கடல் கன்னி உண்மையா வதந்தியா ? ஷாக் ரிப்போர்ட்.

19 தாம் நூற்றாண்டு 50 ஆம் வருடங்களில் ஓரளவுக்கு விஞ்ஞானம் வளர்ச்சி பெற்ற உலகளாவிய கடல் ஆராய்ச்சி அமைப்பு ஒன்றை கண்டுபிடித்தது. அப்போதெல்லாம் திமிங்கலங்கள் மற்றும் டால்பின்கள் மொழியை அறிந்து கொள்வதே முக்கிய வேலையாக இருந்தது. ஆனால் அதன் பின் தான் தான் கண்டுபிடிக்கப்பட்டது இதன் இரண்டை தவிர்த்து மற்றொரு ஓசை கடலில் இருந்து வருகிறது என்று! வித்தியாசம் ஒரு பக்கம், என்னவாக இருக்குமென்ற ஆர்வம் ஒரு பக்கம். அக்காலக்கட்டத்தில் கடல்கன்னியர்கள் ரொம்ப பிரபலம் ஏனென்றால் எப்போது தான் புதிய இடம் கண்டுபிடிப்பு வெகுஜோராக நடந்து கொண்டிருந்தது, விபத்தாகும் கப்பல்கள் கடல்கன்னியரின் வலையில் சிக்கியவர்கள் என்ற நம்பிக்கை அப்போது வெகு பிரபலம்! சரி விஞ்ஞானத்திற்கு வருவோம். கடலில் மனிதனால் வாழ முடியாது. ஏன். மீன்கள் போல் தண்ணீரில் சுவாசிக்க செதிள்கள் இல்லை. திமிங்கலம் மற்றும் டால்பின்கள் பாலூட்டிகள் என்பது மட்டுமன்று அவைகள் நீருக்கு வெளியே வந்து காற்றை வாங்கித்தான் சுவாசிக்கின்றன என்பது தனிக்கதை.பரிணாமத்தின் பாதையில் அம்மாதிரி கடல் நீரில் இருந்து கிடைக்கும் உணவை நம்பியே வாழும் பல உயிரினங்கள் பாலூட்டிகளாக இருந்தாலும், பறவைகளாக இருந்தாலும் பிற்காலத்தில் கடலுகுள்ளேயே வாழ்கையை கழிக்க நேரிடலாம் என்பது எத்தனை பேருக்கு தெரியும்! தவளை தண்ணீரில் வாழப்பிறந்து பின் வெளியே காற்றை சுவாசிக்க வளர்ந்து இருப்பது வாழும் பரிணாமத்தில் ஒரு அடையாளம். லங்க் பிஷ் எனப்படும் மீன் ஈரபதத்துடன் இருந்தால் போதும் மணிக்கணக்கில் உயிருடன் இருக்கும், அவையும் பரிணாமத்தின் அடையாளமே! அது ஒரு புறம் இருக்கட்டும். மீன் பிடிப்பவர்களின் பல வித்தியாச அனுபவங்களும் உண்டு, உதாரணம் அது ஏற்கனவே வேட்டை ஆடப்பட்ட மீன் ஆனால் அதில் உள்ள முட்கள் நாங்கள் யாரும் பயன்படுத்துவதில்லை என்று. இதை விட பெரிய கொடுமை என்னவென்றால் திமிங்கலங்கலும், டால்பீனும் கூட்டம் கூட்டமாக கடற்கரையில் வந்து இறப்பது. ஆம் அவைகள் நமக்கு எந்த காரணமும் வைக்காமல் அப்படித்தான் இறந்தன. ஆச்சர்யம், வியப்பு, பயம் மட்டுமே மனிதனுக்கு மிஞ்சியது அப்போது தான் NOAA என்ற அமைப்பு `அந்த வித்தியாசமான மொழியைப்பற்றி வெளியிட்டது. வித்தியாசமான சப்தத்தை கண்ட மனிதர்கள், இன்னொரு வித்தியாசத்தையும் கண்டார்கள். அவை ஒரு சுறாவை பிடித்த போது அது சாப்பிட்டதின் எச்சம். 2005 ஆம் வருடம் சுறாவால் கடிக்கப்பட்ட ஒரு உடல் கிடைத்தது. வலையில் சிக்கிய சுறாவில் தூண்டில் போல் ஒரு காயத்துடன். சக மனிதர்கள் பயன்படுத்தாத எழும்பினால் ஆன ஈட்டி போன்ற ஆயுதம். அதன் வயிற்றில் இருந்த உடலை ஆராய்ச்சி செய்ததில் அது பாலூட்டி தான், ஆனால் சீலுக்கோ, டால்பீனுக்கோ ஒத்துவரவில்லை, அதற்கு இடுப்பெழும்புகள் இருக்கின்றன, ஆம் மனிதனுக்கு இருப்பது போலவே, அதன் நெஞ்சலும்புகள் கூட மனிதனுக்கு ஒத்து போகிறதே தவிற மற்ற உயிரினத்திற்கு இல்லை! http://animal.discovery.com/tv/monster-week/mermaids/gallery.html படங்கள் நிறைய உள்ளன, வரிசையாக பார்க்க!

எகிப்தில் உள்ள ஒரு குகையில் கடல் மனிதர்கள் வேட்டையாடுவது போன்ற ஓவியம் கண்டுபிடிக்கப்பட்டது, படைப்புவாத கொள்கை உடைய எந்த மதத்திலும் அப்படி ஒன்று குறிப்பிடபடவில்லை என்பதால் மறைக்கப்பட்டது, இப்படி பல உண்மைகள் மறைக்கப்பட்டு இருக்கலாம், மனிதன் மதத்தை காட்க உயிரையும் கொடுக்க தயாராக இருக்கிறானே! கடல்மனிதர்கள், கடலிலே பரிணமித்தவர்களா அல்லது கடல்பசு போன்ற விலங்கை தான் மக்கள் கடல் மனிதர்களாக பார்க்கிறார்களா என்ற கேள்வியும் அவ்வபோது வரும், சொல்லப்போனால் நேற்று அனிமல்ப்ளானட் பார்க்கும் வரை எனக்கே கடல் மனிதர்கள் மேல் நம்பிக்கை இல்லை, அவர்களின் கூற்று என்னவென்றால், ஒருவேளை மனிதன் நியாண்டர்தால் யுகத்தில் எரிமலைக்கு பயந்து கடல் அருகில் வாழ்ந்து கடைசில் அவன் கடல் மனிதனாகவே ஆகிவிட்டானோ என்ற சந்தேகமும் உண்டு. அதற்கான வாய்ப்புகளும் அதிகம், இன்று ஒரு குழந்தை நீருக்கடியில் இருப்பதை விட சராசரி மனிதன் மூச்சை கட்டும் நேரம் குறைவு என்பது தெரிந்தது.முதலை, நீர்யானை போன்ற தரையில் வாழும் விலங்குகள் கூட நீரில் அதிக நேரம் சுவாசிக்காமல் வாழ முடிகிறது!, நீரில் இருந்து தொடங்கிய உயிரினம் நீருக்குள்ளயே பரிணமித்து கடல்மனிதர்கள் ஆனார்களோ என்ற சந்தேகமும் உண்டு!, அதற்கு சாத்தியம் குறைவு என்பதால் நாம் எப்படி அதிகபட்ச சாத்தியகூறுகளையே உண்மையாக நம்புகிறோமோ அதன் படி நியாண்டர்தால் மனிதர்கள் கடல்மனிதர்களாக வாய்ப்பிருப்பதாக நம்ப வேண்டியிருக்கிறது! கடலில் இருந்து தரைக்கு வந்த உயிரினம் மீண்டும் கடலுக்கு போய் வாழ்வது பெரிய கஷ்டமில்லை தான் ஆனால் நீர்வாழ் உயிரினங்களுக்கு செதில்களும், தரைவாழ் உயிரினங்களுக்கு நுரையீரலும் தான் பிரதானம், பரிணாமத்தின் அடையாளமாக டால்பீன்கள் அட அதைக்கூட விடுங்க, தலைப்பிரட்டையாக மீன் போல நீரில் வாழ்ந்து பின் தவளையாக தரையில் வாழும் தவளை மிகப்பெரிய அடையாளம் இல்லையா! மிக மிக நீண்ட காலம் கழித்து பதிவை எழுதுகிறேன், ரொம்ப முக்கிய காரணமே 2005 இல் கண்டுபிடிக்கப்பட்ட அந்த ஆதாரங்கள் மதக்குழுவினரால் மறைக்கப்பட்டது என்பது தான், தொடர்சியோ, முதிர்ச்சியோ இல்லாமல் இருக்கலாம். படைப்புவாத கொள்கையினர் ஒரு கண்டுபிடிப்பை மறைக்க எடுக்கும் முயற்சி மனிதவள மேன்பாட்டில் இல்லையே என்ற வருத்தம். அதற்குண்டான லிங்கை தர்றேன். விடயம் எனக்கு ஏற்புடையதாக தெரியவில்லை.அறிவியலின் படி பணிணமித்து இருக்க சாத்தியம் என்றாலும்,அந்த சான்று மறைக்கப் பட்டது என்றாலும் கூட சான்றுகள் முறையாக ஆய்வுக் கட்டுரையாக ஆவணப் படுத்தாத வரையில் ஏற்பது நன்மை அல்ல.இந்த சுட்டியில் கூட அதைப் பற்றி விவாதிக்கிறார்கள்.

கடல் நீர் உருவானது எப்படி, கடல் நீர் ஏன் உப்பு கரிக்கிறது ?

கடல் நீர் உருவானது எப்படி?

பூமியை விண்வெளியில் இருந்து நாம் பார்க்கும் போது, நீல நிறமாகத் தெரியும்.ஏனெனில் பூமியின் 70 சதவீத பரப்பை கடல் போர்வை போல கொண்டுள்ளது. இதன் காரணமாகவே பூமியானது நீல நிறத்தில் காட்சியளிக்கிறது.மேலும் செய்திகள் விளம்பரத்திற்கு கீழ் தொடரும்advertisementகடல் எப்படி தோன்றியது என்ற கேள்வி பலரிடத்திலும் இருந்திருக்கக் கூடும்.இந்த கேள்விக்கான பதிலை அறிவியல் அறிஞர்கள் ஆராய்ச்சி செய்த போது இரண்டு விதமான விளக்கங்களைக் கூறுகின்றார்கள்.

கடல் எப்படி உருவானது?

முதல் விளக்கம்

பூமி தோன்றி சுமார் ஒரு கோடி ஆண்டுகள் வரை, எரிமலைகள் வெடித்துச் சிதறியது.அப்போது பாறைகளுக்குள் அடைப்பட்டிருந்த நீர்த்துகள்கள் வாயுக்களாக வெளியேறி வளிமண்டலத்தில் கலந்துவிட்டது.இதனால் சுற்றுப்பாதையில் இருந்த பூமியானது குளிரத் தொடங்கியது.அப்போது வாயு மண்டலத்தில் இருந்த நீராவியானது, மழையாகப் பொழிந்தது. மேலும் இந்த மழையானது பல லட்சம் ஆண்டுகளுக்கு தொடர்ந்து பெய்து தீர்த்தது.இதனால் பூமியின் துகள்களில் இருந்து கடல்கள் உருவானது என்று கூறுகின்றார்கள்.

இரண்டாவது விளக்கம்

விண்வெளியில் உள்ள வால் நட்சத்திரங்களும், விண்கற்களும் பல லட்சம் ஆண்டுகள் தொடர்ந்து மோதியதால், அதிலுள்ள நீர் அனைத்தையும் பூமியின் மேற்பரப்பானது உறிஞ்சிக் கொண்டது.பின் பூமியில் உள்ள எரிமலையின் செயல்பாட்டால், அந்த நீரானது ஆவியாகி, குளிர்ந்து மழையாக கொட்டித் தீர்த்தது. இதனால் தான் கடல் உருவானது என்று கூறுகின்றார்கள்.மேலும் விஞ்ஞானம் செய்திகள்

கடல் நீர் ஏன் உப்பு கரிக்கிறது?

ஆதி காலத்தில் பூமி உருவான போது, நிலப்பரப்புகள் மிகுந்த வெப்பத்தால் சூடாக காணப்பட்டது. அந்த நேரத்தில் நீராவிப்படலமானது பூமியின் நிலப்பரப்பு முழுவதும் சூழ்ந்திருந்தது.பூமியானது எப்போது குளிர்ச்சி தன்மை அடைகிறதோ அப்பொழுதெல்லம் அங்குள்ள நீராவியும் குளிர்ந்து, பெரும் மழை பொழிவுகள் பூமியில் உண்டானது. இந்த மழைப் பொழிவுகள் காரணமாக பெரிய பள்ளங்கள் மற்றும் நீர்கள் நிறைந்தது. நாளடைவில் இது பெரிய அளவில் உருவாகி கடலாக தோற்றமளித்தது.கடல் நீர் ஏன் உப்பு கரிக்கிறது?நீர் சுழற்சி காரணமாக நதிகளில் உள்ள நீர்கள் கடலில் வந்து மோதுவதால், பாறைகள் நொறுங்கப்பட்டு அதிலுள்ள உப்புகள் கடல் நீரில் கலக்கின்றன. பல வருடங்களாக இதே போன்றான நீர் சுழற்சி நடப்பதால், கடலில் உப்பின் தன்மை அதிகமாக காணப்படுகிறது.மேலும் கடலில் இருந்து நீர் வெளியில் செல்வதற்கான ஒரே வழி, சூரிய வெப்பம் காரணமாக நீர் ஆவியாதல் தான். இவ்வாறு நடைபெறும் போது கடலில் உள்ள நீர்கள் மட்டும் தான் ஆவியாகி மேலே செல்கின்றன. நீரில் உள்ள உப்புகள் மட்டும் கடலிலே தங்கி விடுகின்றன. எனவே கடலில் உப்பின் தன்மை மிகவும் அதிகமாகவே காணப்படுகின்றது. உலகின் அனைத்து கடல்களிலும் உப்பின் தன்மை ஒரே அளவில் இருக்காது.

ஹிப்னாடிசம் என்பது உண்மையா ?

ஹிப்னாடிசம் என்றால் என்ன ?

அல்லாஹ்வின் சாந்தியும் சமாதானமும் உண்டாகட்டுமாக...கேள்வி : ஹிப்னாடிசம் என்றால் என்ன?, அது ஒரு விதமான கலையா? , அல்லது அனைவராலும் ஏலுமான காரியமா? , அடுத்தவருடைய சிந்தனையை கட்டுப் படுத்த முடியும் என்று சொல்வது சரியா?பதில் : ஹிப்னாடிசம் (Hypnotism) என்ற சொல்லுக்கு தமிழில் நோக்கு வர்மம் என்று பெயர் இட்டு உள்ளனர்.ஹிப்னாடிசம்(Hypnotism) மூலம் நொடிப்பொழுதில் நினைத்த மாத்திரத்தில் பார்வையாலயே எதிரியை வீழ்த்தவோ,அல்லது தனது முன்னாள் இருக்கும் ஒருவரை தனது முழுக் கட்டுப்பாட்டிற்குள் கொண்டு வரவோ முடியும் என்று சிலரால் கருத்துருவாக்கம் ஏற்படுத்தப் பட்டுள்ளது.இது வெறும் கற்பனை தானே தவிர உண்மையல்லஇவ்வாறு செய்ய முடியும் என்று எந்த ஒரு விஞ்ஞனமும் நிரூபிக்க வில்லை கியாமத் நாள் வரை முயற்சி செய்தாலும் நிச்சயமாக இதனை நிரூபிக்க முடியாது என்பதை உலகத்திற்க்கு சவாலாகவே நாம் சொல்லிக்கொள்ளலாம்.ஹிப்னாடிசம் மூலம் என்னை வசப்படுத்திக் காட்டுங்கள் என்று பலரிடம் நாம் அறைகூவல் விட்டுள்ளோம்அதற்க்கு அவர்கள் சொன்ன பதில் நம்பியவர்களுக்குதான் இது பலிக்கும் ; நம்பாதவர்களை ஹிப்னாடிசம் செய்ய முடியாது என்பதுதான் அவர்களின் ஒரே பதிலாக உள்ளது எல்லா பிராடு பேர்வழிகள்(?) இதயே தான் சொல்லி தப்பித்துக்கொள்கிறார்கள்.ஹிப்னாடிசம் குறித்த பல நூல்களை நாம் வாசித்த பொழுது அதில் எந்த  விஞ்ஞன உண்மையோ ஏற்கத்தக்க எந்த லாஜிகோ இல்லை என்று தெளிவாக தெரிந்தது.ஹிப்னாடிசம் செய்வதாக சொல்லிக் கொள்ளக் கூடியவர்களுக்கு மன நோய்க்கான சிகிச்சை அளிக்க வேண்டும் என்ற முடிவுக்கு தான் நாம் வர முடிகின்றது எந்த ஒரு ஹிப்னாடிச நிபுணர் (?)முன்வந்தாலும் அவர் முன்னிலையில் அது ஒரு பித்தலாட்டம் என்று நாம் நிரூபித்துக் காட்ட தயாராக இருக்கின்றோம்.மார்க்க அடிப்படையில் இப்படி நம்புவது அல்லாஹ்வுக்கு இணைகற்பிக்கும் குற்றமாகும்.எவ்வித புற சாதனங்களும் இல்லாமல் பார்த்த மாத்திரத்தில் ஒருவருக்கு பாதிப்பு ஏற்படுத்துதல் என்பது இறைவனுக்கு உரிய ஆற்றலாகும் ஒரு மனிதன் மற்றொரு மனிதனுக்கு புற சாதனங்கள் இல்லாமல் பாதிப்பு ஏற்படுத்த முடியவே முடியாது."ஒரு சாதனத்தை பயன் படுத்தி ஒருவன் இன்னொருவனின் உடலில் காயத்தையோ வேதனையையோ ஏற்படுத்த முடியும்" என்பதை நாம் நம்பலாம் கண்கூடாக இது தெரிவதால் இதற்க்கு மார்கத்தின் அடிப்படையில் எந்த ஆதாரத்தையும் நாம் தேட வேடியதில்லை.ஆனால் புறச்சாதனங்கள் எதையும் பயன்படுத்தாமல் மந்திர சக்தியின் மூலம் இது போன்ற பாதிப்புகளை ஏற்படுத்த இயலும் என்றால் மார்கத்தில் அதற்க்கு ஆதாரம் இருக்க வேண்டும்.அல்லாஹ்வைப்போல் யாருமில்லை என்று நம்புவது இஸ்லாத்தின் அடிப்படைக் கொள்கை என்பதை நாம் அறிவோம்.எந்த ஒரு மனிதனும் எந்த ஒரு வகையிலேனும் இறைவனின் நிலையில் வைக்கப்பட்டால் அது அப்பட்டமான இணைவைத்தலாகும் அல்லாஹ்வைப் போல் யாரும் இல்லை என்ற அடிப்படைக் கொள்கைக்கு இது முரணானதுமாகும்.அல்லாஹ் ஒரு மனிதனை உணமாகவோ, கைகாலை முடக்கவோ , படுத்த படுக்கயி கிடத்தவோ நினைத்தால் அந்த மனிதன் மீது எந்த சாதனத்தையும் செலுத்தாமல் , எப்படி இது நடந்தது என்று யாராலும் புரிந்து கொள்ள முடியாத வகையில் செய்து முடிப்பான்.இதுபோல் மனிதர்களும் செய்வார்கள் என்று நம்புவது அல்லாஹ்வைப் போல் யாரும் இல்லை என்ற அடிப்படைக்கு முரணானதாகும்ஹிப்னாடிசம் என்பதைப்பற்றியும் இப்படித்தான் நம்புகின்றனர்.ஹிப்னாடிசம் செய்பவன் தன்னுடைய பார்வயினாலயே ஒருவனுடைய கைகால்களை முடக்குவானாம் , அவனை தொடாமல் அவன் மீது எந்த சாதனத்தையும் பயன்படுத்தாமல் இதை செய்து விடுவாராம்.ஒருவனது உள்ளத்தில் உள்ள இரகசியங்களை எல்லாம் ஹிப்னாடிசம்மூலம் அறிந்து கொள்வானாம் , ஹிப்னாடிசம் மூலம் ஆட்டிப்படைப்பானாம் இப்படி நம்பும் போது இறைவனைப் போன்ற ஆற்றல் உள்ளவன் என்று ஆகிவிடும்.நம்முடைய உள்ளங்களும் அல்லாஹ்வுடைய கையில்தான் உள்ளதுஉங்களை மாற்றுகின்ற ஆற்றல் மனிதனுக்கு கிடையாதுஎந்த ஒருமனிதணும் இறைவனைப் போன்று நம்முடைய சிந்தனையில் மாற்றத்தை ஏற்படுத்த இயலாது.உள்ளங்களில் உள்ளதை அறிபவன் என்பது அல்லாஹ்வின் தனிப்பட்ட தகுதிகளில் ஒன்றாகும் ஹிப்னாடிசப் பேர்வழிகள் தங்களும் அந்த இறைத் தன்மையின் கூட்டாளிகளாக காட்டிக் கொள்கின்றனர்.3:119, 3:154, 5:7, 8:43, 11:5, 27:74, 28:69, 29:10, 31:23, 35:38, 39:7, 40:19, 42:24, 57:6, 64:4, 67:13, ஆகிய வசனங்கள் உள்ளங்களில் உள்ளதை அறிந்து கொள்வது என்பது இறைவனுக்கு மட்டும் உள்ள தனித் தகுதி என்று கூறுகின்றன...இவ்வளவு வசனங்களையும் மறுத்து விட்டுதான் ஹிப்னாடிசத்தை நம்ப முடியும்."அல்லாஹ்வின் தூதர் (ஸல்) அவர்கள் "ஆதமின் மக்களின் (மனிதர்களின்) உள்ளங்கள் அனைத்தும் அளவற்ற அருளாளனின் இரு விரல்களுக்கிடையே ஒரேயோர் உள்ளத்தை போன்று உள்ளன அதை தான் நாடிய முறையில்மாற்றுகிறான் " என்று கூறி விட்டு இறைவா! உள்ளங்களைத் திருப்புகின்றவனே! எங்கள் உள்ளங்களை உனக்கு கீழ் படிவதட்க்கு திருப்புவாயாக " என்று பிராத்தித்தார்கள்.அறிவிப்பவர் அப்துல்லாஹ் பின் அம்ர் பின் அல்ஆஸ் (ரலி)நூல் முஸ்லிம் எனவே மார்கத்தின் அடிப்படையில் இப்படிப்பட்ட ஒன்றான ஹிப்னாடிசம் என்பதை ஒருவன் நம்பினால் அது இணைவைப்பில் சேர்ந்து விடும்ஒரு மனிதனிடம் பக்குவமாக பேசி அவனது வாயில் இருந்து சில செய்தி கலைப் பிடுங்கலாம் என்பதைத் தவிர ஹிப்னாடிசம் பற்றி சொல்லப்படும் அனைத்தும் பொய்யானவை.இதில் கடுகளவும் நமக்கு சந்தேகம் இல்லை நன்றி March 2012 அன்று வெளியான sltj இன் 15 வது அழைப்பு மாத இதழ்.தொடர்பு உள்ள இடுக்கைகள் அல்குர்ஆன் கூறும் சூராவளிக் காற்று பற்றிய எச்சரிக்கைஅவ்லியாக்கள் உயிரோடு இருக்கிறார்களா?காஃபிர்களை கண்ட இடத்தில் வெட்டுங்கள். அவர்களை கொலை செய்யுங்கள் என்று....இஸ்லாம் சிலை வணக்கத்தை தடை செய்திருக்கும்போது - இஸ்லாமியர்கள் கஃபாவை வழிபடுவதும் ....மாற்று மதத்தவர்கள் மக்காவிற்கும் - மதினாவிற்கும் செல்ல அனுமதிக்கப்படுவது இல்லையே ஏன்?இஸ்லாம் வாளால் பரப்பப்பட்ட மார்க்கமாக இருக்கும்போது அது அமைதியான மார்க்கம் என்று அழைக்கப்படுவது எப்படி பொருந்தும்?இஸ்லாம் பன்றி இறைச்சியை உணவாக உட்கொள்ளத் தடை செய்திருப்பது ஏன்?நீங்கள் பொய்யராக மாறிவிட எளிய வழிகள்! இதோ.....ஜும்ஆ நாளும் அதன் தனித்துவமும்குர்ஆன் நிரூபிக்கப்பட்ட நவீன அறிவியல் உண்மைக்கு முரணாக அமைந்துள்ளதா?காதலர் தினம் எனும் கலாச்சார சீரழிவு....இஸ்லாத்தின் பார்வையில் ...காதல்நிச்சயித்த பெண்ணுடன் பேசலாமா?மறுமை வெற்றி யாருக்கு?ஜின்களும் நாமும்பெண் பிள்ளைகளை பாதுகாக்க சில வழிகள்:-இஸ்லாம் மிகச் சிறந்த மார்க்கமாக இருக்கும்போது - முஸ்லிம்களில் பலர் நம்பிக்கை - நாணயமற்றவர்களாகவும் - ஏமாற்றுபவர்களாகவும் - லஞ்சம் வாங்குபவர்களாகவும் - போதைப்பொருள்களின் தொடர்புடையவர்களாகவும் இருப்பது ஏன்?.மது அருந்த இஸ்லாத்தில் தடை இருப்பது ஏன்?இந்துப் பெண்ணை ஒரு இஸ்லாமியன் மணக்களாமா?

உலகில் புரியாத புதிராக மறைந்து இருக்கும் ஏலியன்கள் !

மர்மம் நிறைந்த ஏலியன் ஆய்வுகள்

ஏலியன் சார்ந்த ஆய்வுகள் உலகில் பல காலமாக நடந்து கொண்டு தான் இருக்கின்றது. உண்மையில் ஏலியன்கள் இருப்பது குறித்த தகவல்கள் மறைக்கப்பட்டு வருகின்றது.மறைக்கப்படும் ஒரே காரணத்தினால் தான் உலகில் ஏலியன் சார்ந்த தகவல்கள் அடிக்கடி வெளியாகி கொண்டே இருக்கின்றன.மிகவும் ரகசியமான ஏலியன் தொழில்நுட்பமான ரிவர்ஸ்இன்ஜினியரிங் சார்ந்த ஆய்வு பணிகள் நிலத்தடியில் இயங்கும் ஏலியன்அரசு சோதனை மையங்களில் நடைபெற்று வருவதாக ஏலியன் மற்றும் யுஎஃப்ஒ சதியாலோசனை கோட்பாட்டாளர்கள் நம்பிக்கை தெரிவித்துள்ளனர்.தகவல் தெரிவிப்பாளர் சாட்சிகளை வைத்து பார்க்கும் போது, அரசாங்கம் வேற்றுகிரக வாசம் மற்றும் கவர்ச்சியான ஏலியன் தொழில்நுட்பங்களை மறைத்து வருகின்றனர்,' என சதியாலோசனை கோட்பாட்டாளர்கள் தெரிவித்துள்ளனர்.பல்வேறு தகவல் தெரிவிப்பாளர்கள் அரசு ஆய்வாளர்களாகவும், பொறியியல் ஒப்பந்ததாரர்களாகவும் பல்வேறு நிலத்தடி ஏலியன்அரசாங்க ஆய்வு மையங்களில் பணியாற்றியுள்ளதாக தெரிவித்துள்ளனர்.நிலத்தடி ஆய்வு மையங்கள் பொதுவாக நெவேடா பாலைவனத்தின் ஏரியா 51 ராணுவ தளத்தில் இயங்கி வருவதாக கூறப்படுகின்றது.விபத்தில் சிக்கிய யுஎஃப்ஒ'க்கள் ஏரியா 51 மற்றும் டுல்ஸ் நிலத்தடி வசதியில் வைக்கப்பட்டிருப்பதாக சதியாலோசனை கோட்பாட்டாளர்கள் நம்பிக்கை தெரிவித்துள்ளனர்.1947 ஆம் ஆண்டு ரோஸ்வெல் க்ராஷ் சைட்'இல் இருந்து எரிந்த நிலையில் இருக்கும் ஏலியன் சடலங்கள் மீட்கப்பட்டதாகவும், விபத்துக்குள்ளான யுஎஃப்ஒ'வில் இருந்து உயிருடன் இருந்த ஏலியன்களும் மீட்கப்பட்டதாக சதியாலோசனை கோட்பாட்டாளர்கள் நம்பிக்கை தெரிவித்துள்ளனர்.உயிருடன் மீட்கப்பட்ட ஏலியன்கள் ஏரியா 51 பகுதிக்கு கொண்டு செல்லப்பட்டு, அங்கு அரசு ஆய்வாளர்கள் மற்றும் பொறியாளர்களுக்கு ரிவர்ஸ்இன்ஜினியரிங் உதவ கட்டாயப்படுத்தப்பட்டனர் என்றும் கூறப்படுகின்றது.ஏரியா 51இல் ரிவர்ஸ் இன்ஜினியரிங் தொழில்நுட்பம் சார்ந்த பணிகள் நடைபெற்று வருவதை தகவல் தெரிவிப்பாளர்களின் சாட்சிகளாக சதியாலோசனை கோட்பாட்டாளர்கள் மேற்கோள் காட்டுகின்றனர்.தகவல் தெரிப்பாளர்களில் ஒருவரான பில் யுஹவுசி, தான் 1966 ஆம் ஆண்டு முதல் 1979 ஆம் ஆண்டு வரை ஏரியா 51 பகுதியில், கிரே ஏலியனுடன் பொறியாளராக பணியாற்றி வந்திருக்கின்றார்.2009 ஆம் ஆண்டு மரணித்த யுஹவுசி, ஜெராட் எனும் கிரே ஏலியனுடன் ஏரியா 51 பகுதியில் இயந்திர பொறியாளராக பணியாற்றி வந்ததாக தெரிவித்துள்ளார்.இவர் ஜெராட் உடன் இணைந்து ரிவர்ஸ் இன்ஜினியரிங் முறையில் இயங்கும் ஸ்டெல்த் பறக்கும் தட்டு ஒன்றை உருவாக்கும் பணியில் ஈடுப்பட்டு வந்ததாக தெரிவித்துள்ளார்.ஜெராட், விபத்தில் சிக்கிய ஏலியன் யுஎஃப்ஒ ஒன்றின் விமானி என்பதோடு இது ஏரியா 51 பகுதியின் ரகசிய ஹங்கரில் வைக்கப்பட்டுள்ளதாக தெரிவிக்கப்பட்டுள்ளது.ஜெராட் ஏலியனுடன் தகவல் பரிமாறி கொள்ள கிரே ஏலியன் தொழில்நுட்பம் ஒன்றை பயன்படுத்தியதாக யுஹவுசி தெரிவித்துள்ளார். இந்த தொழில்நுட்பம் மனித ஆய்வாளர்களை கிரே ஏலியன்களுடன் தகவல் பரிமாறி கொள்ள வழி செய்தது.டெலிபதி மூலம் இயங்கும் இது எளிமையான ஒரு மொழி மாற்று கருவியாக இருந்தது குறிப்பிடத்தக்கது.பில் யுஹவுசி ஏலியன் யுஎஃப்ஒ'வினை எப்படி இயக்கி பறக்க செய்ய வேண்டும் என்பதை மனிதர்களுக்கு செய்து காட்டியதாகவும் தெரிவித்துள்ளார்.இதோடு கிரே வகை ஏலியன்களில் பல்வேறு பிரிவுகள் இருப்பதாகவும், அவை அதிக உயரம், குள்ளமான கிரே மற்றும் மனித உயரம் கொண்ட கிரே போன்றவை அடங்கும் என்றும் கூறப்படுகின்றது. எனினும் ஜெராட் எந்த ரக ஏலியன் என்பது குறித்த தகவல் இல்லை.யுஹவுசி மற்றும் இவரை போன்று இருக்கும் மற்ற தகவல் தெரிவிப்பாளர்களின் சாட்சிகளை வைத்து பார்க்கும் போது நம்மை விட மிகவும் அதிநவீன வேற்றுகிரக வாசிகள் இருப்பதற்கான சந்தேகங்கள் எழுகின்றது.ஏலியன் தொழில்நுட்பமான ரிவர்ஸ்இன்ஜினியரிங் குறித்த ஆய்வுகள் நாட்டின் பல்வேறு பகுதிகளில் நடைபெற்று வருவதாகவும் யுஹவுசி தெரிவித்துள்ளார்.டுல்ஸ் ஏலியன்அரசு நிலத்தடி ஆய்வு மையமானது நியு மெக்சிக்கோவின் அர்குலேட்டா மெஸ்ஸா எனும் பகுதியில் அமைந்துள்ளதாகவும் இது ஏரியா 51 பகுதியை விட பெரியது என்றும் அதிக முக்கியத்துவம் வாய்ந்தது ஆகும்.ஏலியன்அரசு ஆய்வு மையத்தின் கட்டமைப்பு பணிகள் ஹார்ரி ட்ரூமேன் மற்றும் டுவைட் ஐசனோவர் குடியரசு தலைவர் பதவியில் இருந்த போது துவங்கியதாக நம்பப்படுகின்றது.ஐசனோவர் வேற்றுகிரக வாசிகளுடன் ஒப்பந்தம் மேற்கொண்டார். கிரே மற்றும் ரெப்டில்லியன்களுடன் மேற்கொள்ளப்பட்ட ஒப்பந்தத்தில் ஏலியன்கள் பூமியில் ஆய்வுகளை மேற்கொள்வது, மற்றும் ஏலியன் விஞ்ஞானிகள் ஏலியன்மனித கலப்புகளை உருவாக்க உயிர் மரபணு சோதனை மேற்கொள்ள வழி செய்ய அனுமதிக்கும் என கூறப்படுகின்றது.இந்த உயிர் மரபணு ஆய்வுகளுக்காக குறிப்பிட்ட அளவு மனிதர்களை ஆராய்ச்சி கினி பன்றிகளாக பயன்படுத்த ஏலியன்களுக்கு அமெரிக்க அரசு அனுமதி வழங்கியுள்ளதாக கூறப்படுகின்றது.கிரே மற்றும் ரெப்டிலியன் வகை ஏலியன்கள் அழியாமல் இருக்க மனிதஏலியன் கலப்புகளை உருவாக்குவதாக சதியாலோசனை கோட்பாட்டாளர்கள் தெரிவித்துள்ளனர்.இந்த ஒப்பந்தத்தில் ஏலியன்கள் தங்களது தொழில்நுட்பம், குறிப்பாக வானியல் சார்ந்த தொழில்நுட்பங்களை அமெரிக்க அரசு பயன்படுத்த ஏலியன்கள் ஒப்பு கொண்டுள்ளதாக கூறப்படுகின்றது.கிரே மற்றும் ரெப்டிலியன்களால் கடத்தப்படும் பெரும்பாலான மனிதர்கள், நாஸி முறையிலான உயிர்மரபணு சோதனையில் ஈடுப்படுத்தப்படுவர் என சதியாலோசனை கோட்பாட்டாளர்கள் தெரிவித்துள்ளனர்.மேலும் கிரே மற்றும் ரெப்டிலியன்கள் உயிர்மரபணு சோதனைக்காக மனிதர்களை கடத்துவதில் அமெரிக்க ஒப்பந்தத்தில் குறிப்பிட்ட எண்ணிக்கையை மீறுவதாக குற்றச்சாட்டு இருப்பதாகவும் சதியாலோசனை கோட்பாட்டாளர்கள் நம்பிக்கை தெரிவித்துள்ளனர்.1950களில் கையெழுத்தான ஒப்பந்தங்களில் ஏலியன்கள் விதிமுறைகளை மீறுவது தெரிந்திருந்தும் அமெரிக்க அதிகாரிகளால் இதனை தடுக்க முடியவில்லை என்றும் கூறப்படுகின்றது.பெரும்பாலான நிலத்தடி மையங்களில் பரந்த ஆய்வகங்கள் மற்றும் பொறியியல் பட்டறைகள் இருப்பதாக கூறப்படுகின்றது.மேலும் இந்த ஆய்வகங்களில் கடத்தப்பட்ட மனிதர்கள் அடைத்து வைக்கப்பட்டு ஆராய்ச்சி கினி பன்றிகளாக பயன்படுத்தப்பட்டு வருவதாக கூறப்படுகின்றது.அமெரிக்க அரசுடன் மேற்கொள்ளப்பட்ட ஒப்பந்தத்தின் அடிப்படையில் சுமார் நூறு முதல் ஆயிரம் கிரே ஏலியன்கள் பென்டகனில் அதிகநவீன தொழில்நுட்பங்களை உருவாக்க பணியாற்றி வருவதாக பொறியாளரும் தகவல் தெரிவிப்பாளருமான யுஹவசி தெரிவித்துள்ளார்.

கண்ணீர் ஒரு புரியாத புதிர்.

கண்ணீர் ஒரு புரியாத புதிர்

அழுகையில்தான் நம் வாழ்க்கை ஆரம்பிக்கிறது. அழுகை குழந்தைகளின் மொழி! பசி, தாகம், அன்பு, அரவணைப்பு என எது தேவைப்பட்டாலும் குழந்தைகள் அழுகின்றன. அதனால் அழுகையை, “வாயுள்ள தொப்புள் கொடி” என ஒரு நிபுணர் வர்ணிக்கிறார். நாம் வளர்ந்து பெரியவர்களான பிறகு நம்முடைய உணர்ச்சிகளையும் தேவைகளையும் வெளிப்படுத்த பல வழிகள் இருந்தாலும், நாம் ஏன் அழுகிறோம்?நாம் அழுவதற்குப் பல காரணங்கள் இருக்கின்றன. துக்கமும் விரக்தியும் நம்மை வாட்டும்போது நாம் அழலாம். மனக் கஷ்டமும் உடல் வேதனையும் நம் கண்ணீருக்குக் காரணமாகலாம். அதேசமயம் அளவில்லா சந்தோஷம் அடையும்போது, நிம்மதி பெருமூச்சு விடும்போது, எதையாவது சாதிக்கும்போது நமக்கு ஆனந்தக் கண்ணீர் வரலாம். மற்றவர்கள் அழுவதைப் பார்க்கும்போதும் நாம் கண்ணீர் விடலாம். இதைப் பற்றி மரியா சொல்கிறார்: “யாராவது அழுவதை பார்த்தா உடனே எனக்கும் அழுகை வரும்.” சில சமயங்களில், ஒரு படம் பார்த்தபோது அல்லது புத்தகம் படித்தபோது நீங்கள் அழுதிருக்கலாம்.வார்த்தைகளால் வெளிப்படுத்த முடியாத உணர்ச்சிகளை நம் கண்களிலிருந்து வழிந்தோடும் கண்ணீர் வெளிப்படுத்துகிறது. ‘கொஞ்ச நேரத்தில் நிறைய விஷயங்களை கண்ணீரால் வெளிப்படுத்த முடிகிறது’ என்று அழுகையைப்பற்றி அடல்ட் க்ரையிங் என்ற புத்தகம் சொல்கிறது. கண்ணீர் நம்மைச் செயல்பட வைக்கிறது. உதாரணத்திற்கு, யாராவது துக்கத்தில் அழுவதைப் பார்க்கும்போது நம்மால் சும்மா இருக்க முடியாது. உடனே, அந்த நபரை ஆறுதல்படுத்தவோ அவருக்கு உதவவோ முயற்சி செய்வோம்.அழுகை, துக்கத்தின் வடிகால் என சில நிபுணர்கள் சொல்கிறார்கள். ஒருவர் உணர்ச்சிகளை வெளிப்படுத்தாமல் அழுகையைக்கட்டுப்படுத்திக்கொண்டே இருந்தால் அது அவருடைய உடல்நலத்தைப் பாதிக்கலாம் என்றும் சொல்கிறார்கள். அழுவதால் வரும் நன்மைகள் எதுவும் அறிவியல்பூர்வமாக நிரூபிக்கப்படவில்லை என்று சிலர் வாதிடுகிறார்கள். ஆனால் அறிக்கைகள் காட்டுகிறபடி, 85 சதவீத பெண்களும் 73 சதவீத ஆண்களும் அழுதப் பிறகு நன்றாக உணருவதாகச் சொல்கிறார்கள். “சில சமயத்துல, எனக்கு அழணும்னு தோனும். அப்படி அழுததுக்கு அப்புறம் என் மனசு லேசாயிடும், நிம்மதியாகவும் இருக்கும். விஷயங்கள தெளிவா பாக்க முடியும்” என்கிறார் நோமீ என்ற பெண்.அறிக்கைகள் காட்டுகிறபடி, 85 சதவீத பெண்களும் 73 சதவீத ஆண்களும் அழுதப் பிறகு நன்றாக உணருவதாகச் சொல்கிறார்கள்இப்படி நிம்மதியாக உணர்வதற்கு அழுகை மட்டுமே காரணமில்லை; நம்முடைய அழுகைக்கு மற்றவர்கள் எப்படிப் பிரதிபலிக்கிறார்கள் என்பதும் ஒரு காரணம். உதாரணத்திற்கு, நாம் கண்ணீர் விடுவதைப் பார்த்து மற்றவர்கள் நம்மை ஆறுதல்படுத்தும்போது, நமக்கு உதவும்போது நாம் நிம்மதியாக உணர்வோம். ஆனால், நம்மை யாரும் கண்டுகொள்ளாவிட்டால் அது நமக்கு அவமானமாக இருக்கும், நம்மை உதாசீனப்படுத்திவிட்டதுபோல் உணர்வோம்.நம் உணர்ச்சிகளை வெளிப்படுத்துவதற்கு கடவுள் செய்திருக்கும் ஓர் அற்புதமான ஏற்பாடுதான் அழுகை. அழுகையைப்பற்றி நமக்குத் தெரிந்த உண்மை இது மட்டுமே. தெரியாத உண்மைகள் இன்னும் எத்தனை எத்தனையோ. ஆம், நம் அழுகை இன்றுவரை புரியாத புதிராகவே இருக்கிறது! ▪ (g14-E 03)விஷயம் தெரியுமா?பொதுவாக, பிறந்த குழந்தைகள் அழும்போது கண்ணீர் வடிப்பதில்லை. கண்ணீர் நாளங்கள் முழுமையாக உருவாக பல வாரங்கள் ஆகின்றன. அதன் பிறகே, குழந்தைகள் கண்ணீர் வடிக்கின்றன. அதுவரை, கண்களைப் பாதுகாப்பதற்குத் தேவையான ஈரப்பசை அவர்களுடைய கண்களில் இருக்கிறது.கண்ணீரில் மூன்று விதம்...அடிப்படை கண்ணீர் (Basal Tears): கண்கள் பாதுகாப்பாகவும் வழுவழுப்பாகவும் இருக்க, கண்ணீர் நாளங்கள் இந்தக் கண்ணீரை எப்போதும் உற்பத்தி செய்துகொண்டே இருக்கின்றன. தெளிவாகப் பார்க்கவும் இது உதவுகிறது. நாம் கண் சிமிட்டும்போது, இந்தக் கண்ணீர் நம் கண்கள் முழுவதும் பரவுகிறது.எதிர்வினைக் கண்ணீர் (Reflex Tears):கண்களில் ஏதாவது தூசி விழுந்தால் அல்லது அதிக நெடியினால் கண்களில் எரிச்சல் ஏற்பட்டால் வருவதுதான் இந்தக் கண்ணீர். நாம் கொட்டாவி விடும்போதும் சிரிக்கும்போதும்கூட இந்தக் கண்ணீர் வருகிறது.உணர்ச்சி சார்ந்த கண்ணீர் (Emotional Tears): மனிதர்களுடைய உணர்ச்சியின் வெளிக்காட்டாக வருவதுதான் இந்தக் கண்ணீர். ஆழ்ந்த துக்கத்தையோ சந்தோஷத்தையோ நாம் வெளிக்காட்டும்போது இந்தக் கண்ணீர் வரும். எதிர்வினைக் கண்ணீரைவிட 24 சதவீதம் அதிக புரதம் இதில் இருக்கிறது

"ஸம் ஸம்" தண்ணீர் தோன்றிய வரலாறு

"ஸம் ஸம் "தண்ணீர் தோன்றிய வரலாறு

இன்று உலகின் அனைத்துப் பகுதிகளிலிருந்தும் – நாடு, இன, மொழி, நிற பேதமின்றி கோடானகோடி மக்கள் கூடி புனித மக்கா நகரில் புனித “ஹஜ்” கடமையை நிறைவேற்றிக் கொண்டு இருக்கின்றனர். அவர்கள் அனைவருக்கும் நமது இதயக்கமலத்தின் எழிலான வாழ்த்துக்கள் கோடி !புனித மக்கா நகரில் பொங்கிப் பெருகி நிற்கும் பூம்புனல் “ஸம் ஸம்” தண்ணீர் உலகமெல்லாம் எடுத்துச் செல்லப்படுகிறது ! ஒரேயொரு சின்னஞ்சிறிய கிணற்றில் ஊற்றெடுத்து நிற்கும் அந்தப் புனித நீர் உலக நாடுகள் அனைத்திலும் மதிக்கப்பட்டு உபயோகப் படுத்தப்பட்டு வருகிறது !“ஸம் ஸம்”! அது ஒரு கடலோ, ஏறியோ, நதியோ அல்ல ! இரண்டு ஒன்று நபர்கள் கட்டிப் பிடித்தால் அதற்குள் அடங்கி நிற்கும் அளவுள்ள ஒரு ஊற்றுக் கிணறு தான் ! ஆனால் அது படைத்து நிற்கும் சரித்திரமோ வரலாற்று நாயகர்களை எல்லாம் வியப்பில் ஆழ்த்தி நிற்கச் செய்திருக்கிறது !வறண்ட பாலைப் பகுதியில் வற்றாத சுனையாகக் கிளம்பி நிற்கும் அந்த ஊற்றின் அஸ்த்திவாரமே இஸ்மாயில் நபியின் பூவையொத்த பஞ்சுப் பாதங்கள் தான் !ஆமாம் ! அன்னை ஹாஜராவையும், பூம் பாலகன் இஸ்மாயீலையும் பாலை வனக்காட்டில் விட்டுவிட்டுத் திரும்பிப் பாராமல் வந்து விடும்படி இறைக்கட்டளை பிறந்தது நபி இப்றாஹீம் அவர்களுக்கு ! அவ்வாறே செய்து திரும்பினார்கள் !அக்கினிக் குழம்பாகக் கொதித்துக் கிடந்த அந்தப் பாலை மணற்காட்டில் கண் எட்டிய தூரம் வரை எதுவுமே இல்லை. உலக உருண்டையில் இரண்டு எறும்புகள் இருப்பது போல அந்த வனத்தில் அன்னை ஹாஜராவும் பிள்ளை இஸ்மாயீலும் இருந்தனர்.அனல் பறக்கும் கொடும் வெய்யிலில் தரையில் கிடத்தப்பட்டிருந்த பிஞ்சுப் பாலகன் இஸ்மாயீல் தாகக்கொடுமை தாழாமல் கதறிப் பீறிட்டுக் கத்தி அழுது கொண்டு கிடந்தார்கள். பசியும் சேர்ந்து சோதித்தது !குழந்தையின் அழுகுரல் கேட்டு மனம் பதைத்த அன்னை ஹாஜரா அவர்கள் செய்வதறியாது விழித்தார்கள். மார்பிலே அமுது வற்றிப் போயிருந்தது. மண்ணிலே நீர் வறண்டு போய்க் கிடந்தது. தொண்டை கிழியக் கதறி அழும் மழலைக்குத் தொண்டையை நனைத்து விடக்கூட அங்கு ஒரு துளி நீரும் இல்லை. பெற்ற மனம் பதறியது !இடப்புறம் திரும்பிப்பார்த்தார்கள். அன்னை ஹாஜரா அம்மையார் ! “ஸபா” குன்றில் நீர் வடிவம் தெரிந்தது ! ஓடிச் சென்று பார்த்தார்கள் ! அது காணும் நீரல்ல ! கானல் நீர் ! மீண்டும் வலப்புறம் பார்த்தார்கள். “மர்வா” குன்றில் நீர் வடிவம் நெழிந்தது. ஓடிச்சென்று பார்க்கையில் அதுவும் வெற்றுக் கானல் நீரே ! இப்படியே ஏழுமுறை ஸபா – மர்வா மலைக்குன்றுகளில் தன் பெண்மையின் மென்மையை சிதைத்து வதைத்து ஓடி ஓடிப் பார்த்தார்கள். எல்லாம் ஏமாற்றமே ! குழந்தையின் அழுகுரல் தவிர எதையும் பெற முடியவில்லை. அந்தோ பரிதாபம் !தாகக் கொடுமையால் தளிர் பாதம் உதறி உதறிக் கதறும் இஸ்மாயீல் அவர்களின் மேல் இறைவன் கருணை கொண்டு விட்டான். அவர்களின் பிஞ்சுப்பாதம் உதைத்து உதைத்துத் தோண்டிய சின்னஞ்சிறு குழியில் புனித அமுத “ஸம் ஸம்” நீர் பொங்கிப் பெருகி ஓடத் துவங்கியது ! திடீரென்று இதைக் கண்ணுற்ற அன்னை ஹாஜரா அவர்கள் அத்தண்ணீர் எங்கே ஓடி மறைந்து விடுமோ என்ற பயத்தால் தன்னிரு கரம் கொண்டு மணல் அணை கட்டி தன் தாய் மொழியால் “ஸம் ஸம்” “நில் ! நில்” என்றார்கள். அள்ளிப் பருகினார்கள் ! ஆனந்தம் கொண்டார்கள் ! இறைவனுக்கு நன்றி சொன்னார்கள் !அன்று அன்னை ஹாஜரா அவர்கள் அணை போட்டுத் தடுத்து ஸம் ஸம் (நில் நில்) என்று சொல்லாமல் இருந்திருந்தால் இக்காலமும் இனி எக்காலமும் அந்நீர் உலகமெல்லாம் ஓடிக் கொண்டு இருக்கும். இறைவன் எண்ணம் அப்படி நடந்து விட்டது !ஒரு பெண்மையின் பாதம் புண்ணாகிப் போன நிலைக்கு இறைவன் அளித்த அருட்கொடை தான் “ஸம் ஸம்” தண்ணீர் ! இறைவனுக்காக எதையும் தாங்கும் இதயம் கொண்ட குடும்பத்துக்குக் கிடைத்த பரிசு தான் “ஸம் ஸம்” தண்ணீர் !

ஸம் ஸம் தண்ணீரே பூமியில் சிறப்பு மிகு தண்ணீர் ஸம் ஸம் பசிக்கு உணவு …! நோய்க்கு மருந்து, இன்னும் ஏராளமான நோய்களை தீர்க்கும் ஸம் ஸம் தண்ணீர் அல்லாஹுவின் மாபெரும் ஓர் அதிசய அருட்கொடையாகும் என்பதில் எந்த சந்தேகமும் இல்லை .