவின் உடல்

அப்போதும் அவரது உதட்டில் அதே உறைந்த சிரிப்பு குடிகொண்டிருந்ததுள்ளது. மூவரும் தூக்கு மேடைக்கு நடத்திச் செல்லப்பட்டனர்.எந்தவிதமான வருத்தமோ பயமோ இன்றி மூவரும் சாதாரணமாகவே சென்றுள்ளனர் பின்னர் சட்ட நடைமுறைகள் படி மூவரும் அடுத்தடுத்து தூக்கிலிடப்பட்டனர்.இறப்பதற்கு முன் மோனா கடைசியாக தூக்குமேடையில் ஒலித்த வார்த்தைகள் நான் இறக்க மாட்டேன் என்பதாகும்.மாந்திரீகத்தில் ஈடுபட்டுவந்த மோனா அபாண்டி தம்பதி நரபலி என்ற பெயரில் மேலும் சில கொலைகள் செய்துள்ளதாகவும் தகவல்கள் உலவிக் கொண்டிருக்கின்றன ஆனால் அதற்கான எந்தவிதமான  தடயங்களோ, உடல்களோ  கிடைக்காததால் அது குறித்து விசாரணைகள் மேற்கொள்ளப்படவில்லை என தெரிகிறது.நரபலி கொடுக்கப்பட்டவர்களின் உடல்களை மோனா அபாண்டி மற்றும் உதவியாளர் ஜுரைமி ஆகியோர் தின்று விட்டதாகவும் கதைகள் பரவிக்கிடக்கின்றன. ஆனால் அந்தக் கதைகள் உண்மையானவையா என்பதும் நிரூபிக்க படவில்லை. பாப் இசை மூலம் நாடு முழுவதும் பிரபலம் அடைய வேண்டும் என்று கனவு கண்ட மோனா கடைசியில் கொலைகாரியாக மட்டுமே பிரபலமானார். மாந்திரீகம் மூலம் அவர் வாங்கிக் குவித்த பல பிரம்மாண்ட மாளிகைகள் பேய் வீடு என்ற அச்சத்தின் காரணமாக கைவிடப்பட்டு மலேசியாவில் மர்ம மாளிகைகளாகவே இன்றளவும் காட்சிப் பொருளாக இருக்கின்றன.

உலகம் முழுவதும் கொரோனா பாதிப்பு

உலகம் முழுவதும் கொரோனா பாதிப்பு 37 லட்சத்தை தாண்டியது- அமெரிக்காவில் உயிரிழப்பு எண்ணிக்கை 72,256

ஜெனிவா: உலக நாடுகளில் கொரோனாவின் பாதிப்பு எண்ணிக்கை 37 லட்சத்தை தாண்டியுள்ளது. அமெரிக்காவில் நேற்று ஒரே நாளில் 2,355 பேர் பலியானதால் அங்கு உயிரிழப்பு எண்ணிக்கை 72,256 ஆக உயர்ந்துள்ளது.

உலக நாடுகளில் கொரோனாவின் கோரத்தாண்டவம் ஓய்ந்தபாடில்லை. உலக நாடுகளிலேயே அமெரிக்காதான் மிக மோசமாக பாதிக்கப்பட்டிருக்கிறது.

அமெரிக்காவில் நேற்று மட்டும் 24,631 பேருக்கு கொரோனா பாதிப்பு உறுதி செய்யப்பட்டது. இதனால் அமெரிக்காவில் கொரோனா பாதிப்பு எண்ணிக்கை 12,37,466 ஆக அதிகரித்தது. அமெரிக்காவில் நேற்று ஒரே நாளில் 2,335 பேர் மரணமடைந்தனர். இதையடுத்து மொத்த உயிரிழப்பு எண்ணிக்கை 72,256 ஆக உயர்ந்துள்ளது.

இத்தாலி, இங்கிலாந்தில் கொரோனாவால் நிகழ்ந்த மரணங்கள் எண்ணிக்கை 30 ஆயிரத்தை எட்டுகிறது. இங்கிலாந்தில் 29,427 பேரும் இத்தாலியில் 29,315 பேரும் கொரோனாவால் மரணித்துள்ளனர். பிரான்ஸ், ஸ்பெயினில் கொரோனா உயிரிழப்புகள் 25 ஆயிரத்தைதாண்டியது.
ஸ்பெயினில் 25,613 பேரும் பிரான்ஸில் 25,531 பேரும் கொரோனாவால் மரணமடைந்துள்ளனர். பிரேசிலில் 7,921; ஜெர்மனியில் 6,993; ஈரானில் 6,340; பெல்ஜியத்தில் 8,016 பேர் கொரோனாவால் உயிரிழந்திருக்கின்றனர்.

உலக நாடுகளில் மொத்தமாக கொரோனாவால் பாதிக்கப்பட்டோர் எண்ணிக்கை 37,24,350. கொரோனாவால் உயிரிழந்தோர் எண்ணிக்கை 2,58,012. அதேநேரத்தில் கொரோனா பாதித்து அதில் இருந்து மீண்டவர்கள் எண்ணிக்கை 12,39,908 ஆகும்.

கொரோனா வைரஸ் அறிகுறிகள் என்ன? கொரோனா வைரஸ் தொற்றிலிருந்து நம்மை பாதுகாத்து கொள்வது எப்படி?

கொரோனா வைரஸ் என்றால் என்ன? இந்த வைரஸ் எப்படி ஒருவருக்கு பரவுகிறது? இந்த வைரஸை கட்டுப்படுத்த முடியுமா? போன்ற பல கேள்விகளுக்கு விடையளிக்கிறது இந்த கட்டுரை.

உலகம் முழுவதும் மிகவும் தீவிரமாக பரவிவரும் கொரோனா வைரஸ் இதுவரை 160 நாடுகளில் பரவி உள்ளது. 2 லட்சத்து 54 ஆயிரத்து 996 பேர் வைரஸ் தொற்றால் பாதிக்கப்பட்டுள்ள நிலையில், 10,444 பேர் மரணித்துள்ளதாக ஜான் ஹாப்கின்ஸ் பல்கலைக்கழகத்தின் சமீபத்திய செய்திகள் கூறுகின்றன.

கொரோனா வைரஸ் தாக்குதலுக்கு உள்ளாகி அதிலிருந்த மீண்டவர்களின் எண்ணிக்கை 87,351 ஆக உயர்ந்துள்ளது.

இந்தியாவில் வைரஸால் பாதிக்கப்பட்டவர்களின் எண்ணிக்கை 195-ஆக உயர்ந்துள்ளதாகவும் அந்த செய்திகள் தெரிவிக்கின்றன.

கொரோனாவிலிருந்து நான் தம்மை தற்காத்து கொள்வது எப்படி ?

உங்கள் கைகளை குறைந்தது 20 நொடிகள் கழுவ வேண்டும். உங்கள் கைகளின் அனைத்து பாகங்களுக்கும் கவனம் கொடுங்கள். சோப்பு மற்றும் நீரைக் கொண்டு நன்றாக கழுவுங்கள். உங்கள் கண்கள், மூக்குகள், மற்றும் வாயை தொடுவதை தவிருங்கள் எனவே அந்த வழியில்தான் வைரஸ் உங்கள் உடம்பில் பரவும்.

கொரோனா தொற்றிலிருந்து உங்களை காத்து கொள்வது எப்படி?

நீங்கள் இருமினாலோ அல்லது தும்மினாலோ டிஷ்யூ பேப்பர்களை பயன்படுத்துங்கள். அதை மறக்காமல் குப்பையில் போட்டு கை கழுவுங்கள். கைக்குட்டைகளை காட்டிலும் ஒருமுறை மட்டுமே பயன்படுத்தப்படும் டிஷ்யூக்களை பயன்படுத்துங்கள். டிஷ்யூ பேப்பர் இல்லை என்றால் உங்கள் முழங்கை மூட்டை பயன்படுத்தி இருமுங்கள். கைப்பிடிகள், லிஃப்ட் பொத்தான்கள், போன்ற அதிகம் பேர் தொடும் பொத்தான்களை தொடுவதை தவிருங்கள். காய்ச்சல், இருமல், சுவாசக் கோளாறு போன்ற அறிகுறிகள் இருப்பவர்களிடமிருந்து தள்ளி இருங்கள். உங்களுக்கு காய்ச்சல், இருமல், சுவாசப் பிரச்சனைகள் இருந்தால் எங்கும் போகாமல் வீட்டிலேயே இருங்கள்.

உங்களுக்கு கொரோனா உள்ளது என்றால் நீங்கள் என்ன செய்ய வேண்டும்?

நீங்கள் கொரோனா தொற்று பாதிக்கப்பட்ட இடங்களுக்கு பயணம் செய்திருந்தாலோ அல்லது பயணம் செய்தவருடன் தொடர்பில் இருந்தாலோ, விட்டிலேயே இருங்கள். குறிப்பாக உங்களுக்கு லேசாக ஏதேனும் அறிகுறி இருந்தாலோ அது சரியாகும் வரை பிறருடன் தொடர்பில் இருப்பதை தவிர்த்து விடுங்கள். மாஸ்க் (முகக்கவசம்) அணிந்து கொள்ளுங்கள்.

நீங்கள் மருத்துவரிடம் சென்றாலும் அது முழுமையாக உறுதிப்படுத்தப்படுமா என்பது தெரியவில்லை. ஏனென்றால் வைரஸ் தொற்று ஏற்பட்டு அது அறிகுறிகள் காட்டுவதற்கு 14 நாட்கள் எடுத்துக் கொள்ளும்.

உங்கள் மாநில கொரோனா உதவி எண்ணுக்கு தொடர்பு கொள்ளுங்கள். அதன் பின் சுகாதார அதிகாரிகள் உங்களின் மாதிரிகளை சேகரிப்பர். இந்தியாவில் தற்போது 15 சோதனை ஆய்வகங்கள் உள்ளன. உங்களுக்கு தொற்று இருப்பது தெரிந்தால் நீங்கள் தனிமை வார்டில் சிகிச்சை பெறுவீர்கள்.

கொரோனா வைரஸ் தொற்றின் அறிகுறிகள் என்ன?
இந்த கோவிட் 19 முதன்முதலில் காய்ச்சலாக தொடங்கும். பின் வறட்டு இருமல் அதன்பின் ஒரு வாரம் கழித்து சுவாசக் கோளாறுகள் ஏற்படும். ஆனால் இந்த அறிகுறிகள் உள்ளவர்கள் அனைவரும் கொரோனா தொற்றால் பாதிக்கப்பட்டவர்கள் என்று அர்த்தமில்லை. இந்த அறிகுறிகள் பிற பொதுவான வைரஸாலும் ஏற்படக்கூடியவை

இந்த கோவிட் 19 தீவிரமாக இருந்தால், நிமோனியா, சிறுநீரக பழுது, தீவிர சுவாசப் பிரச்சனை, தீவிர நிலையில் உயிரிழப்பும் ஏற்படலாம். பொதுவாக இந்த அறிகுறிகள் சராசரியாக ஐந்து நாட்களில் தெரியலாம என விஞ்ஞானிகள் தெரிவிக்கின்றனர். ஆனால் சிலருக்கு அதைக்காட்டிலும் தாமதம் ஆகலாம் என்றும் கூறப்படுகிறது.

சிலருக்கு உடல் நலக்குறைவு இருப்பது தென் படுவதற்கு முன்னரே அவர் தொற்றை பரவலாம் என்றும் கூறப்படுகிறது.

ஒருவரின் உடல் வெப்ப நிலையை தெரிந்துகொள்ள எந்த பகுதிகளில் தெர்மாமீட்டர் வைத்து சோதிக்கலாம்?

கொரோனா வைரஸ் அல்லது கோவிட்-19 என்றால் என்ன?
கொரோனா வைரஸ்கள் ஒரு பெரிய குடும்பத்தை சேர்ந்தவை. அது மனிதர்கள் மற்றும் விலங்குகள் மத்தியில் பல நோய்களை உருவாக்கும். மனிதர்களில் இந்த கொரோனா வைரஸ் சளி முதல் சார்ஸ் வரையில் உண்டாக்கக்கூடியவை.

தற்போது உலகின் பல்வேறு நாடுகளில் அச்சுறுத்தலை ஏற்படுத்தும் இந்த தொற்றுக்கு கோவிட்-19 என பெயரிட்டுள்ளனர். இந்த தொற்று சமீபமாக கண்டுபிடிக்கப்பட்ட கொரோனா வைரஸால் ஏற்படுகிறது. இது விஞ்ஞானிகளால், சிவியர் அக்யூட் ரெஸ்பிரேட்டரி சிண்ட்ரோம் கொரோனா வைரஸ் 2 அல்லது Sars-CoV-2 என்று பெயரிடப்பட்டுள்ளது.

கொரோனா ஏற்பட்டால் இறப்பு நிச்சயமா?

கொரோனா தொற்று குறித்த அச்சம் பரவலாக இருந்தாலும், இதனால் இறப்பு ஏற்படும் விகிதம் மிகவும் குறைவே. ஒரு சதவீதத்திலிருந்து 2 சதவீதம் வரையே இறப்பு விகிதம் என கூறப்படுகிறது. ஆனால் அதை உறுதியாக கூற முடியவில்லை.

56,000 நோயாளிகளிடம் உலக சுகாதார நிறுவனம் சோதனை செய்தது; அதில் கண்டறிந்தவை:

6% பேரின் உடல்நிலை மோசமாக உள்ளது என்றும் அவர்களுக்கு - நுரையீரல் பழுது, செப்டிக் ஷாக் (தொற்றிலிருந்து நம்மைக் காக்க நோய் எதிர்ப்பு சக்தி ரத்தத்தில் வெளியிடும் ரசாயனம் தவறாக நமக்கு ஆபத்தை உருவாக்கும் நிலை), உறுப்புகள் செயலிழப்பு மற்றும் இறப்பு ஏற்படும் ஆபத்து ஆகியவை தென்படுகிறது.
14% பேருக்கு தீவிர அறிகுறிகள் காணப்படுகின்றன. - சுவாப்பதில் சிரமம் மற்றும் நுரையீரலுக்குள் சரியாக காற்று செல்லாமை
80% பேருக்கு மிதமான அறிகுறிகள் - காய்ச்சல், இருமல் சிலருக்கு நிமோனியாவும் இருக்கலாம்.
வயதானவர்கள், ஆஸ்துமா, நீரிழிவு மற்றும் இதய நோய்கள் உள்ளவர்கள் இதனால் அதிகம் பாதிக்கப்படலாம்.

கொரோனாவை குணப்படுத்த முடியுமா?

தற்சமயம் கொரோனா தொற்றை குணப்படுத்தும் மருந்து இல்லை. இருப்பினும் ஆய்வாளர்கள் மருந்து கண்டுபிடித்து விலங்குகளில் சோதனை செய்து வருகின்றனர் அது சரியாக இருந்தால் பின் மனிதர்களிடத்தில் சோதனை செய்யப்படும். விஞ்ஞானிகள் மருந்து கண்டுபிடித்தாலும் அது அதிகளவில் உற்பத்தி செய்யப்பட வேண்டும். கோவிட் 19 வைரஸ் என்பதால் ஆண்டி பாக்டீரியல் மருந்து (பாக்டீரியாவை அழிக்கும் மருந்து)) செயல்படாது.

கொரோனாவிலிருந்து உங்களை தற்காத்து கொள்வதற்கான சிறந்த வழி நன்றாக கைகளை சுத்தம் செய்வது. சோப்பையும், தண்ணீரையும் கொண்டு உங்கள் கைகளை நன்றாக சுத்தம் செய்யுங்கள்.

Image copyright GETTY IMAGES
கொரோனா எங்கிருந்து வந்தது?

இந்த SARS-COV-2 வைரஸ் கடந்த டிசம்பர் மாதம் சீனாவில் உள்ள விலங்குகள் சந்தையிலிருந்து, விலங்குகளிடமிருந்து மனிதர்களுக்கு பரவியிருக்கலாம் என்று கூறப்படுகிறது. எந்த விலங்கு என்று இன்னும் கண்டறியப்படவில்லை. இருப்பினும் வெளவால்கள் மூலம் பரவியிருக்கலாம் என்று கூறப்படுகிறது.

கொரோனா: உலக நாடுகளின் அச்சமும், பின்பற்றும் வழிமுறைகளும்
கொரோனா வைரஸ் பரவல் தீவிரமானால் இந்தியாவால் சமாளிக்க முடியுமா? - விரிவான அலசல்
கொரோனா வைரஸ் : சிக்கன் சாப்பிடலாமா? வெயில் அவசியமா? - மருத்துவர் விளக்கம்
கொரோனா: யார் யார் மருத்துவப் பரிசோதனை செய்துகொள்ளவேண்டும்? அமைச்சர் விளக்கம்
கொரோனா தொற்று எவ்வாறு பரவுகிறது?
கொரோனா பாதிக்கப்பட்ட ஒருவர் இரும்பும்போது, அந்த வைரஸ் காற்றில் கலக்கலாம். இதை சுவாசித்தாலோ அல்லது அந்த வைரஸ் துகள்கள் பட்ட இடத்தை தொட்டு பின் கண்கள், மூக்கு அல்லது வாயை தொட்டாலோ தொற்று ஏற்படலாம்.

இரும்பும் போதோ அல்லது தும்மலின் போதோ டிஷ்யூ வைத்துக் கொள்ள வேண்டும். கைகளை கழுவாமல் முகத்தை தொடக்கூடாது. மேலும் தொற்று இருக்கலாம் என சந்தேகிக்கப்படும் நபர்களிடமிருந்து தள்ளி இருத்தல் வேண்டும். பாதிக்கப்பட்டவர்களின் மலத்திலிருந்து இந்த வைரஸ் தொற்று பரவ வாய்ப்பில்லை என உலக சுகாதார அமைப்பு தெரிவித்துள்ளது.

உலகம் முழுவதும் கொரோனா தொற்று பரவலை தடுப்பது எவ்வாறு?

உலக சுகாதார நிறுவனம் கொரோனா வைரஸை உலகளவில் பரவும் தொற்றாக அறிவித்துள்ளது.

Pandemic என்பது உலகம் முழுவதும் பல்வேறு நாடுகளில் ஒரே நேரத்தில் மக்களிடையே பரவும் தொற்றாகும்.

உலக சுகாதார நிறுவனத்தின் தலைவர் டெட்ரோஸ், வைரஸை தடுக்க நடவடிக்கை எடுக்காமல் இருக்கும் நிலையின் ஆபத்தை விவரிக்கவே இந்த பதம் இப்போது பயன்படுத்தப்படுகிறது எனக் கூறியுள்ளார்.

உலக சுகாதார அமைப்பின் தலைவர் டெட்ரோஸ் கூறுகையில், சில நாடுகள் கட்டுப்படுத்தும் திறன் இல்லாமலும் ,வளம் இல்லாமலும், பிரச்சனைகளை தீர்க்க முடியாமலும் போராடிக் கொண்டிருக்கின்றன என்கிறார்.

எனவே உலக சுகாதார நிறுவனம் அனைத்து நாடுகளிடமும்,

உடனடி சிகிச்சை தரும் முறையை உயர்த்தவும்
மக்கள் தங்களைத் தாங்களே காப்பாற்றி கொள்ளும் முறை குறித்து அவர்களுக்கு எடுத்துரைக்கவும்
கொரோனா வைரஸ் எனப்படும் கோவிட்-19ஆல் பாதிக்கப்பட்டவர்களை கண்டறிந்து, தனிமைப்படுத்தி, சோதனைக்குள்ளாக்கி அவர்களுக்கு சிகிச்சை வழங்கவும் எடுத்துரைப்பதாக கூறியுள்ளது.

Image copyright GETTY IMAGES
கொரோனா தொற்றை கையாள இந்தியா தயாராக உள்ளதா?
உலகில் அதிக மக்கள் தொகையில் இரண்டாவது பெரிய நாடு, கொரோனா வைரஸ் தீவிரமாகப் பரவினால் அதைச் சமாளிக்க தயார் நிலையில் இருக்கிறதா?

ஏற்கெனவே 3,000 பேருக்கும் மேற்பட்டவர்களைக் கொன்றுவிட்ட, 60க்கும் மேற்பட்ட நாடுகளுக்குப் பரவியுள்ள சுவாச மண்டலம் தொடர்பான இந்த வைரஸ் தாக்குதல் நோயை சமாளிக்க உலகில் ஆயத்தமான முதல் வரிசை நாடுகளில் நாம் உள்ளதாக இந்தியா கூறுகிறது.

இந்த வைரஸ் பாதிப்பால் முதலாவது மரணத்தை சீன அரசு ஊடகங்கள் உறுதி செய்த ஆறு நாட்களில், உலக அளவிலான சுகாதார அவசர நிலையை உலக சுகாதார அமைப்பு (WHO) பிரகடனம் செய்வதற்கு இரண்டு வாரங்களுக்கு முன்பே, ஜனவரி 17 ஆம் தேதியிலிருந்தே விமான நிலையங்களில் பயணிகளுக்கு மருத்துவப் பரிசோதனை செய்யப்பட்டு வருவதாக சுகாதாரத் துறை அமைச்சர் ஹர்ஷ்வர்த்தன் கூறியுள்ளார்.

அருகில் உள்ள நேபாளத்துடன் சர்வதேச எல்லையை பகிரும் ஐந்து மாநிலங்களில் எல்லைப் பகுதியில் வாழும் 27,000-க்கும் மேற்பட்டவர்களின் உடல்நிலை தொடர்ந்து கண்காணிக்கப்பட்டு வருகிறது. அந்தப் பகுதிகளில் 10 லட்சம் பேருக்கு மருத்துவப் பரிசோதனைகள் செய்யப்பட்டுள்ளன என்று அவர் குறிப்பிட்டுள்ளார். இரானிலிருந்து இந்தியாவுக்குத் திரும்பி வருபவர்களைப் பரிசோதிப்பதற்காக, இரானில் ஓர் ஆய்வகத்தை இந்தியா அமைக்கிறது.

இந்த வார இறுதிக்குள் இந்தியா முழுக்க 34 பரிசோதனை நிலையங்களில் இந்த வைரஸ் பரிசோதனை வசதிகள் ஏற்படுத்தப்படும்.

இந்த வைரஸ் தீவிரமாகப் பரவ நேரிட்டால் நிலைமையை எப்படிக் கையாள்வது என்று சுகாதாரத் துறை அலுவலர்களுக்குப் பயிற்சி அளிக்கப்பட்டுள்ளது என்றும், அரசு மருத்துவமனைகளில் தனிமைப்படுத்தி சிகிச்சை அளிப்பதற்கான வார்டு வசதிகள் உருவாக்கப்படுவதாகவும் அமைச்சர் தெரிவித்துள்ளார்.

இந்திய அரசால் விதிக்கப்பட்டுள்ள பயணக்கட்டுபாடுகள் என்னென்ன?
இந்தியர்கள் வெளிநாட்டிற்கு பயணம் செய்து திரும்பினால் குறைந்தது 14 நாட்கள் தனிமைப்படுத்தப்படுத்தப்படலாம் என இந்திய சுகாதாரத் துறை அமைச்சகம் தெரிவித்துள்ளது.

இத்தாலி, சீனா, இரான், கொரியா, பிரான்ஸ், ஸ்பெயின் மற்றும் ஜெர்மனியிலிருந்து பிப்ரவரி 15ஆம் தேதிக்கு பிறகு வந்தவர்கள் அனைவரையும் 14 நாட்களுக்கு தனிமைப்படுத்தப்பட வேண்டும். இது வரும் மார்ச் 13-ஆம் தேதி முதல் அமலுக்கு வரும்," என்றும் தெரிவிக்கப்பட்டுள்ளது.

"இந்தியர்கள் அவசியமில்லாத பயணங்களை ரத்து செய்ய கேட்டு கொள்ளப்படுகின்றனர். மேலும் வெளிநாட்டுக்கு பயணம் செய்து வருபவர்கள் 14 நாட்களுக்கு தனிமைப்படுத்தப்படுவர்," என்றும் சுகாதாரத்துறை தெரிவித்துள்ளது.

Image copyright GETTY IMAGES
மாஸ்க் அணிவது பயன் தருமா?

காற்றில் உலவும் பாக்டீரியா அல்லது வைரஸை தடுப்பதற்கு மருத்துவர்கள் பயன்படுத்தும் மாஸ்க் பெரிய பலனை தராது. அந்த மாஸ்க் அழுத்தமாக இருக்காது என்பதாலும், அதில் காற்று தடுப்பான் இல்லை என்பதாலும், கண்கள் மூடப்படாது என்பதால் அவ்வளவு பலனை தராது. என்கிறார் லண்டன் பல்கலைக்கழகத்தின் டேவிட் காரிங்டன்

உங்களை நீங்களே எவ்வாறு தனிமைப்படுத்திக் கொள்ளலாம்?
நீங்கள் வெளியிடங்களுக்கு செல்வதை தவிர்க்க வேண்டும். பள்ளி, பணி மற்றும் பொது இடங்களுக்கு செல்லக்கூடாது. மேலும் உங்கள் வீட்டில் உள்ளவர்களிடமிருந்து தள்ளி இருங்கள்.

நேபாள அரச குடும்பத்தில் விரும்பிய பெண்ணை திருமணம் செய்ய பெற்றோர்கள் சம்மதிக்காததால் ஒட்டுமொத்த குடும்பத்தையே கொலை செய்த மகன்!

     

    இளவரசர் தீபேந்திரா    

19 ஆண்டுகளுக்கு முன்பு உலகத்தையே அதிரச் செய்த ஓர் பயங்கர கொலை இது. இளவரசராகிய மகனே தன் சொந்த அப்பா, அம்மா, தங்கை, தம்பி உட்பட குடும்ப உறுப்பினர்கள் மொத்தம் ஒன்பது பேரை சுட்டுக் கொன்று விட்டு தானும் தற்க்கொலை செய்து கொண்டார்.

இது ஒன்றும் எதோ ஒரு கிராமத்தில் அல்லது ஊர் பெயர் தெரியாத இடத்தில் வசிக்கும் குடும்பம் இல்லை. நேபாளத்தின் மன்னராக வாழ்ந்தவர்களின் துயர முடிவு தான் இது. 2001 ஆம் ஆண்டு இந்த அதிர்ச்சி சம்பவம் அரங்கேறியிருக்கிறது. இன்றளவும் நேபாள மக்கள் இந்த படுகொலையை ஏற்க முடியாமல் தவிக்கிறார்கள்

      

     மன்னர் பீரேந்திரா குடும்பம்  

நேபாள தலைநகர் காத்மாண்டுவில் உள்ள அரண்மனையில் 2001 ஆம் ஆண்டு ஜூன் 1 வெள்ளிகிழமை இரவு அரச குடும்பத்தினர் எல்லாம் ஒன்றாக சேர்ந்து அமர்ந்திருந்தார்கள். எல்லாரும் அமைதியாக உட்கார்ந்திருக்க முடி இளவரசர் திபேந்திராவுக்கும் ராணி ஐஸ்வர்யாவுக்கும் காரசாரமான விவாதம் நடந்து கொண்டிருந்தது.

திபேந்திரா இங்கிலாந்தில் தான் சந்தித்த தேவயானி ராணா என்ற பெண்ணை திருமணம் செய்து கொள்வேன் என்றார். இந்த திருமணத்திற்க்கு மன்னர் உட்பட யாரும் ஒப்புக் கொள்ளவில்லை

இளவரசர் தீபேந்திராவுடன் ராணி, மன்னர், தங்கை, தம்பி.

தேவயாணியை திருமணம் செய்து கொண்டால் அரச குடும்பத்திலிருந்து விலக்கி வைக்கப்படுவாய் என்று மன்னர் பிரேந்திரா சொன்னதாக சொல்லப்படுகிறது. இது தொடர்பாக சில மாதங்களாகவே இளவரசருக்கும் மன்னருக்கும் தொடர்ந்து வாக்குவாதங்கள் நடந்து வந்திருக்கின்றன.

சம்பவம் நடந்த அன்றும் தொடர்ந்து வாக்குவாதம் நடந்திருக்கிறது. ஒரு கட்டத்தில் பொறுமையிழந்த இளவரசர் தன் அறைக்கு சென்று ராணுவ உடைக்கு மாறினார்.

   மன்னர் குடும்பம் அனைவரும் துப்பாக்கியால் சுடப்பட்டு இறந்து கிடக்கும் நெஞ்சை உருக்கும் காட்சி.

கையில் எம்16 ரக பிஸ்டல் துப்பாக்கியுடன் குடும்பத்தினர் உட்கார்ந்திருக்கும் அறைக்கு நுழைந்தவர் திடீரென்று சுட ஆரம்பித்தார். அங்கிருந்த ஒன்பது பேரும் சரிந்து விழுந்தார்கள். சத்தம் கேட்டு காவலர்கள் ஓடிவர இளவரசர் தன்னைத்தானே சுட்டுக் கொண்டார்.

அதில் நான்கு பேர் சம்பவ இடத்திலேயே உயிரிழந்தவர் பிறர் உயிருக்கு ஆபத்தான நிலையில் மருத்துவமனையில் கொண்டு செல்ல அங்கு சிகிச்சை பலனின்றி உயிரிழந்தனர்.

ராணி ஐஸ்வர்யா

இளவரசர் மட்டும் இரண்டு நாட்கள் தாக்குப்பிடித்தார். இறுதியில் அவரும் இறந்துவிட்டார். ஒரு நொடியில் ஒட்டுமொத்த மன்னர் குடும்பமே இறந்துவிட்டது இறுதி காரியங்கள் செய்வதற்கு கூட அங்கே ரத்த சொந்தம் என்று யாரும் இல்லை. கடைசியாக இளவரசரின் மாமா ஞானேந்திரா என்பவர் மன்னராக பொறுப்பேற்றுக் கொண்டு மேற்கொண்டு நடவடிக்கைகளை செய்தார்.

மன்னரின் மரணம், ஞானேந்திராவின் திடீர் பதவி ஏற்பு ஆகியவை நேபாளத்தில் பெரும் குழப்பதை ஏற்படுத்தின.

இளம் வயதில் ராணி ஐஸ்வர்யா

    
அதோடு உலகத்தின் மொத்த கவனமும் அரண்மனையில் படுகொலை செய்யப்பட்ட மன்னர் குடும்பத்தைப் பற்றியே இருந்தது. 1918 ஆம் ஆண்டு ரஷ்ய புரட்சிக்கு பிறகு அரண்மனையில் மன்னர் குடும்பத்தில் நடக்கிற படுகொலை சம்பவம் இது. அதிலும் ஒட்டுமொத்த மன்னர் குடும்பமே இறந்துவிட்டது என்பதால் இந்த விஷயம் பரபரப்பாக பேசப்பட்டது.

கொன்றது எதிரி நாட்டினர் அல்ல இந்த நாட்டின் இளவரசன் மன்னரின் மகன் அதுவும் துப்பாக்கியில் சுட்டுக் கொன்றிருக்கிறார்.

ஒன்பது பேரின் உடலை பார்த்து நேபாள மக்கள் அனைவரும் கண் கலங்கி நிற்கும் காட்சி

இது இளவரசரின் தனிப்பட்ட செயல் அல்ல பின்னால் பெரும் அரசியல் இருக்கிறது. இது திட்டமிட்டு செய்யப்பட்ட படுகொலை.இதன் பின்னணியில் இருக்கும் நபர்களை கைது செய்ய வேண்டும் என்றார்கள் மன்னரின் ஆதரவாளர்கள். நேபாளம் இந்தியாவுக்கும் சீனாவுக்கும் இடையில் அமைந்திருப்பதால் மன்னரை கொல்ல சர்வதேச அளவில் சதி நடந்திருக்கும் என்றும் பேசப்பட்டது

ஊர்வலமாக கொண்டு செல்லும் காட்சி

இந்த சம்பவம் நடந்த சில மாதங்கள் கழித்து நேபாளத்தில் வெளியாகக்கூடிய பத்திரிகை ஒன்று இந்த சம்பவம் தொடர்பாக ஒரு செய்தி வெளியிட்டது. அதில் இளவரசருக்கு 35 வயதுக்கு முன்னர் திருமணம் நடந்தால் அரசரும் அவரது குடும்பமும் மரணிக்கும் என்பது விதி என்றது அந்த செய்தி.

வீட்டில் தொடர்ந்து எதிர்ப்பு வந்ததால் இளவரசர் யாருக்கும் தெரியாமல் தன் காதலி தேவயாணியுடன் இந்தியா வந்தவர் இந்தியாவில் ஒரு கோவிலில் வைத்து ரகசிய திருமணம் செய்து கொண்டதாகவும் சொல்லப்பட்டது.

எரியூட்டப்படும் காட்சி

                        

வளர்ந்து வரும் சூழல், மக்கள் புரட்சி, வலுக்கும் எதிர்ப்புகள், நாட்டின் பொருளாதாரம் ஆகியவற்றை எல்லாம் கணக்கில் கொண்டு மன்னராட்சி விரைவில் முடிவுக்கு வரும் என்று அரசியல் விமர்சகர்கள் பேசி வந்தார்கள். ஒரு பக்கம் மன்னராட்சிக்கு எதிர்ப்பு இருந்தாலும் இன்னொரு பக்கம் மக்கள் மத்தியில் மன்னர் பிரேந்திராவுக்கு நல்ல வரவேற்ப்பு இருக்கத்தான் செய்தது.

மன்னர் குடும்பம் (1981)

            
ஆனால் இப்படி ஒரு துர்மரணம் மன்னருக்கும் அவரது குடும்பத்தாருக்கும் ஏற்ப்படும் என்று யாரும் நினைத்திருக்க மாட்டார்கள்.

1768 ஆம் ஆண்டு ப்ரித்வி நாராயண் ஷா என்ற கோர்கா அரசரால் உருவாக்கப்பட்டது தான் காத்மாண்டு,பாட்டான் மற்றும் பக்த்பூர் ஆகிய இன்றைய மாவட்டங்களை ஒருங்கிணைத்து ஷா வம்சத்தினர் ஆட்சி செய்து வந்தனர். 1846 முதல் 1951 ஆம் ஆண்டு வரை ராணா வம்சத்திலிருந்து ஒருவர் தான் நேபாளத்தின் பிரதமராக நியமிக்கப்படுவார்.

  நேபாள நாடே கண்ணீருடன்

இதனால் ஷா வம்சத்தினருக்கும் இவர்களுக்கும் காலங்காலமாக பகையுணர்வு இருந்து வந்திருக்கிறது. தேவயாணி திருமணத்திற்க்கு ஒப்புக் கொள்ளாததற்கும் இதுவும் ஒரு காரணம் என்று சொல்லப்படுகிறது.

1996 ஆம் ஆண்டு நேபாளத்தில் உள் நாட்டு போர் நடந்தது. நேபாளத்தில் வசிக்கும் மாவோயிஸ்டுகள் மன்னராட்சியை கலைத்து மக்கள் ஆட்சியை கொண்டு வரவேண்டும் என்று சொல்லி போராட ஆரம்பித்தார்கள்.

மன்னர் பீரேந்திரா குடும்பமும், உறவினர்களின் குழந்தைகளும்

        
இடையில் 2001 ஆம் ஆண்டு மன்னர் குடும்பத்திலேயே மிகப்பெரிய அசம்பாவிதம் நடக்க இளவரசரனின் மாமா ஞானேந்திரா பதவியேற்றார்.

அப்போதும் மன்னரின் ஆதரவாளர்கள் ஒரு பக்கம், மன்னராட்சியை எதிர்க்கும் மாவேயிஸ்டுகள் என பலத்த எதிர்ப்பு வந்ததை அடுத்து 2005 ஆம் ஆண்டு எமர்ஜென்ஸி அறிவிக்கப்பட்டது.

 அரண்மனை நாராயண்ஹிட்டி

        
2006 ஏப்ரல் 24 ஆம் தேதி லோகந்த்ரா அந்தோலன் என்ற போராட்டம் நடைப்பெற்றது. முடிவாக 2006 நவம்பரில் போராட்டம் முடிவுக்கு வருவதாகவும் மன்னராட்சி முழுவதுமாக கலைக்கப்படும் என்றும் சொல்லப்பட்டது.

2007 ஆம் ஆண்டு சில பொறுப்புகளில் இருந்து மன்னர் விடுவிக்கப்பட்டார்.2008 ஆம் ஆண்டு மே 28 ஆம் தேதி மன்னராட்சி முற்றிலுமாக ஒழிக்கப்பட்டது. கிட்டத்தட்ட 239 வருட பாரம்பரியம் முடிவுக்கு வந்தது.

இந்த படுகொலை சம்பவம் நடந்த திரிபுவன் சதன் என்ற கட்டிடத்தை ஞானேந்திரா பதவியேற்றதும் இடித்துவிட்டார். தற்போது அரசு எடுத்துக் கொண்ட இந்த இடம் மியூசியமாக மாற்றப்பட்டு மக்கள் பார்வைக்கு இருக்கிறது. இந்த கொலையை விசாரிக்க தனியாக சுப்ரீம் கோர்ட் உத்தரவுப்படி கமிஷன் அமைக்கப்பட்டது. நூறுக்கும் மேற்பட்ட நபர்களிடத்தில் விசாரணை நடைப்பெற்றது. இன்றளவும் விடை தெரியாத பல கேள்விகளுடன் மர்மமாகவே மறை க்கப்பட்டிருக்கிறது இந்த படுகொலை சம்பவத்தை.

மன்னர் பீரேந்திரா         

             

மன்னரின் குடும்ப உறுப்பினர்கள் அனைவரும் ஒரு அறையில் இருக்கும் ஞானேந்திரா அவருடைய மனைவி மற்றும் குழந்தைகள் மட்டும் உயிர் பிழைத்தது. ஞானேந்திரா அரசவிருந்தினராக இரவு உணவுக்காக வெளியில் சென்றது ஆகியவை திட்டமிட்டு நடத்தப்பட்டதாக இருக்கும் என்றும் மக்கள் சந்தேகிக்கிறார்கள்

சார்லஸ் சோப்ராஜ் பிகினி கில்லர்

                 சார்லஸ் சோப்ராஜ்

உலகையே உலுக்கிவிட்டு இன்று சிறையில் கம்பி எண்ணும் சீரியல் கில்லரின் வரலாறு

பிகினி உடையில் அணிந்து செல்லும் பெண்களை எல்லாம் கொலை செய்துவிட்டு மேற்கத்திய கலாச்சாரம் இந்த நாட்டிற்குள் வரக்கூடாது என்பதற்காக தான் அப்படி செய்தேன் என ஒரு கொலை காரன் பேட்டி கொடுத்துள்ளான் என்றால் நம்ப முடிகிறதா? உண்மையிலேயே அப்படி ஒரு கொலைகாரன் இந்த உலகில் இன்றும் வாழ்ந்து கொண்டுதான் இருக்கிறான். அவனை பற்றி இந்த செய்தியில் முழுமையாக பார்க்கலாம்.

சார்லஸ் சோப்ராஜ்

வியட்நாம் நாட்டை சேர்ந்த பெண் டிராங் லோங் புன், இவர் ஒரு கடையில் பணியாற்றி வந்தார். அப்பொழுது இந்தியாவிலிருந்து வியட்நாமிற்கு வர்த்தகம் சென்ற சோப்ராஜ் ஹட்சார்டு பவானி என்பவரைச் சந்தித்தார். இவரும் காதல் வசப்பட்டு திருமணம் செய்தனர். இவர்களுக்கு 1944ம் ஆண்டு ஏப் 6ம் தேதி ஒரு ஆண் குழந்தை பிறந்தது அந்த குழந்தைக்கு சார்லஸ் எனப் பெயர் வைத்தனர். இந்நிலையில் சோப்ராஜ்ஜிற்கும் டிராங்கிற்கும் இடையே கருத்து வேறுபாடு ஏற்பட்டது. இவரும் பிரிந்து செல்ல முடிவு செய்தனர். இதையடுத்து சோப்ராஜ் தனியாகச் சென்றுவிட்டார். டிராங் சார்லஸ் உடன் வாழ துவங்கினர். இவர்கள் வியட்நாமிலேயே ஒரு நகரத்தில் வாழ்ந்தனர். இந்நிலையில் டிராங்கிற்கும் பிரான்ஸ் ராணுவத்தில் பணியாற்றும் ஒருவருடன் நட்பு ஏற்பட்டு அந்த நட்பு காதலாக மாறியது. இருவரும் திருமணம் செய்து கொண்டனர். சார்லஸூம் அவர்களுடனேயே வளர்ந்தான் அவர்கள் குடும்பம் அடுத்து பிரான்சிற்குக் குடியேறி அங்குக் குடியுரிமை பெற்றது. பிரான்சில் சார்லஸ் வளர துவங்கினான். நாட்கள் செல்ல செல்ல சார்லஸைக் கவனிக்க ஆட்கள் இல்லாமல் போனது அதனால் சார்லஸ் பாதை மாறியது. சார்லஸ் சிறுவயதில் இருக்கும் போதே தனது தந்தை தாயின் பிரிவு, பின்னர் வந்த வளர்ப்புத் தந்தை நாடு மாற்றம் எனப் பல விஷயங்கள் சார்லஸை மன ரீதியாகப் பாதித்திருந்தது. இந்நிலையில் பிரான்ஸில் ஒரு திருடனாக மாறினான் சார்லஸ் பல வீடுகளில் எகிறிக் குதித்து அல்லது பூட்டை உடைத்து உள்ளே சென்று திருடனான் அப்பொழுது 1963ம் ஆண்டு ஒரு திருட்டு வழக்கில் சிக்கி ஜெயலில் போடுகிறார்கள். இங்கிருந்து துவங்குகிறது சார்லஸ் சோப்ராஜின் கதை.

             பெரிய சம்பவம்

பாரீஸில் உள்ள சிறையில் உள்ள அதிகாரிகளுக்கு ஐஸ் வைத்து அவர்களுக்கு அடிமையாக சில ஆண்டுகள் இருந்து விதிக்கப்பட்ட தண்டனை காலத்திற்கு முன்பாகவே நன்னடத்தை சான்று பெற்று விரைவாக வெளியேறுகிறார். அங்கிருந்து வெளியே வந்து டிஎஸ்கோன் என்பவருடன் இணைந்து மீண்டும் பெரிய பெரிய திருட்டு சம்பவங்களையும் மோசடிகளையும் திட்டமிட்டுச் செய்து எதிலும் மாட்டாமல் தப்பி வருகிறார்.

                     சாண்டல்

அப்பொழுதுதான் ஒரு சாண்டல் காம்பகோன் என்ற பெண்ணை பார்க்கிறார். அவர் மீது காதல் கொள்கிறார். சாண்டலிடம் சென்று தன் காதலையும் சொல்லுகிறார். சார்லஸின் உண்மையான பின்புலம் தெரியாத சாண்டல் அவரை விரும்புகிறார். அதன் பின் சாண்டலை மயக்கப் பல விஷயங்களைச் செய்கிறார் சார்லஸ். இதில் மயங்கி அவர் மீது பைத்தியமாகிறார் சாண்டல். பின்பு இருவரும் திருமணம் செய்து கொள்கின்றனர் இந்நிலையில் ஒரு நாள் ஒரு திருட்டு காரில் செல்லும் போது போலீசாரிடம் பிடிபடுகிறார் சார்லஸ்.

                      விடுதலை

பின்பு சார்லஸைப் பிடித்து பாரீஸில் உள்ள சிறையில் அடைக்கிறார்கள். பின்பு 8 மாதம் சிறைத் தண்டனையில் இருக்கிறார். அவர் சிறையிலிருக்கும் போதும் சாண்டல் அவர் மீது கொண்ட காதலால் அவருக்கு உறுதுணையாகவே இருக்கிறார். சாண்டல் தான் வெளியிலிருந்து சார்லஸை விடுதலை செய்ய அதிக பாடுபட்டார். பின்பு விடுதலையானார். பின்னர் இருவரும் பிரான்ஸை காலி செய்து விட்டு கிழக்கு ஐரோப்பா நாடுகளுக்குப் போலியான ஆவணங்களை வைத்துத் தப்பிச் சென்றனர். அங்கு சார்லஸ் அங்கு வரும் டூரிஸ்ட்களும் அழகாகப் பேசி அவர்களுடன் நட்பாகப் பழகி அவர்களிடம் உள்ள பொருட்கள், நகைகள் மற்றும் பணங்களை திருடி வந்துள்ளார். அங்கும் போலீசார் இவரை நெருங்கும் சமயத்தில் இந்தியாவிற்கு வந்து விடலாம் என முடிவு செய்தனர்.

                      இந்தியா                             

சார்லஸில் தந்தை சோப்ராஜ் இந்தியாவைச் சேர்ந்தவர் என்பதால் இந்த முடிவை அவர்கள் எடுத்தனர். அவர்கள் பிரான்ஸிலிருந்து இந்தியாவின் மும்பைக்கு வந்தனர். அப்பொழுது சாண்டல் கர்ப்பமாக இருந்தார். சாண்டல் இந்தியாவிற்கு வந்த பின்பு அவருக்கு ஒரு பெண் குழந்தை பிறந்தது அந்த குழந்தைக்கு உஷா என்று பெயர் வைத்தனர்.

                  மீண்டும் திருட்டு

இந்தியாவிற்கு வந்து மீண்டும் தனது திருட்டு வேலைகளை ஆரம்பித்தார் சார்லஸ் இந்தியாவில் கார் திருட்டு கடத்தல் உள்ளிட்ட வேலைகளைச் செய்தார். இது மட்டுமல்லாமல் இந்தியாவில் கேம்ப்ளிங் மீது அவருக்கு விருப்பம் ஏற்பட்டு அதைச் செய்யத் துவங்கினர். அதில் பல லட்சம் பணங்களை சம்பாதிக்க துவங்கினர். அவர் சில ஆண்டுகள் யாரிடமும் சிக்காமல் இதை mஅசால்டாக செய்துவந்தார்.

போலீசில் சிக்கினார்

இந்நிலையில் 1973ம் ஆண்டு சார்லஸ் மும்பையில் உள்ள ஓட்டல் அசோகாவிலிருந்த ஒரு நகைக்கடையில் ஆயுதங்களைக் காட்டி மிரட்டி பணம் பறிக்க முயன்ற போது அவர் போலீசில் சிக்கிக்கொண்டார். ஆனால் தனது மனைவிக்கு உடல் நிலை சரியில்லை என்று தப்ப முயன்றார். ஆனால் போலீசார் அவரை சிறையில் அடைத்தனர். பின்னர். சிறையிலிருந்து அவரது தந்தை சோப்ராஜை தொடர்பு கொண்டு அவரிடமிருந்து பணம் வாங்கி சிறையிலிருந்து பெயிலில் வெளியே வந்தார்.

சகோதரர்

அங்கிருந்து மீண்டும் அவர் ஈரானிற்குச் சென்றார் அவரது மனைவி சாண்டல் பிரான்ஸ் நாட்டிற்கே திரும்பச் சென்றார். அங்கு இரண்டு ஆண்டுகள் இருந்த சார்லஸ் 10க்கும் மேற்பட்ட பாஸ்போர்ட்களை திருடி வைத்திருந்தார். அதன் மூலம் இஸ்தான்புல் சென்று அங்கு அவரது சகோதர ஆண்ட்ரோவை சந்தித்து அவருடன் சேர்ந்து மீண்டும் தனது திருட்டு வேலையில் ஈடுபட்டார். இந்த முறை ஏதன்ஸ் போலீசாரிடம் சிக்கிக்கொண்டார். ஆனால் அங்கிருந்து அவர் எப்படியோ தப்பிவிட்டார். ஆனால் அவரது சகோதரர் கிரீக் அதிகாரிகளிடம் சிக்கி சிறைக்குச் சென்றுவிட்டார்.

தாய்லாந்து

பின்பு அங்கிருந்து தப்பி தாய்லாந்து சென்றுவிட்டார். அங்குச் சென்று மட்டும் சும்மா இருந்து விடுவாரா என்ன? அந்நாட்டிற்கு வரும் சுற்றுலா பயணிகளிடம் நட்பாகப் பழகி அவர்களின் நம்பிக்கையைப் பெற்று பின்பு அவர்களிடம் இருந்து பொருட்கள், பணம், பாஸ்போர்ட் எல்லாம் கொள்ளையடித்து வந்தார். இரு பிரஞ்சு காரர்களிடம் நட்பாக பழகி அவர்கள் தொலைத்த பாஸ்போர்ட்டை மீட்டுக் கொடுத்து மீண்டும் அதை அவரே கொள்ளையடித்துச் சென்ற சம்பவம் எல்லாம் நடத்தியிருக்கிறார். அதற்கு அந்நாட்டில் உள்ள லோக்கல் திருடர்களின் பழக்கத்தையும் பெற்றுவிடுகிறார்.

செளதரி

பின்னர் அவருக்கு இந்தியாவைச்சேர்ந்த செளதரி என்ற நண்பர் கிடைத்தார். அவருக்கும் சேர்ந்து குற்றச்செயல்களில் ஈடுபட துவங்கினர். இருவரும் சேர்ந்து பலரை ஏமாற்றி கிட்டத்தட்ட ஒரு பணக்கார வாழ்க்கையையே வாழ துவங்கினர். இதற்கிடையில் சார்லஸின் மனைவி சாண்டல் பிரான்ஸில் இறந்துவிட்டார்.

முதல் கொலை

இந்நிலையில் 1975ம் ஆண்டு தெரசா நொல்டன் என்பவர் கல்ஃப் ஆஃப் தாய்லாந்து என்ற ஒரு ஓட்டலின் நீச்சல் குளத்தில் பிகினி உடையில் பிணமாக மீட்கப்பட்டார். அவரது பிரேதப் பரிசோதனையில் அவர் கர்ப்பமாக இருந்தது தெரியவந்தது. அவர் இறந்தது நீச்சல் குளத்தில் நடந்த விபத்தால் இருக்கலாம் என்றே போலீசார் கருதினர். இந்நிலையில் பட்டாயாவில் உள்ள ஒரு ரிசார்ட்டி ரோட்டின் ஓரத்தில் எரிந்த நிலையில் பிணம் ஒன்று கிடந்தது. அது விட்டாலி ஹக்கீம் என்பவரது பிணம் என்பது தெரியவந்தது. ஆம் நீங்கள் நினைப்பது உண்மை தான் இந்த கொலைகளை செய்தது சார்லஸ் தான்.

பிகினி கில்லர்

முதலில் போலீசார் நடத்திய விசாரணையில் எந்த இடத்திலும் இந்த இரண்டு கொலைகளும் ஒரே நபர் செய்திருப்பார் என்ற எண்ணம் போலீசாருக்கு வரவில்லை அதனால் தனித்தனியாக விசாரித்தனர். ஆனால் ஊடகங்கள் இந்த இரண்டு சம்பவங்களிலும் இறந்தவர்கள் பிகினி ஆடைதான் அணிந்திருந்தனர். இதை ஒரே ஆள் செய்திருக்கலாம் என செய்தி வெளியிட்டு அதற்கு அந்த கொலையாளிக்கு பிகினி கில்லர் என பெயர் வைத்தனர். அப்பொழுது முதல் சார்லஸ் சோப்ராஜ் பிகினி கில்லராக மாறினார். முதலில் இந்த செய்தி பெரிதாக பரவவில்லை.

பயம்

இதையடுத்து சார்லஸ் பிதான்சா ஹெம்மர் ஆகிய இருவரையும் கொலை செய்தார். அந்த கொலை குறித்த செய்தி பெரிதாக ஊர் முழுவதும் பிகினி கில்லர் என்ற பெயர் வைரலானது. மக்கள் எல்லாம் இந்த கொலை பற்றிப் பேச துவங்கினர். இதையடுத்து சார்லஸிற்குப் பயம் வந்துவிட்டது. இதையடுத்து சார்லஸூம் அவனது கூட்டாளியும் தாய்லாந்தை காலி செய்துவிட்டு நேபாலுக்கு தப்பிக்க முடிவு செய்தனர்.

மீண்டும் தாய்லாந்து

நேபால் வந்த அவர்கள் அங்கும் தங்கள் கொலையை தொடர்ந்தனர். நேபாலில் Laurent Carrière என்ற 26 வயது கனடா பெண்ணையும், Connie Bronzic என்ற 29 வயது அமெரிக்க பெண்ணையும் அடுத்தடுத்த நாள்களில் கொலை செய்தனர். அவர்களைக் கொலை செய்து யாரும் எளிதாக கண்டுபிடிக்க முடியாத இடத்தில் அவர்களது உடலை போட்டுவிட்டு அவர்களது பாஸ்போர்ட்டை திருடி அந்த பாஸ்போர்ட்டை கொண்டு அந்த அடையாளத்தில் தாய்லாந்திற்கு வந்தனர்.

விசாரணை

தாய்லாந்திற்கு வந்த போது சார்லஸிற்குத் தெரிந்த ஒரு பிரெஞ்சுக்காரருக்கு சார்லஸ் தான் பிகினி கொலைகாரனோ என்ற சந்தேகம் வந்தது. திடீரென்று சார்லஸ் காணாமல் போனது அவருக்கு அந்த சந்தேகத்தை ஏற்படுத்தியது. இதற்கிடையில் போலீசார் பிகினி கில்லர் குறித்த விசாரணையைத் தீவிரப்படுத்தினர்.

போலி பாஸ்போர்ட்

இதற்கிடையில் சார்லஸ் தனது கிரைம் பார்ட்னர் சவுதிரியுடன் சேர்ந்து மலேசியாவிலிருந்து வைரம் மற்றும் மற்ற சில ஜெம்ஸ்களை விற்பனை செய்ய முயற்சி செய்தார்.இதை அந்நாட்டு போலீசார் எப்படியோ மோப்பம் பிடிக்கத் துவங்கினர். அதை அறிந்து கொண்ட சார்லஸ் பின்பும் மீண்டும் இந்தியாவில் போலி பாஸ்போர்ட் மூலம் வந்துவிட்டார்.

டூரிஸ்ட் கைடு

இந்த முறை இந்தியாவிற்கு வந்த அவர் இந்தியாவில் இருந்த பாபிரா ஸ்மித், எலன் ஈத்தர் ஆகியோருடன் இணைந்து மீண்டும் தனது திருட்டு தொழிலைத் துவங்கினார். அப்பொழுது ஜீன் லூஸ் சாலமோன் என்ற ஒரு பிரஞ்சு காரருக்கு டூரிஸ்ட் கைடாக நடித்து அவரிடம் உள்ள பொருட்களை கொள்ளையடிக்க அவருக்கு மயக்க மருந்து கொடுத்தார். அவரை மயங்க வைக்க அவருக்கு அதை கொடுத்தனர். ஆனால் அவர் இறந்துவிட்டார். இதற்கிடையில் சார்லஸூம் அவரது கூட்டாளி பெண்களும் தப்பி விட்டனர். போலீசார் இது குறித்து விசாரணை நடத்தினர்.

இந்தியா டூர்

இந்நிலையில் 1976ம் ஆண்டு ஜூலை மாதம் பிரான்சிலிருந்து கல்லூரி மாணவர்கள் சிலர் மொத்தமாக இந்தியாவிற்கு டூர் வந்திருந்தனர். அவர்களுக்கு சார்லஸ் தான் டூரிஸ்ட் கைடாக செயல்பட்டார். இந்த முறை அவரது திட்டம் அனைவரையும் கொன்று விட்டு அவர்களது உடைமைகளைத் திருட வேண்டும் என்பது தான்.

மாத்திரை

அதற்காக அவர் அவர்களுக்கு மயக்க மாத்திரையை வயிறு பாதிக்காமல் இருப்பதற்கான மாத்திரை என அவர்களிடம் சொல்லி சாப்பிட வைத்தார். இந்திய உணவுகள் காரமாக இருக்கும் அது பிரஞ்சுகாரர்களுக்கு ஒதுக்காது என்பதாகச் சொல்லி இந்த மாத்திரையை அவர்களுக்கு கொடுத்துள்ளார்.

போலீசில் சிக்கினார்

இதை சாப்பிட்டதும் சிலர் மயங்கிவிழுந்தார். சிலருக்கு ஏதோ தவறு நடக்கிறது என்பதை உணர்ந்து அவர்கள் போலீசாருக்கு தகவல் சொல்லிவிட்டனர். உடனடியாக அவர்கள் விரைந்து வந்து சார்லஸ் உட்பட மூன்று பேரையும் கைது செய்தனர். இதில் சார்லஸ் அவருடன் இந்த பெண்கள் தான் இதைச் செய்தார்கள் நான் அவர்களுக்கு உதவி மட்டும் தான் செய்தேன். என வாக்குமூலம் அறிந்து அதிலிருந்து தப்பிவிட்டார்.

உண்மை அம்பலம்

பின்னர் போலீசார் அவரிடம் நடத்திய கிடுக்கிப்பிடி விசாரணையில் அவர் தான் ஜீன் லூஸ் சாலமோனை கொன்றவர் என தெரிந்தது. இதையடுத்து போலீசார் அவரையும் கைது செய்து பின்னர் விசாரணை நடத்தியபோது தான் அவர் ஒரு பெரிய சிரியல் கில்லர். தாய்லாந்தில் போலீசார் தேடி வந்த "பிகினி கில்லர்" இவர் தான் என்பது தெரியவந்தது.

சிறையிலும் சொகுசு

பின்னர் அவர் இந்தியாவில் செய்த குற்றத்திற்காக அவருக்கு மரண தண்டனை வழங்கப்பட்டது. பின்னர் அவர் மேல் முறையீடு செய்து அதை 12 ஆண்டு ஆயுள் தண்டனையாகக் குறைத்தார். மூன்று பேரும் சிறையில் அடைக்கப்பட்டனர். அதில் அந்த பெண்கள் இருவரும் சிறையிலேயே தற்கொலை செய்து கொண்டனர். ஆனால் சார்லஸ் தன்னிடம் உள்ள பணத்தை வைத்து சிறையில் சொகுசு வாழ்க்கை வாழ்ந்தார். டிவி,சுவையான சாப்பாடு எல்லாம் அவருக்கு கிடைத்தது. சிறையில் அவருக்கு சிறை அதிகாரிகள், மற்றும் மற்ற சிறைவாசிகள் எல்லாம் அவருக்கு நண்பர்களாக இருந்தனர்.

எஸ்கேப்

அவர் இந்தியாவில் 10 ஆண்டுகள் சிறை தண்டனை அனுபவித்த காலத்தில் தாய்லாந்தில் அவருக்கு 20 ஆண்டுகள் தண்டனை விதிக்கப்பட்டிருந்தது. இந்நிலையில் அவர் சிறைக்கு வந்து 10ம் ஆண்டுகள் ஆனதை கொண்டாடும் வகையில் அவர் சிறையில் உள்ள அனைவரும் ஒரு பெரிய பார்ட்டி ஒன்றை வைத்தார். அதில் சிறை அதிகாரிகள், சிறை கைதிகள் எல்லோரும் கலந்து கொண்டனர். அவர் முன்னதாக சிறையிலிருந்த தனது செல்வாக்கை பயன்படுத்து தூக்க மாத்திரையை வரவழைத்து அதை அவர் பார்ட்டியில் உணவுடன் கலந்து அதிகாரிகளுக்கு கொடுத்துவிட்டார்.

20 ஆண்டு சிறை

குடி மற்றும் மாத்திரை மயக்கத்தில் எல்லோரும் இருக்கு அசந்த நேரத்தில் சிறையிலிருந்து தப்பிவிட்டார். சார்லஸ். அதன் பின் அவரை பிடிக்க தனிப்படை அமைக்கப்பட்டது. அவர்கள் சார்லஸை கோவாவில் உள்ள ஒரு ரிசார்டி்டில் மீண்டும் பிடித்துவிட்டனர். 12 ஆண்டுகளாக இருந்த தண்டனை அதன் பின் 20 ஆண்டுகளாக மாறியது. அதாவது அடுத்த 10 ஆண்டுகள் அவர் சிறையில் அனுபவிக்க வேண்டிய சூழ்நிலை இருந்தது.

பிரான்ஸ்

இந்நிலையில் சார்லஸ் தனது 52வது வயதில் 1997ம் ஆண்டு பிப் 17ம் தேதி சிறையிலிருந்து விடுதலை செய்யப்பட்டார். பின்பு அவர் பிரான்ஸ்சிற்கு செல்ல இந்திய அரசு அனுமதித்தது. அவர் பிரான்ஸ் நாட்டிற்கும் சென்று விட்டார். அங்கு அவர் மீது எந்த வித குற்ற வழக்குகளும் இல்லை. அங்குச் சென்ற அவர் பாரீஸ் நகரின் வெளிப்புறத்தில் ஒரு வீடு எடுத்து தங்கினார். அப்பொழுது அவர் ஒரு சைக்கோ கொலை காரர், பிகினி கில்லர் என்கிற பெயரில் தாய்லாந்தில் தேடப்பட்டு வரும் ஒரு நபர் என்பது எல்லோருக்கும் மீடியா மூலமாக தெரியவந்தது.

பணம் புகழ்

அவரிடம் பேட்டி எடுக்க பல மீடியாக்கள் முயன்றது. அதை சாக்காக வைத்து அவர் பேட்டி கொடுப்பதற்கு அதிகமான சம்பளம் வாங்கினார். அதனாலேயே அவரது பேட்டிகள் எல்லாம் வைரலாகியது. அவரது பேட்டியுடன் ஒரு செய்தி வெளியானால் அந்த செய்தித்தாள் எல்லாம் அதிகமாக விற்பனையாகியது. அதனால் அவர் பெரும் பணக்காரரன் மற்றும் புகழ் பெற்றவராக மாறினார். இவர் ரோட்டில் வந்தால் சிலர் இவரிடம் சென்று ஆட்டோகிராப் கூட வாங்கினார்கள்.

நேபால்

இந்நிலையில் கடந்த 2003ம் ஆண்டு செப் 17ம் தேதிவரை நேபாலில் உள்ள காட்மாண்டு பகுதியில் இவரை ஒரு பத்திரிக்கையாளர் பார்த்து அதை நேபாள அதிகாரிகளிடம் சொல்ல அதிலிருந்து இரண்டு நாளில் அவர் கைது செய்யப்படுகிறார். அவருக்கு 2004ம் ஆண்டு நேபாள அரசு வாழ்நாள் சிறை தண்டனை வழங்கியது.

நிகிதா பிஸ்வாஸ்

அதன் பின் அவர் சிறையில் அடைக்கப்பட்டார். ஆனால் அதற்கு முன்பு அவர் நேபாளத்தில் நிகிதா பிஸ்வாஸ் என்ற பெண்ணை விரும்பினார். இவரும் கடந்த 2007ம் ஆண்டு சிறையிலேயே திருமணம் செய்து கொண்டனர். பின்னர் நிகிதா பிக்பாஸ் நிகழ்ச்சியில் எல்லாம் கலந்து கொண்டார். 2008ம் ஆண்டு ஜூலையில் சார்லஸ் நிகிதா மூலம் தான் ஒரு கொலையாளி இல்லை. எந்த கோர்ட்டும் நான் கொலை செய்ததை நிரூபிக்கவில்லை. நான் ஒரு சீரியல் கில்லர் எனச் செய்தி வெளியிடுவதை நிறுத்த வேண்டும் என முயற்சி செய்தார்.

பிகினி கில்லர்

தற்போது அவர் நேபாள சிறையில் தான் பல்வேறு கொலை வழக்குகளில் தண்டனை வழங்கப்பட்டு சிறையில் உள்ளார். இன்று இவருக்கு வயதாகிவிட்டது சிறையில் இருக்கும் போதே இவருக்கு இருதய பிரச்சினை ஏற்பட்டு பல ஓப்பன் ஹார்ட் சர்ஜரி எல்லாம் நடந்துவிட்டது. ஒருநபர் உலகமே தேடிய அளவிற்கு சென்றதற்கு அவருக்கு ஏற்பட்ட சைக்கோ பாத் தான் காரணம் என சொல்லப்படுகிறது. இவர்கள் குறித்து நீங்கள் என்ன நினைக்கிறீர்கள்? கமெண்டில் சொல்லுங்கள்.