ஆறாயிரம் கோடி சொத்து இருந்தும் வாழ்க்கையில் மக்கள் எப்படி கஷ்டபடுகின்றனர் என்பதை அறிய வேண்டும் என்பதற்காக தன் சொந்த மகனையே கேரளாவில் கூலி வேலைக்கு அனுப்பிய தொழிலதிபர்.

குஜராத்தைச் சேர்ந்த இளைஞர் திரவ்ய தோலாக்கியா, சில ஆயிரம் ரூபாய் பணத்துடன் கேரளாவுக்கு வந்தார்.  ஆங்காங்கே கிடைத்த சிறுசிறு வேலைகளைப் பார்த்து தனது அன்றாட வயிற்றுப்பாட்டுக்கு வழிதேடிக் கொண்டார்...!

இதிலென்ன அதிசயம்? இவரைப் போன்ற எண்ணற்ற இளைஞர்கள் தினந்தோறும் வேலை தேடி வெளிமாநிலங்களுக்குச் செல்கிறார்களே, கிடைக்கும் வேலைகளைப் பார்க்கிறார்களே என்கிறீர்களா?

கொஞ்சம் பொறுங்கள், இளைஞர் திரவ்யவின் அப்பாவுக்கு 6 ஆயிரம் கோடி ரூபாய் சொத்து இருக்கிறது, அவரது வைர வியாபாரம், 71 நாடுகளுக்குப் பரந்து விரிந்திருக்கிறது. இப்படி, திரண்ட சொத்துகளுக்கு ஒரே வாரிசு, 21 வயது இளைஞர் திரவ்ய தோலாக்கியா.

அப்புறம் ஏன் அவரை வேலை தேடிக்கொள்ளும்படி தனியே கேரளாவுக்கு அனுப்ப வேண்டும்

அமெரிக்காவில் எம்.பி.ஏ. முடித்த தனது மகன், வாழ்க்கை என்றால் என்னவென்று நேரடியாக அனுபவித்துத் தெரிந்துகொள்ள வேண்டும் என்று அந்த வைர வியாபாரி சவ்ஜி தோலாக்கியா நினைத்ததுதான் காரணம். அதனால், ஒரு மாதம் இப்படி வேலை பார்க்கும்படி பணித்திருக்கிறார்.

அது பற்றி சவ்ஜி தோலாக்கியாவே கூறுகிறார்:

‘‘நான் என் மகனுக்கு மூன்று நிபந்தனைகள் விதித்தேன். நீ உனக்குத் தேவையான பணத்தை உழைத்துத்தான் சம்பாதித்துக்கொள்ள வேண்டும். அதேநேரம், ஒரு இடத்தில் ஒரு வாரத்துக்கு மேல் வேலை செய்யக்கூடாது. எனது பெயரையோ, செல்போனையோ பயன்படுத்தக் கூடாது. தவிர்க்கவே முடியாத நிலை என்றால் தவிர, அவசரத்துக்காக கையில் கொடுக்கப்பட்டிருக்கும் 7 ஆயிரம் ரூபாயை பயன்படுத்தக் கூடாது. நிஜத்தில் வாழ்க்கை என்றால் என்ன, ஒரு வேலை தேடிக்கொள்ளவும், சம்பாதிக்கவும் மக்கள் எவ்வளவு கஷ்டப்படுகிறார்கள் என்று என் மகன் உணர்ந்துகொள்ள வேண்டும் என்று நான் ஆசைப்பட்டேன். இதையெல்லாம் நேரடி அனுபவம் தவிர வேறு எந்தப் பல்கலைக்கழகமும் கற்றுத்
 தராது.’’

இப்படி வித்தியாசமாக சிந்தித்த சவ்ஜி தோலாக்கியா, குஜராத் சூரத்தில் உள்ள ஹரே கிருஷ்ணா வைர ஏற்றுமதி நிறுவனத்தின் உரிமையாளர்.

மகன் திரவ்ய தோலாக்கியா, அப்பாவின் சவாலை ஏற்றுக்கொண்டார். அவர் முன்பின் அறிந்திராத பகுதிக்கு, தெரியாத மொழி பேசும் பகுதிக்குச் சென்றுதான் வேலை தேட வேண்டும் என்பது கூடுதல் நிபந்தனைகள்.

எனவே, தான் அறிந்திராத மலையாளம் மொழி பேசும் கேரளத்தின் கொச்சி நகரத்துக்குச் செல்ல திரவ்ய முடிவெடித்தார்.

இந்த அனுபவம் எப்படி இருக்கப் போகிறது, தனக்கு என்னென்ன வேலைகள் கிடைக்கும் என்று அவருக்கு துளி தெளிவும் இல்லை.

‘‘கொச்சிக்கு வந்த முதல் ஐந்து நாட்களுக்கு எனக்கு எந்த வேலையும் கிடைக்கவில்லை. தங்குவதற்கும் சரியான இடம் இல்லை. சுமார் 60 இடங் களில் வேலை கேட்டு அலைந்தேன். ஆனால் யாருக்கும் என்னைத் தெரியாத நிலையில் ஒருவரும் எனக்கு வேலை கொடுக்க முன்வரவில்லை. விரக்தி என்னை விரட்டியது. நிராகரிப்பின் வலி எப்படி இருக்கும், ஒரு வேலையின் மதிப்பு என்ன என்று அந்த சில நாட்களிலேயே நான் புரிந்துகொண்டேன்’’ என்கிறார், திரவ்ய.

வேலை கேட்டுச் சென்ற இடங்களில் எல்லாம் தான், குஜராத்தைச் சேர்ந்த ஒரு ஏழை விவசாயியின் மகன், 12–ம் வகுப்புதான் முடித்திருக்கிறேன் என்று திரவ்ய கூறியிருக்கிறார்.

ஒரு வார கால அலைச்சலுக்குப் பின்பு திரவ்ய தோலாக்கியாவுக்கு சேரநெல்லூரில் உள்ள ஒரு பேக்  கரியில் எடுபிடி வேலை கிடைத்திருக்கிறது. பின்னர், கால் சென்டர், செருப்புக்கடை, துரித உணவகம் என்று பல இடங்களில் வேலை பார்த்திருக்கிறார். எல்லாவற்றிலுமாகச் சேர்த்து ஒரு மாதத்தில் இவர் சம்பாதித்தது 4 ஆயிரம் ரூபாய்தான்.

‘‘நான் வாழ்க்கையில் பணக் கஷ்டம் என்றால் என்னவென்று அனுபவித்ததே கிடையாது. ஆனால் நான் இங்கே ஒரு வேளை உணவுக்கான 40 ரூபாயை சம்பாதிப்பதற்குக் கூட திணறித் தவித்துப் போய்விட்டேன். குறைந்தபட்சம் 250 ரூபாய் இருந்தால்தான் லாட்ஜில் இடம் கிடைக்கும் என்ற நிலை. இன்றைய வாழ்க்கை நான் நினைத்ததைவிட எவ்வளவு கடினமாக இருக்கிறது என்பதை நான் அணு அணுவாக உணர்ந்துவிட்டேன்’’ என்கிறார்.

ஒரு பேக்கரியில் அந்தப் பையனைப் பார்த்ததுமே எனக்குப் பிடித்துப் போய் விட்டது. அவனிடம் ஏதோ விசேஷம் இருப்பது போலத் தோன்றியது. இந்நிலையில் அவன் என்னிடம் வேலை கேட்டபோது, ‘போன் செய்துவிட்டு வந்து பார்’ என்று கூறிவிட்டேன். ஆனால், முன்பின் தெரியாத நபரை வேலைக்கு அமர்த்துவதா என்று என்னைச் சார்ந்தவர்கள் கூறியதால், அவனது தொலைபேசி அழைப்பைத் தவிர்த்துவிட்டேன். இந்நிலையில், சமீபத்தில், அந்த இளைஞரின் தந்தை நடத்தும் வைர நிறுவனத்தின் தலைமை நிர்வாக அதிகாரி எனக்கு போன் செய்து நன்றி தெரிவித்ததுடன், திரவ்யவைப் பற்றிய உண்மைக் கதையையும் கூறினார்’’ என்று வியப்பு மாறாமல் கூறுகிறார், ஸ்ரீஜித்.

வாழ்நாள் முழுவதும் மறக்க முடியாத பாடத்துடன் சூரத் திரும்பியிருக்கும் திரவ்ய தோலாக்கியா, தற்போது தந்தையின் தொழிலின் அடிப்படை விஷயங்களை கற்றுக்கொண்டிருக்கிறார்.

இவரை இந்த நிஜப் பரிசோதனைக்கு உட்படுத்திய அப்பா சவ்ஜி தோலாக்கி  கடந்த 2014 - ஆம்  ஆண்டு தனது ஊழியர்களுக்கு தீபாவளி போனசாக 491 கார்கள் , 200 அடுக்குமாடி குடியிருப்புகள் , 525 வைர நகைகள் வழங்கி நாடெங்கும் பரபரப்பை ஏற்ப்படுத்தியதவர்.

ப்ரூஸ்லீயின் மரணம் - 43 ஆண்டுகள் கழித்து வெளியான இரகசியம

புரூஸ்லீ மறைந்து - 43 ஆண்டுகள் கடந்தாலும் மக்கள் மனதில் நீங்காத இடம்பிடித்த ஓர் கலைஞன். ஏன் ஆசான் என கூறுவதில் மாற்றுகருத்தில்லை. அவரது வாழ்கை பலருக்கு சிறந்த எடுத்துக்காட்டாகவும் அமைத்துள்ளது.

இவர் தனது 33வது வயதில் மரணமடைந்தார். அதற்கான காரணம் பலதரப்பட்ட முரண்பாடுகளுடன் இன்றளவும் வெளிவந்த வண்ணம் தான் இருக்கின்றது.

மற்றுமொரு அதிர்ச்சி தகவல் வெளியாகியுள்மை பேரதிர்ச்சி, அதாவது அவரை திட்டமிட்டே கொலை செய்துள்ளதாகவும், அதற்கான முக்கிய காரணம் அவரது மனைவி என்ற தகவல் மருத்துவ அறிக்கையின் மூலம் வெளிவந்துள்ளது.

மே 10 1973இல் உடல்நிலை பாதிப்படைந்த நிலையில் ப்ரூஸ்லீ “ராணி எலிசபெத் மருத்துவமனைக்கு” கொண்டு வரப்பட்டார். அன்று வலிப்பு மற்றும் தலைவலியால் பாதிக்கப்பட்டிருந்த ப்ரூஸ்லீக்கு மருத்துவர்கள் “மானிடோல்” என்ற சிகிச்சையின் மூலம் அவரது பெருமூளை வீக்கத்தை குறைக்க முயற்சி செய்தனர்.

இருந்தும் பெருமூளை முற்றிலும் பாதிப்பு அடைந்து விட்டதால் ப்ரூஸ்லீ மரணமடைந்தார் என கூறப்பட்டது.

ஆனால் திட்டமிட்டு அவருக்கு அதிகமான “ஆஸ்பிரின்” வில்லைகள் குளிர் பானத்துடன் கலந்து கொடுக்கப்பட்டதே மரணத்திற்கான காரணம் என தெரியவந்துள்ளது.

மேலும் ஆம்புலன்ஸ் மூலம் அவரை மருத்துவமனைக்கு கொண்டு வரும் போதே அதிக அளவில் பாதிக்கபட்டிருந்தார். அதற்கு 2 நிமிடங்களுக்கு முன்பு வலுக்கட்டாயமாக “ஆஸ்பிரின் கரைசல்” அவர் வாயில் புகட்டப்பட்டுள்ளது.மேலும் அந்நேரம் ப்ரூஸ்லீ எதோ சொல்ல முற்பட்டார்.

இருந்தும் அவரின் மனைவி எதையும் சொல்ல அனுமதிக்கவில்லை. அந்நேரத்தில் அவரை வெளியே அனுப்ப முயன்றோம் ஆனால் அவர் மறுத்துவிட்டார். இதன் பின் மருத்துவமனை நிர்வாகமும் ப்ரூஸ்லீயின் மனைவி சொன்ன காரணங்களையே திரும்ப திரும்ப சொல்ல ஆரம்பித்தது.

அதன்பின் ப்ரூஸ்லீ இறந்த இருபது நாட்களில், அவருடைய மனைவியும் அமெரிக்கா சென்றுவிட்டார். இவையாவும் தற்போது மருத்துவா்கள் கூறிய டைரி குறிப்புகள் மூலமாக சமீபத்தில் வெளியாகி பெரும் பரபரப்பை ஏற்படுத்திவருகின்றது.

மேலும் ப்ரூஸ்லீயின் மரணத்தில் மர்மம் என எதுவும் இல்லை…! அது ஒரு மனைவியின் துரோகதத்தால் நடத்தப்பட்ட கொலை என அக்குறிப்பில் கூறப்பட்டிருப்பதும் குறிப்பிடத்தக்கது.

பெர்முடா பகுதியில் மாயமாகி வரும் விமானங்கள், கப்பல்கள் குறித்த மர்மத்திற்கு, விஞ்ஞானிகள் தற்போது விடை கண்டுபிடித்துள்ளதாக தகவல் வெளியாகியுள்ளது.

அட்லாண்டிக் கடலில் உள்ள பெர்முடா முக்கோண பகுதியில் 75-க்கும் மேற்பட்ட விமானங்களும், 50-க்கும் மேற்பட்ட கப்பல்களும் தடம் தெரியமால் மறைந்தது பல ஆண்டுகளாக பெரும் புதிராக இருந்து வந்தது. இந்நிலையில் இந்த கடற்பகுதியின் கடலில் அடியில் காணப்படும் உயிரோட்டமான எரிமலையால் தான் கப்பல்கள் மாயமாகி வருவதாகவும், கடந்த 2012 ஆண்டில் விஞ்ஞானிகள் அறிவித்து இருந்தனர்.

இது குறித்து அண்மையில் ஆய்வு நடத்திய  இங்கிலாந்து விஞ்ஞானிகள், இதற்கான மர்மமத்தை கண்டறிந்துள்ளனர். இந்த பெர்முடா பகுதியில் அறுங்கோண மேகங்கள் காணப்படுவதாகவும், அதனால் அந்த பகுதியில்  நீர் சுழற்சி ஏற்படுவதாகவும் அறிவித்து உள்ளனர்.

இதனையே அமெரிக்காவில் உள்ள கொலராடோ மாநில பல்கலைக்கழக வானியல் செயற்கைக்கோள் ஆய்வாளர் டாக்டர் ஸ்டீவ் மில்லரும் உறுதிபடுத்தியுள்ளார்.
பெர்முடா கடல் மட்டத்தில் உள்ள காற்று 170 மைல் வேகத்தில் இருப்பது கண்டறியபட்டதாகவும், இதனால் 45 அடி உயரத்திற்கு சக்தி வாய்ந்த அலைகள் உருவாகி, மேல் எழும்பும் போது அவை வெடிகுண்டுகள் போல் செயல்பட்டு விமானங்களை நிலைகுலைத்து கடலில் விழச்செய்வதும் உறுதிபடுத்தபட்டுள்ளது.
மேலும் இங்கு தோன்றும் அறுங்கோண காற்று  வடிவங்கள், மணிக்கு 170 மைல் வேகத்தில் விமான குண்டுகளை போல் செயல்பட்டு கப்பல்களை கவிழ்த்தும், விமானங்களை கடலில் கீழே தள்ளியும் தடம் தெரியாமல் மறைத்து விடுவதாகவும் மற்றோரு வானியல் ஆய்வாளர் ராண்டு செர்வனியும் தெரிவித்துள்ளார்.

பணச் சலவை மோசடி: ஒரு கண்ணோட்டம்.....!

சமீப காலங்களில் வங்கி மற்றும் நிதி நிறுவனங்களில் உங்களது பெயர் மற்றும் முகவரிக்கான அத்தாட்சி இல்லாமல் கணக்கு துவங்க முடியாது என்கிற அளவில் சட்ட நடைமுறைகள் உள்ளன. நீங்கள் அடிக்கடி கேள்விப்படும் வாசகங்களில் ஒன்று “ Money Laundering” என்று சொல்லப்படும் “பணச் சலவை மோசடி” உலக அளவில் அதிக முக்கியத்துவம் பெற்று அதனை எதிர் கொள்ள வேண்டிய நிலையில் பெரும்பான்மையான நாடுகள் உள்ளன.  சமீபத்திய ஆய்வில் ஒவ்வொரு ஆண்டும் உலக மொத்த வருவாயில் (GDP) சுமார் 4% பண சலவை செய்வதாக மதிப்பீடு செய்யப்பட்டுள்ளது.
துணியை அதன் அழுக்கு மற்றும் கறையை நீக்கி சலவை செய்து சுத்தம் செய்வது போல மணி லாண்டரிங் என்பது கறுப்புப்பணம் மற்றும் சட்ட விரோதப் பணத்தின் (Illicit Funds) மீது உள்ள கறையை நீக்கி சட்டப் பூர்வமான பணமாகவோ சொத்தாகவோ மாற்றுவது தான். இது எப்படி நடை பெறுகிறது என்பதைப் பார்ப்போம்.
சர்வதேச அளவில் போதைப் பொருள் கடத்தல், துப்பாக்கி வியாபாரம், தீவிரவாதம் மூலம் சம்பாதிக்கும் பணம் மற்றும் கறுப்புப்பணத்தை சட்டப் பூர்வமான பணமாக மாற்றுவதில் பெரும் முயற்சிகள் தொடர்ந்து நடந்து வருகிறது. ஒவ்வொரு நாடும் வித்தியாசமான முறையில் அவற்றை எதிர் கொண்டு ஒடுக்க செயல்பட்டு வருகின்றன.
கறுப்புப்பணத்திற்கும் மற்ற சட்ட விரோத பணத்துக்கும் ஒரு வித்தியாசம் உண்டு. கறுப்புப்பணம் என்பது சட்டத்திற்க்கு உட்பட்ட தொழிலில் சம்பாதிக்கும் வருமானத்திற்கு உரிய வரியை கட்டாமல் சேர்க்கும் பணம். ஆனால், மேலே கூறிய சட்ட விரோதமாக சம்பாதிக்கும் பணம் கறுப்புப்பணம் என்றாலும் அதன் மீது உள்ள கறை இரு மடங்கானது. அதாவது வரி ஏய்ப்பு பணமாக இல்லாததோடு குற்றம் புரிந்து சம்பாதித்த பணமாகவும் இருப்பதால் அதன் தீவிர தன்மை மிக அதிகம். ஆகவே இத்தகைய பணத்தை சலவை செய்து அதனை சட்டத்திற்க்கு உட்ப்பட்ட பணமாக புழக்கத்தில் விட தீவிர முயற்சி செய்கின்றனர். பொதுவாக பணச் சலவையை செய்பவர்கள் மூன்று நிலைகளை கடைப்பிடிக்கின்றனர். முதல் நிலையில் ஏதாவது ஒரு வகையில் ரொக்கத்தை சிறு பகுதிகளாகப் பிரித்து பலரது பெயரில் வங்கியில் டெபாசிட் செய்யப்படும். இரண்டாவது நிலையில் வங்கியில் டெபாசிட் செய்யப்பட்ட தொகையை வெளிநாட்டு வங்கிகளுக்கோ அல்லது வரிச் சொர்க்க நாடுகளில் (Tax Haven) உள்ள கம்பெனிகளிலோ முதலீடு செய்யப்படும். மூன்றாவது நிலை என்று சொல்லப்படும் ஒருங்கினைப்பு நிலையில் வெளிநாட்டு வங்கிகளிலிருந்தோ அல்லது கம்பெனிகளிலிருந்தோ மீண்டும் அந்தப்பணம் உள்நாட்டு கம்பெனிக்கு முதலீடாகவோ அல்லது கடனாகவோ கொண்டு வரப்படும்.
இப்படியாக கறுப்புப்பணம் மீண்டும் இயல்பு நிலை பணமாக மாறி சட்டப் பூர்வமாக சொத்து வாங்கவோ தொழில் துவங்கவோ பயன்படுத்தப்படுகிறது. இதனால் அரசாங்கத்திற்க்கு வந்து சேரவேண்டிய வரித்தொகை வராதது மட்டுமல்லாமல் மற்ற குற்றமும் தண்டனைக்கு உட்படாமல் தப்பித்து விடுகிறது.
அமெரிக்கா மற்றும் ஐரோப்பா நாடுகளில் அதிக அளவு கறுப்புப்பணம் புழக்கத்தில் இல்லாததால் மற்ற சட்ட விரோத வழிகளில் சம்பாதிக்கும் பணத்தை சட்டப்பணமாக மாற்ற எடுக்கும் முயற்சிகளை அரசாங்கம் எதிர் நோக்கும் நிலையில் உள்ளன.   இந்தியாவில் போதை பொருள், துப்பாக்கி வியாபாரம் மற்றும்  தீவிரவாதப்பணம் அதிக அளவில் இல்லாவிட்டாலும் ஊழல் மற்றும் லஞ்சம் சார்ந்த கறுப்புப் பணம் அதிக அளவில் உள்ளது. பொதுவாக இந்தியாவில் கறுப்புப்பணம் ரியல் எஸ்டேட் துறையில் தான் அதிக அளவு முதலீடு செய்யப்படுகிறது. அரசியல்வாதிகளும் அதிகார துஷ்பிரயோகிகளும் ஊழல் பணத்தை இந்தியாவில் ரியல் எஸ்டேட் முதலீடு போக வெளி நாட்டு வங்கிகளிலும் வரி சொர்க்க நாடுகளிலும் முதலீடு செய்கினறன. இதில் ஒரு பகுதி மீண்டும் இந்தியாவில் உள்ள கம்பெனிகளுக்கு ஹெட்ஜ் நிதி (Hedge Funds) மூலம் பங்கு முதலீடாக கொண்டுவரப்படுகிறது.
சமீப காலங்களில் சில அரசியல்வாதிகளது குற்றங்கள் இந்த வகையில் வெளிப்படுத்தப்பட்டு சட்டத்தின் பிடியில் சிக்கியுள்ளன்ர்.
சமீபத்தில் இந்தியாவில் ஒரு வங்கியின் மூலம் கறுப்புபபணம் அப்பட்டமாக பணச்சலவை செய்யப்பட்டது கண்டறியப்பட்டது.  வாடிக்கையாளர்களுக்கு உதவுகிறேன் பேர் வழி என்ற வகையில் கீழ் கண்ட முறையற்ற விதங்களில் பல வகையான சட்ட மீறல்களை செய்து அதிர்ச்சி அலைகளை பரவ விட்டது இந்த தனியார் வங்கி.
சில பெரிய வாடிக்கையாளர்களுக்கு உதவ ஏராளமான பல பினாமி பெயர்களில் கணக்கு துவங்கியது. பெரும் அளவு ரொக்கத்தை வருமான வரியின் ரேடார் பார்வையில் படாத அளவு சிறு பிரிவுகளாக பிரித்து இந்த கணக்குகளில் செலுத்தி அவற்றை இன்சூரன்ஸ் மற்றும் தங்கங்களில் முதலீடு  செய்ய அனுமதித்தது. பல முறை பல பெயர்களில் கணக்குகளை துவங்க அனுமதித்து அவற்றுள் பல முறை வரைவோலை மற்ற வங்கி கணக்குகள் மூலம் பணத்தை செலுத்தி அதை மற்ற கணக்குகளுக்கு மாற்ற அனுமதித்து அந்த ஆண்டே கணக்கை மூட உதவியது. இதில் வங்கி செய்த முக்கிய தவறு நிரந்தர வருமான வரி கணக்கு எண் (PAN) இல்லாமலும் KYC விதிமுறைகளை கடைப்பிடிக்காமலும் கணக்குகளை துவங்க அனுமதித்தது. மேலும் இந்த வங்கி குறிப்பிட்ட வாடிக்கையாள்ர்களுக்கு பெரிய அளவு லாக்கர்களை கொடுத்து ரொக்கமாக வைத்து பல நாட்களில் வங்கி கணக்குகளில் டெபொசிட் செய்ய காரணமாக இருந்தது.

படிவம் 60-ல் பொய்யான தகவல்களை வாடிக்கையாளர்கள் கொடுத்தப்போதும் தெரிந்தும் கண் மூடியிருந்தது கண்டுபிடிக்கப்பட்டது. சில வெளிநாட்டு வாழ் இந்தியர்களது NRO கணக்கை உபயோகப்படுத்தி வெளிநாட்டிற்க்கு பணத்தை அனுப்பதியதும் அம்பலமாகியுள்ளது. இந்த செய்தி வெளியான உடன் ஏற்ப்பட்ட பரபரப்பு சில தினங்களில் அமுங்கியது. இதற்கான நடவடிக்கை குறித்த சமீபத்திய செய்திகள் எதுவும் இல்லை என்பதை பார்க்கும் போது வங்கிகள் மீது மக்கள் நம்பிக்கை இழந்து விடுவார்கள் என்ற காரணத்தால் அரசு அடக்கி வாசிக்கிறதோ என்று தோன்றுகிறது.
பல வகைகளில் கறுப்புப்பணம்  பணச் சலவை செய்யப்பட்டு வரும் நிலையில் பொதுவாக காணப்படுவது ரியல் எஸ்டேட் முதலீடு, திரைப்பட தயாரிப்பு, கம்பெனிகளை நிறுவி கணக்கில் வராத வகையில் செலவு செய்வது ஆகியவை ஆகும்.

பணச்சலவை தடைச்சட்டம் (Prevention of Money Laundry Act) 2002 ஆம் ஆண்டு பாராளாமன்றத்தில் பணச்சலவையை தடை செய்யும் வகையிலும் இதன் மூலம் சேர்த்த சொத்தை அரசு எடுத்து கொள்ளும் வகையிலும் நடைமுறைப்படுத்தப்பட்டது. அரசியல்வாதிகள், கம்பெனிகள் மற்றும் பங்குச் சந்தைகள் மூலமாக பணச்சலவை செய்யப்படுவதை விசாரிக்கும் அமைப்பாக அமலாக்கத்துறையும் (Enforcement Department) மற்றும் வருமான வரித்துறையும் (Income tax Department) செயல்படுகின்றன.  ஆனால் கடந்த பத்தாண்டுகளில் இதை கட்டுப்படுத்த பெரிய அளவில் நடவடிக்கை எடுத்ததாக தெரியாவிட்டாலும் இனி வரும் நாட்களில் எடுக்கப்படும் செயல்பாடுகள் நாட்டின் பொருளாதார வளர்ச்சிக்கு உதவியாக இருக்கும் என்பதில் சந்தேகம் இல்லை. .

உலகிலேயே மிகவும் அதிக விலை கொண்ட ஸ்மார்ட் போன் இதோ …. ! இந்திய மதிப்பு பத்து லட்சம்.

ஸ்மார்ட் போன்கள் 250 ரூபாயிலிருந்தே கிடைக்கின்ற இந்த காலகட்டத்தில் 9 லட்சத்துக்கு ஒரு ஸ்மார்ட் போனை தயாரித்து வெளியிட்டுள்ளது இஸ்ரேலைச் சேர்ந்த சிரின் லேப்ஸ் என்ற நிறுவனம். இது லண்டனில் அறிமுகம் செய்யப்பட்டுள்ளது. தற்போது இந்த போன்தான் உலகிலேயே அதிக விலை கொண்ட ஸ்மார்ட் போனாகும். இந்த விலைக்கு போன் வாங்குவதற்கு மாறாக ஒரு செல்போன் கடையையே சொந்தமாக்கி கொள்ளலாம் என நினைக்க தோன்றுகிறதா!! அப்படியென்ன மற்ற ஸ்மார்ட் போன்களில் இல்லாத அம்சங்களை இது கொண்டிருக்கும் என நினைப்பவர்களுக்கு பதில் கூறும் விதமாக இதில் தகவல் தொடர்புகளைப் பாதுகாக்க உலக நாடுகளின் ராணுவ துறையில் பயன்படுத்தும் அதிநவீனத் தொழில்நுட்பத்துடன் இந்த செல்போன் வெளியாகியுள்ளது. இதுவரை வெளியான செல்போன்களில் இல்லாத அளவுக்கு, எந்தவிதமான சைபர் தாக்குதல்களைத் தாக்குப்பிடிக்கும் வகையிலும், தகவல்களைப் பாதுகாக்க அதிகபட்ச பாதுகாப்பு வசதிகளைக் கொண்டதாகவும் இது வடிவமைக்கப்பட்டுள்ளதாக தெரிவித்துள்ளனர்.

முக்கிய அம்சங்கள்:
 24 மெகாபிக்சல் கேமரா
 5.5 ஐபிஎஸ் LED 2k தீர்மானம், லேசர் ஆட்டோ ஃபோகஸ்
ஆப்பரேட்டிங் சிஸ்டம்: ஆன்ராய்டு 5.1.1
குவால்காம் ஸ்னாப்ட்ராகன் 810 செயலி
பேட்டரி: 4000 mAh
கை விரல் சென்சார்
பாதுகாப்பு கேடயம் பாதுகாப்பு ஸ்விட்ச் செயல்படுத்தப்படுகிறது
 பாதுகாப்பான அழைப்புகள் மற்றும் என்கிரிப்சன் செய்யப்பட்ட மின்னஞ்சல்கள்
நினைவகம்: ரேம் 4GB, சே

http://https://youtu.be/tE-aeg9NVfQ

ஆறு அங்குலம் திரை அளவினைக் கொண்ட சிறந்த பத்து ஸ்மார்ட் போன் பட்டியல்கள்:

சிறியோர் முதல் முதியோர் வரை அனைவரும் உபயோகிக்கும் ஒரு கருவியாக மொபைல் போன் மாறிவிட்ட நிலையில் , மொபைல் சாதனத்தினை ஒவ்வொருவரும் ஏதோ ஒரு காரணங்களுக்காகவே பயன்படுத்தி வருகின்றனர். அதாவது மெசேஜ் அனுப்பிக்கொள்ளவோ, அன்றாடம் வெளியாகும் புது புது செயலிகளை பயன்படுத்திக் கொள்ளவோ, குரல் அழைப்புகளுக்காகவோ, சுவாரஸ்யமான புதுவகை கேம்களுக்காகவோ பயன்படுத்தினாலும் இவையனைத்தும் பெரிய திரையில் உபயோகப்படுத்தினால் அது கண்டிப்பாக ஒரு புதிய அனுபவத்தினை தரும். அப்படிப்பட்ட
---------------------
மறுபடியும் வெடித்து சிதறிய சாம்சங் நோட் 7 :

இந்தியாவில் கேலக்ஸி நோட் 7 கருவிகளை விமானங்களில் எடுத்துச் செல்ல விதிக்கப்பட்ட தடை சில தினங்களுக்கு முன் விலக்கப்பட்டது அனைவரும் அறிந்ததே! சாம்சங் நிறுவனத்தின் கேலக்ஸி நோட் 7 கருவிகள் வெடித்துச் சிதறிய காரணங்களுக்காக பல்வேறு நாடுகளில் திரும்பப் பெறப்பட்டு மீண்டும் பயன்பாட்டிற்கு வழங்கப்பட்டன. “safe” முத்திரையுடன் சரி செய்யப்பட்ட கருவிகள் பயனர்களுக்கு விநியோகிக்க வழங்கப்பட்டது. தற்போது மீண்டும் வெடித்து சிதறியுள்ளது. நோட்-7 செல்போனின் பேட்டரி
--------------------------
லாவா ஏ97 ஸ்மார்ட்போன் ஒரு பார்வை :

லாவா நிறுவனம் ரூ.5,949
விலையுடைய புதிய லாவா ஏ97 என்ற ஸ்மார்ட்போனை அறிமுகப்படுத்தியுள்ளது. இவை அனைத்து மொபைல் கடைகள் மற்றும் இணையதளத்திலும் கிடைக்கும். 12 பிராந்திய மொழிகள் கைப்பேசியின் சிறப்பம்சமாக இதில் உள்ளடக்கிய வருகிறது. கோல்ட், ப்ளூ, கிரே வண்ண வகைகளி்ல் கிடைக்கும் லாவா ஏ97 என்ற ஸ்மார்ட்போன் ஆனது ஆண்ட்ராய்டு 6.0 மார்ஷ்மெல்லோ மூலம் இயங்குதளத்தை கொண்டு இயங்கவல்லது. 480×854 பிக்சல்கள் தீர்மானம் கொண்ட 5.0 FWVGA இன்ச் டிஸ்ப்ளே இடம்பெறுகிறது.
---------------------------

Windows 7 ன் முதல் சர்வீஸ் பேக் வந்துவிட்டது.

 பெரும்பாலான கணினிகளில் ஆட்சி புரியும் Microsoft Windows தன்னுடைய அடுத்த மைல் கல்லாக 2009 ற்கு பிறகு தற்பொழுது Windows 7 ன் முதல் சர்வீஸ் பேக்கை வெளியி... A quick technique to turn your Photo Attractive views 365 எந்த ஒரு புகைப்படத்திற்கும்
---------------------------
சாம்சங் கேலக்சி நோட் 7 -க்கு ஏற்பட்ட தடை

அமெரிக்காவின் புளோரிடா நகரில் ஒரு குடும்பத்தினர் சமீபத்தில் தங்களுடைய ஜீப்பில் ‘சாம்சங் கேலக்சி நோட் 7’ ரக செல்போனை எடுத்துச் சென்றனர். அவர்கள் அந்த செல்போனை ஜீப்பில் இருந்தவாறே ‘சார்ஜ்’ செய்தபோது திடீரென்று அது வெடித்து அந்த ஜீப் முழுவதுமாக எரிந்து சாம்பலானது. இது போன்ற தொடர் சம்பவங்கள் நடந்தமையால் இந்தியாவை தொடர்ந்து, சிங்கப்பூரிலும் விமானத்தில் சாம்சங் கேலக்சி நோட் கைபேசிக்கு தடை விதிக்கப்பட்டுள்ளது. சாம்சங் கேலக்சி நோட் 7
---------------------------
ஆப்பிள் ஐபோன் 7 ஒரு பார்வை:

பலத்த எதிர்பார்ப்பிற்கிடையே ஆப்பிள் நிறுவனம் ஐபோன் 7 மற்றும் ஐபோன் 7 பிளஸினை அறிவித்துள்ளது. சான்பிரான்சிஸ்கோ நகரில் நடந்த கான்பிரன்ஸில் அறிமுகம் செய்து வைத்துள்ளது. இந்நிகழ்வில் வாட்டர் புரூப் தன்மை கொண்ட வாட்ச், தடகள வீரர்களுக்காக சிறப்பு வாட்ச் ஆகியவை ஒவ்வொன்றாக அறிமுகம் செய்யப்பட்டது. ஐபோன் 7 மற்றும் ஐபோன் 7s பிளஸ் : ஐபோன் 7 ஆனது 4.7 அங்குல 3டி டச் , ஏ10 பிராசஸர், 2ஜிபி ரேம், 12 மெகா பிக்சல் கேமரா , 5 மெகாபிக்சல் முன்புற கேமராவும்ஆகியவற்றையும் ஐபோன் 7 பிளஸ்ஆனது 5.5 அங்குல டச் மற்றும் 4 ஜிபி ரேம், ஏ10 பிராசஸர், பின்பக்க கேமரா 12 மெகா பிக்சல் தரத்தில் 2லென்ஸ் உடன் வெளியாகியுள்ளது.

சீன நாட்டினை சேர்ந்த சியோமி நிறுவனம் ஆறு மாதங்களுக்கு முன்பு Xiaomi Redmi Note 3 சாதனத்தினை தயாரித்து வழங்கியதனை அடுத்து தற்போது Xiaomi Redmi Note 4-யினை அறிமுகப்படுத்தியது. Xiaomi Redmi Note 3 சீனா மற்றும் இந்தியா போன்ற நாடுகளில் பெரும் விற்பனையை ஈட்டி தந்தது குறிப்பிடத்தக்கது . அதே
Tizen இயங்கு தளத்தில் இயங்கும் சாம்சங்கின் 4ஜி ஸ்மார்ட் போனின் விலை ரூ. 4590. மேலும் 4ஜி க்கு சப்போர்ட் செய்யும் ஸ்மார்ட் போன்களில் இது முதல் சாதனம் என்ற பெருமையையும் 4ஜியில் மலிவான விலையை கொண்டதுமான சாதனம் என்ற பெருமையும் கொண்டது. இதன் மற்ற சிறப்பம்சங்கள்:    
---------------------------
கூகுளின் குரோம் செயலிகளுக்கு ஏற்பட்ட தடை:

 கூகிளின் குரோம் ஆப்ஸ்கள் இனி விண்டோஸ், மேக் மற்றும் லினக்ஸ் போன்றவற்றிற்கு கொடுத்து வந்த ஆதரவை நிறுத்த உள்ளது. ஆம் இது 2018 லிருந்து அமலுக்கு வரும் என கூகுள் குழுவினர் அறிவித்துள்ளனர். மேலும் அடுத்த வருடத்திலிருந்து குரோமிற்கு சப்போர்ட் செய்யும் ஆப்ஸக்கள் அனைத்தும் குரோம் பயனர்களால் மட்டுமே பயன்படுத்த முடியும். கூகிள் இது முதல் , குரோம் பயன்பாடுகளை ஹோஸ்ட்டட் ஆப்ஸ் (hosted apps) மற்றும் பேக்கேஜ்ட் ஆப்ஸ் (packaged apps)
-------------------------
யூ -டியூப் உங்கள் மொபைல் டேட்டாவை மிச்சப்படுத்தும் புது வழியை காட்டுகிறது …

மொபைலில் நாம் வழக்கமாக பார்க்கும் வலைதள பக்கங்களுக்கு செலவிடும் டேட்டாக்களை விட நாம் பார்க்கும் வீடியோக்களிற்கே அதிக டேட்டாக்கள் பயன்படுத்தப்படுகின்றன. இதனை தடுக்கும் பொருட்டு ஆண்டிராய்டு பயனர்களுக்கு யூ-டியூப் Smart offline என்ற ஒரு புது சலுகையை வழங்கியுள்ளது.அதாவது நாம் பார்க்க எண்ணும் வீடியோக்களை டேட்டாக்கள் மலிவான தரத்தில் கிடைக்கும் நேரங்களான இரவில் சேமித்து காலையில் Saved vedios ல் கொண்டு வந்து சேர்க்கிறது. இதனால் பகலில் நாம்

2016-இல் மூக்கின் மேல் விரல் வைக்க தூண்டும் சிறந்த மிண்ணனு தொழில் நுட்ப கருவிகள்:

2016 ஆம் ஆண்டு துவங்கி ஒரு வாரம் நிறைவடைந்து இருக்கும் சூழ்நிலையில் உலக மக்களை வியப்பின் உச்சிக்கு கொண்டு செல்லும் வகையில் அமைந்துள்ளது சர்வதேச நுகர்வோர் மின்னணுவியல் நிகழ்ச்சி. ஒவ்வொரு ஆண்டும் நடைபெற்று வரும் இந்த கண்காட்சியில் பல்வேறு தொழில்நுட்ப நிறுவனங்களின் புதிய படைப்புகள் அறிமுகம் செய்யப்படும்.அந்த வகையில் 2016 ஆம் ஆண்டின் கண்காட்சியில் அனைத்து முன்னணி நிறுவனங்களும் கலந்து கொண்டு தங்களது கருவிகளை வெளியிட்டு வருகின்றன. இங்கு இந்நிகழ்ச்சியில் அறிமுகம் செய்யப்பட்டதில் அனைவரும் கவனிக்க வேண்டிய சில வேடிக்கையான மின்னணு சார்ந்த தொழில்நுட்ப கருவிகள் இதோ..!

 கண்ணுக்கு புலப்படாத டீ .வீ :

2016 -இல் உங்கள் கண்களுக்கு விருந்தளிக்க வருகிறது பேனாசோனிக் கண்ணுக்குப் புலப்படாத டி.வீ . பேனசோனிக் அறிமுகப்படுத்தியுள்ள கண்ணுக்கு புலப்படாத டீவீயானது 55 அங்குல திரையுடன் வீட்டின் அறையில் அலங்கரிக்க வருகிறது. இதற்கு முன் L.G அறிமுகபடுத்தியிருந்த சுருட்டி மடிக்கும் டிவிகளுக்கு அடுத்த படியாக மின்ணனு சார்ந்த நுகர்வோர் தொழில்நுட்பத்தில் ஆச்சரியபடுத்தக் கூடிய அளவுள்ள ஒரு அறிய வகை கண்டுபிடிப்பு என்றே சொல்லலாம் . 55அங்குலமா ? அப்படியானால் அதனை வீட்டில் எங்கே வைப்பது என்ற கவலை வேண்டாம். இந்த டிரான்ஸ்பரன்ட் டி.வீ யை உங்கள் வீட்டின் புத்தகங்கள் வைக்கும் அலமாரியில் வைத்துக் கொள்ளலாம். பார்ப்பதற்கு சுவரில் சொருகப்பட்ட ஒரு ஓவியம் போன்று காட்சியளிக்கும். இதன் திரையானது மைக்ரோ ஒளியை வெளியேற்றும் டையோடுகளின் வழியாக உருவாக்கப்பட்டுள்ளது. இது முழுவதுமாக டிரான்ஸ்பரன்ட் ஆக இல்லாமல் 1080பிக்சல்களைக் கொண்டுள்ளது. இது பார்பதற்கு மந்திரக் கண்ணாடி போன்று உள்ளது. இதிலுள்ள திரையினை கண்ணுக்கு தெரியும்படியும் தெரியாதபடியும் செய்யலாம். மேலும் வழக்கமான ரிமோட் கண்ட்ரோலுடன் இல்லாமல் குரல் கட்டளைகளை கையாண்டு தனித்துவமிக்கதாக மாற்றும் முயற்சியில் பேனாசோனிக் செயல் பட்டு வருகிறது.

Eyefluence:

Eyefluence என்பது நமது கண்களின் எதிர்காலத்திய முன்னேறிய தொழிநுட்ப சமந்தபட்ட ஒரு வகை அணுகலே. ஒரு விரலை கொண்டு ஸ்மார்ட் போனில் உலகை வலம் வரமுடிவது சாத்தியமென்றால் கண்களைக் கொண்டு Eyefluence-யின் உதவியுடன் உலகை பல்வேறு கண்ணோட்டத்தில் காண(இயக்க) தயாராகுங்கள். உட்கார்ந்த இடத்திலேயே அனைத்தையும் கட்டுபடுத்தும் சக்தி இந்த Eyefluence- சென்சார்களுக்கு உள்ளது. ஆம் Eyefluence சென்சார்களைக் கொண்டு கண்ணின் கருவிழிகளுடைய சிறு அசைவுகளைக் கண்காணித்து அதன் மூலம் பல செயல்களை அமர்ந்த இடத்திலேயே செய்து முடிக்கலாம். எனவே ஒரு கண்ணசைவில் நினைத்தவற்றை முடித்துவிடலாம். இது போன்ற நுட்பங்கள் virtual reality headsets மற்றும் Augmented reality glasses போன்ற சாதனங்களில் கூட இல்லை என்பது குறிப்பிடத்தக்கதே!

Vayyar’s 3D sensing:

இஸ்ரேல் நாட்டினர் அறிமுகபடுத்திய Vayyar’s 3D sensing உதவியுடன் ரேடியோ அலைகளின் உதவியுடன் ஒரு திட பொருள்களின் உள்கட்டமைப்புகளை காணலாம். பார்பதற்கு சூப்பர்மேன் திரைப்படத்தில் வரும் காட்சிகளைப் போன்று இருந்தாலும் உண்மையில் பல வேலைகளை செய்கிறது.இதன் மூலம் மார்பக புற்றுக் கட்டிகளால் பாதிப்புற்ற பெண்ணின் நிலையை அறியலாம்.மேலும் ஒரு அறையில் உறங்கிக் கொண்டிருக்கும் குழந்தையின் இதயத் துடிப்பை குழந்தைக்கு எந்தவித தொந்தரவும் இல்லாமலே அறியலாம். மேலும் தொலைந்து போன சிறு சிறு பாகங்களைக் கூட கண்டறியலாம் . இந்த தொழில் நுட்பம் மிகவும் மலிவானதாக இருப்பதால் இதனை அனைவரும் பயன்படுத்தலாம் என Vayyar-இன் தலைமை அதிகாரி திரு.ராவி மெலமத் கூறியுள்ளார்.

ODG’s ultra-wide wide-angle Augmented Reality Glasses:

Osterhout Design Group தயாரித்துள்ள இரவில் பார்க்கக்கூடிய கண்ணாடி அரசு நிறுவனங்களுக்கு மிகப்பெரிய ஹெட்செடாக மாறியது. அப்படி என்னதான் இருக்கு இந்த கண்ணாடியில்..? சாதரணமாக ஒரு திரைப்படத்தை வெறும் கண்ணால் பார்பதற்கும் ODGயின் கண்ணாடிகள் மூலம் பார்பதற்கும் பெரிய வித்தியாசமுண்டு. பயனர் ஒருவர் இந்த கண்ணாடியை அணிந்து திரைப்படத்தினைக் காணும் பொழுது அது ஒரு பெரிய திரையரங்கிற்கு சென்று பார்த்த களிப்பைத் தரும். இதனால் ஒரு காட்சியை அதிகளவிலான கோண அளவில் பயனர்களுக்கு பிரமாண்டமாக அமைத்து தருகிறது.

Cypress’s energy-harvesting solar beacon:

சைப்ரஸ் நிறுவனம் தயாரித்துள்ள பெக்கான் சாதனத்தைக் கொண்டு உங்களது ஸ்மார்ட் போனை மேலும் ஸ்மார்டாக மாற்றலாம். இந்த சாதனத்தினை ஸ்மார்ட் போனின் ப்ளூடூத்துடன் இணைத்துக் கொள்வதன் மூலம் நமக்கருகே உள்ளே அனைத்து விதமான தகவல்களையும் அன்றாடம் ஸ்மார்ட் போன்களில் பெறலாம்.. உதாரணமாக நமக்கருகே உள்ள கடைகளில் உள்ள சிறப்பு ஆஃபர்கள் மற்றும் தள்ளுபடிகளையோ அல்லது இரயிலில் பயணித்து கொண்டிருக்கும் ஒருவருக்கு பயணம் சமந்தப்பட்ட அனைத்து தகவல்களையோ முழுவதுமாக வழங்கவல்லது. இந்த கருவியை அடிக்கடி சார்ஜ் ஏற்ற வேண்டிய அவசியமில்லை . சூரிய சக்தியின் உதவியுடன் தானாகவே சக்தியை பெற்றுக் கொள்ளும் திறன் வாய்ந்தது. எனவே சிறந்த ஆஃபர்கள் மற்றும் தள்ளுபடிகளைத் தேடி நாம் கடைகளுக்கு அலையத் தேவையில்லை. இனி அனைத்து தகவல்களையும் உங்கள் ஸ்மார்ட் போனிலேயே பெறலாம்.

மேற்கண்ட அனைத்து சாதனங்களும் 2016 இல் கூடுதலான மேம்படுத்துதல்களுடன் காணப்படாலம். மேலும் இவையனைத்தும் 2015-இன் தொழில் நுட்ப வளர்ச்சியைக் காட்டுவதாகவே உள்ளது. 2016-இல் மூக்கின் மேல் விரல் வைக்கும் தூண்டும் இந்த அனைத்து சிறந்த மிண்ணனு தொழில் நுட்ப சாதனங்களும் எதிர்காலத்திய புதிய புதிய கண்டுபிடிப்புகளுக்கு வழிகாட்டியாக அமைய வாய்ப்புள்ளன.

உலக அதிசயம் – மனித மூளை!

அறிவியல், அறிவியல் அற்புதம், பொதுவானவை, மருத்துவம்

மூளையின் முன் வரிகளில் நம் மண்டைக்குள் என்ன இருக்கிறது என்று திறந்து பார்த்தபோது கார்ட்டெக்ஸ் என்னும் மேல்பட்டையிலேயே கால் இன்ச்சுக்கும் குறைவான ஆழத்தில் 800 கோடி நரம்புச் செல்களும், 16,000 கிலோ மீட்டர் நரம்பு நூல்களும் இருக்கின்றன.

ஒரு கொரில்லாவைக் காட்டிலும் மனித மூளை மூன்று மடங்கு கனம். உடல் கனத்தில் அது நம்மைவிட மூன்று மடங்கு. குதிரை நம்மைவிடப் பத்து மடங்கு கனம். ஆனால், அதன் மூளை கனம் நம்மில் பாதி. யானையின் மூளை நிச்சயமாக நம் மூளையைவிட மூன்றரை மடங்கு அதிக கனம்தான். ஆனால், அதன் உடல் கனத்தோடு ஒப்பிட்டால் விகிதாச்சாரத்தில் நாம்தான் அதிகம் (மனிதன் 2.5 சதவிகிதம், யானை 0.2 சதவிகிதம்). அதனால்தான் நம்மைப் போன்ற அற்பர்கள் பேச்சைக் கேட்டு சர்க்கஸில் பயந்துகொண்டே ஃபுட்பால் ஆடுகிறது யானை.

ஒரு விமர்சனம் – ஆச்சரியத்தை அறிந்துகொள்வதற்கு.

    குழந்தைக்குத் தாய் முத்தம் தருவது,
    நம் உடல் உஷ்ணம் 98 டிகிரி பாரன்ஹீட்டுக்கு அருகில் இருப்பது,
    ஊசிக்காதில் நூலைச் செருகுவது,
    கம்பிமேல் நம்மில் சிலர் நடப்பது,
    உப்பு – புளிப்பு – தித்திப்பு எல்லாம் உணர்வது,
    “தலைவர் அவர்களே! தாய்மார்களே!” என்று அரை மணி சொற்பொழிவது, நல்லது – கெட்டது – குற்றம் – பாவம் என்பதையெல்லாம் தீர்மானிப்பது,
    “பத்துப் பேர் ஒரு வேலையை எட்டு நாட்களில் செய்தால் எட்டுப் பேர் இரண்டு வேலையைச் செய்ய எத்தனை நாள்?” போன்ற கணக்குகள் போடுவது, செக்ஸ் உணர்ச்சி – தியானம் இவை அனைத்துக்கும் காரணம் ஒரு இரண்டு எழுத்துச் சமாசாரம் – மூளை!
    ஏன், இந்த பாராவை எழுதியதும் மூளைதான். அர்த்தம் பண்ணிக்கொண்டதும் மூளைதான்.
    40,000 வருஷங்களாக நமக்கு இதே சைஸ் மூளை இருந்து வந்திருக்கிறது. இதைக் கொண்டுதான் விவசாயம் கண்டுபிடித்தோம். முதல் சக்கரங்கள் செய்தோம். மாட்டைப் பழக்கினோம். காட்டை வெட்டினோம். வியாதிகளை வென்றோம். சந்திரனுக்குச் சென்றோம்.உடைத்துப் பார்த்தால் ஒரு ஓவர்சைஸ் அக்ரூட் போலிருக்கும் இந்த ஈர, அழுக்கு கலர் கொசகொசப்புக்கு உள்ளேயா இத்தனை சாகஸம்?
ஆரம்பத்தில் மனிதன் நம்பவில்லை. அரிஸ்டாட்டில் “இதயத்தில்தான் இருக்கிறது சூட்சுமம்” என்றார். “மூளை – சும்மா ரத்தத்தைக் குளிர வைக்க மாடிமேல் ஏ.ஸி.” என்றார்.

இன்னும் மூளையைப் பற்றிய முழு ஞானமும் நமக்கில்லை. ஆனால், நவீன மருத்துவம், கம்ப்யூட்டர் கருவிகள் உதவியுடன் நிறையவே தெரிந்து கொண்டுவிட்டோம்.

அண்மையில் PET என்னும் பாஸிட்ரான் எமிஷன் டோமா கிராஃபி என்கிற கருவியைப் பயன்படுத்தி, நாம் பேசும்போது – பார்க்கும்போது – படிக்கும்போது -நினைக்கும்போது… மூளையில் எந்த எந்த இடங்களில் நடவடிக்கை ஜாஸ்தியாகிறது என்று கலர் கலராகக் காட்டியிருக்கிறார்கள்!

உலகிலேயே மிக மிக ஆச்சரியம் – மனித மூளை. அதனுள் பல்லாயிரம் கோடி நுட்பமான உயிரணுக்கள், செல்கள் உள்ளன. ஒவ்வொரு செல்லையும் ஒரு மண்துகள் அளவுக்குப் பெரிசு பண்ணினால் ஒரு லாரி நிரம்பும்! இந்த செல்களில் ஆயிரம் கோடி நியூரான்கள், நரம்புச் செல்கள் வேறு. இவற்றுக்கிடையே ஓய்வில்லாத மின் ரசாயன நடனம்தான் நம் சிந்தனை! மனிதன் உயிர் வாழும்வரை இந்தச் செல்களிடையே மின் துடிப்புகள் திரிகின்றன.

இன்றைய கணிப்பொறிகளோடு ஒப்பிட்டால் மூளை ரொம்ப ரொம்ப நிதானம். ஆனால், கணிப்பொறியால் நீச்சல் அடிக்க முடியாது. டை கட்ட முடியாது. ஓரமாக பேப்பரைக் கிழித்துச் சுருட்டிக் காதை கிளீன் பண்ணிக்கொண்டு பொண்டாட்டியோடு வாக்குவாதம் பண்ண முடியாது.

இந்த மூளை என்னும் ஆச்சரியத்தை அறிந்துகொள்வதற்கு முன் மூளையின் மேலமைப்பு, சைஸ் இவற்றைத் தெரிந்துகொள்வோம்.

சராசரி மூளை சுமார் ஒண்ணரை கிலோ கனம் இருக்கிறது (பிறந்த முழு குழந்தையின் பாதி கனம்) அளவு? அதுவும் சுமார் ஒண்ணரை லிட்டர் (1,400 மி.லி).

ஆனால், மூளை அளவு குழுவுக்குக் குழு வேறுபடுகிறது. ஆணுக்கும், பெண்ணுக்கும் வேறுபடுகிறது. பெண்களுக்கு மூளை கொஞ்சம் குறைவு (அளவில்தான். காரணம், பெண்களே கொஞ்சம் சைஸ் குறைவானவர்கள் – ஆண்களோடு ஒப்பிடும்போது).

ஆனால், சைசுக்கும் புத்திசாலித்தனத்துக்கும் சம்பந்தம் இருப்பதாகச் சொல்ல முடியவில்லை. அப்படிப் பார்த்தால் எஸ்கிமோக்கள்தான் அதிபுத்திசாலிகளாக இருக்கவேண்டும். அவர்களுக்கு மூளை ரொம்பப் பெரிசு. அனடோல் ஃப்ரான்ஸ் என்னும் மிக புத்திசாலி எழுத்தாளருக்குச் சின்னதாக இருந்தது மூளை (ஒரு கிலோதான்!). இன்னொரு பக்கம் திரும்பினால்… உலகிலேயே மிகப் பெரிய மூளை அளவு – ஒரு முட்டாளுக்கு இருந்திருக்கிறது!

தனிப்பட்ட மூளை கனத்துக்கும், புத்திசாலித்தனத்துக்கும் உறவில்லை. ஆனால், மூளை சைசுக்கும் பாடி சைசுக்கும் உள்ள உறவு முக்கியம். உயரமான ஆசாமிகள் மூளை கனமாக இருக்கலாம். ஆனால், குள்ளமானவர்களின் மூளை எடை குறைவாக இருந்தாலும், உடல் எடையோடு ஒப்பிடும்போது அதே விகிதம் அல்லது அதிக விகிதம் இருப்பதால் குள்ளமானவர்கள் புத்திசாலிகளாகவும் இருக்கலாம்.

ஒரு கொரில்லாவைக் காட்டிலும் மனித மூளை மூன்று மடங்கு கனம். உடல் கனத்தில் அது நம்மைவிட மூன்று மடங்கு. குதிரை நம்மைவிடப் பத்து மடங்கு கனம். ஆனால், அதன் மூளை கனம் நம்மில் பாதி. யானையின் மூளை நிச்சயமாக நம் மூளையைவிட மூன்றரை மடங்கு அதிக கனம்தான். ஆனால், அதன் உடல் கனத்தோடு ஒப்பிட்டால் விகிதாச்சாரத்தில் நாம்தான் அதிகம் (மனிதன் 2.5 சதவிகிதம், யானை 0.2 சதவிகிதம்). அதனால்தான் நம்மைப் போன்ற அற்பர்கள் பேச்சைக் கேட்டு சர்க்கஸில் பயந்துகொண்டே ஃபுட்பால் ஆடுகிறது யானை.

மூளை / உடல் கன விகிதத்துடனும் தீர்மானமாகப் புத்திசாலித்தனத்தை இணைக்க முடியவில்லை. அப்படிப் பார்த்தால் வீட்டுச் சுண்டெலியும் முள்ளம்பன்றியும் ரொம்ப புத்திசாலிகளாக இருக்கவேண்டும். எலிப்பொறிக்குள் வடையைத் தின்றுவிட்டு ‘ஸாரி‘ என்று சுண்டெலி லெட்டர் எழுதி வைக்கவேண்டும்! அதுபோல் முள்ளம் பன்றி ‘நான் பன்றியும் அல்ல… என் முதுகில் இருப்பது முள்ளும் அல்ல!‘ என்று புதுக்கவிதை (ஒவ்வொரு வரியையும் இரண்டுமுறை) படிக்கவேண்டும்! ஏனெனில், இவை இரண்டும் மனிதனைவிட மூளை / உடல் கன விகிதாச்சாரத்தில் அதிகம்.

எனவே எடை, சைஸ், விகிதாச்சாரம் இவற்றைவிட உள்ளே, சமாசாரத்தில் எத்தனை அடர்த்தி, எத்தனை மடிப்பு என்று கவனித்தால் மனிதன்தான் முதல்! நம் மூளைக்கு உள்ளே இருக்கும் சிக்கலில்தான் இருக்கிறது சூட்சுமம்!

நம் மூளை கனம் எப்போதும் ஒரே எடை இருப்பதுமில்லை. பிறந்ததில் ஆரம்பித்து மூன்று மடங்கு அதிகமாகிறது இளமையில். அதன் பிறகு வருஷத்துக்கு ஒரு கிராம் தலை கனம் குறைகிறது!

கொஞ்சம் சுவாரஸ்யமான புள்ளி விவரங்களைப் பார்க்கலாம்…

மிக அதிக எடையுள்ள மனித மூளை & 2049 கிராம்.

ஜோனாதன் ஸ்விஃப்ட் (கலிவர்ஸ் யாத்திரை எழுதிய எழுத்தாளர்) 2000 கிராம்.

சராசரி மனிதன் 1349 கிராம்.

அனடோல் ஃப்ரான்ஸ் (பிரெஞ்சு எழுத்தாளர்) 1017 கிராம்.

மைக்ரோ ஸெஃபாலிக்ஸ் எல்லாம் பிறவியில் மாங்காய்த் தலையர்கள் 300 கிராம்.

பாணலி கட் மாதிரி சுற்றி நம் மண்டையோட்டை வெட்டி ‘டாப்‘ பைக் கழற்றிவிட்டுப் பார்த்தால் மூளை இப்படித்தான் இருக்கும் மடிப்பு மடிப்பாக, பாளம் பாளமாக, கசங்கி!

மூளை, ஸ்பைனல் கார்டு என்னும் முதுகுத்தண்டிலிருந்து முளைக்கிறது. ஒருவாறு முட்டைக்கோஸ் தண்டிலிருந்து மடிப்பு மடிப்பாக இலைகள் வளர்வதுபோல அல்லது வெங்காயம் போல… இதை மூன்று பாகங்களாக மேம்போக்காகப் பிரிக்கிறார்கள். முன் மூளை, நடுமூளை, பின் மூளை. முன் மூளை என்பது ஸெரிப்ரல் ஹெமிஸ்ஃபியர் என்று இரண்டு பாதிகளாக இருக்கிறது. நடு மூளை என்பது கீழே இருந்துவரும் தண்டின் மேல்பகுதி. பின் மூளை என்பது நடுமூளையின் கீழ் ஒளித்து வைக்கப்பட்டிருக்கும் மிச்ச சொச்ச சமாசாரங்கள்.

முன்மூளையில் இரட்டை இரட்டையாக தலாமஸ், ஹைப்போதலாமஸ், பேஸல் காங்லியா, மூக்கு – கண் இவற்றின் முடிவுகள் போன்றவை உள்ளன.

பின் மூளையில் ஸெரிபெல்லம், மெடுலா, ஒப்ளாங்கட்டா… அட, உட்காருங்க சார்… இந்தப் பெயர்களைப் பார்த்துப் பயப்படாதீர்கள். ஒவ்வொன்றையும் தனிப்பட்டு விளக்கத்தான் போகிறோம்.

முதலில் ஸெரிப்ரம் என்பதை மட்டும் மேலாகச் சுரண்டிப் பார்க்கலாம். முன் மூளையில் மடிப்பு மடிப்பாக மூளையின் நரம்பு அமைப்பில் முக்கால் பாகம் ஆக்கிரமிக்கும் இந்தப் பகுதிதான் நம் புத்திசாலித்தனத்துக்கு எல்லாம் காரணம். இந்த மடிப்புகளில் ஏதாவது அர்த்தம், காரணம் அல்லது ஒழுங்கு இருப்பதாகத் தெரியவில்லை. ஆனால், இந்த மடிப்புகளால் உள்ளே அடைத்து வைக்கக்கூடிய பகுதியின் பரப்பு அதிகமாகிறது என்னவோ உண்மை.

இந்த மடிப்புகளில் சில, நம் எல்லோருக்கும் இருக்கிறது. மூளை – ஆதி நாட்களிலிருந்து வளர்ந்த விதத்துக்குத் தகுந்தபடி இந்த மடிப்புகளின் வடிவம் இருக்கிறது. இந்த மடிப்புகளினால் இந்தப் பகுதியை இரண்டு பாதியாகவும், அவ்விரண்டு பாதிகளை நான்கு சுளைகளாகவும் பிரிக்க முடிகிறது. இந்த முயற்சியெல்லாம் நம் வசதிக்காக, மூளையின் எல்லா இடங்களுக்கும் பேர் கொடுத்து அவற்றை அடையாளம் கண்டுகொள்ளத்தான். ஆனால், இன்ன இடத்தில் இன்னது நடக்கிறது என்று திட்டவட்டமாக இன்னும் சொல்ல முடியவில்லை.

இந்த இரட்டைப் பகுதியைக் குறுக்கே வெட்டினால் ஒரு ஆச்சரியம் தெரிகிறது. மேலாக கார்ட்டெக்ஸ் என்று ஒரு சுமார் நாலரை மில்லி மீட்டர் போர்வை அல்லது மரத்துக்கு மேல்பட்டை போலிருக்கும் பகுதியில் கசகசவென்று எண்ணூறு கோடி நரம்புச் செல்கள் உள்ளன. அவற்றுக்கு இடையே உள்ள இணைப்பைப் பார்த்தால் பிரமிப்பு! ஒரு கன இன்ச்சுக்குள் சுமார் 16,000 கிலோ மீட்டர் நுட்பச் சரடுகள்!

சிந்தனை சம்பந்தப்பட்ட அத்தனை காரியங்களும் கார்ட்டெக்ஸ் பகுதியில் நிகழ்வதால் இத்தனை அடர்த்தி..!

முன் வரிகளில் நம் மண்டைக்குள் என்ன இருக்கிறது என்று திறந்து பார்த்தபோது கார்ட்டெக்ஸ் என்னும் மேல்பட்டையிலேயே கால் இன்ச்சுக்கும் குறைவான ஆழத்தில் 800 கோடி நரம்புச் செல்களும், 16,000 கிலோ மீட்டர் நரம்பு நூல்களும் இருப்பதை உணர்ந்து போட்டது போட்டபடி விலகிவிட்டோம்.

இன்னும் கொஞ்சம் வெட்டிப் பார்ப்போம். இத்தனை சிக்கல் இந்த மேற்பரப்பில் எதற்காக எனில், இங்கேதான் தலைமைச் செயலகம் இயங்குகிறது. இங்கேதான், கடைசி அலசல் மூலம் பார்க்கிறோம்… கேட்கிறோம்… சிந்திக்கிறோம்… சித்திரம் வரைகிறோம்… எழுதுகிறோம்… கவிதை பண்ணுகிறோம்… பாடுகிறோம்!

இந்த மெல்லிய மேல்பட்டையைக் குறுக்கே வெட்டினால் ஆறு வரிசை தெரிகிறது. இந்த கார்ட்டெக்ஸ் பகுதியைத்தான் பழுப்பு சமாசாரம் என்று சொல்கிறார்கள். இதற்குக் கீழே போனால் நிறைய வெள்ளைப் பகுதி தெரிகிறது. இங்கே கோடிக்கணக்கான நரம்பு நூல்கள் அதி சிக்கலாகத் தென்படுகின்றன. இதிலே மூன்று வகை கனெக்ஷன் சொல்ல முடிகிறது. கொஞ்சங் கொஞ்சம் டெலிபோன் எக்ஸ்சேஞ்ச் போல லோக்கல் இணைப்பு. நடு மையத் தண்டுக்கு இணைப்பு, மூளையின் இடது, வலது பாதியை இணைக்கும் கார்ப்பஸ் கலாஸ்ஸம் என்னும் நரம்புக் கயிறு. நாலு இன்ச் நீளமிருக்கும் இந்தப் பாலம் விசித்திரமானது.

தாமஸ் ஆல்வா எடிஸன், ”உங்கள் உடலின் முக்கியப் பணி உங்கள் மூளையைத் தாங்கிச் செல்வது” என்றார்.

எடிஸன் அவ்வாறு சொல்லக்கூடியவர்… மூளையை நன்றாக உபயோகித்தவர்.

நியோ கார்ட்டெக்ஸ் என்னும் இந்த மேல்பகுதியின் சுருக்கம் ஒருவேளை எடிஸனுக்கு அதிகம் இருந்திருக்கலாம். ஆறு வயசுக்குள் நம் மூளை முழு சைஸில் 90 சதவிகிதம் வளர்ந்துவிடுகிறது… அதற்குப் பின் வளர்ச்சி என்பதெல்லாம் நாம் மேற்சொன்ன நியூரான்களுக்கு இடையேயான இணைப்புக்களின் விருத்திதான். இடம் குறைச்சல். எனவே, உள்ளுக்குள்ளே மடிப்புக்கள் அதிகரிக்கின்றன.

குழந்தை பிறந்தவுடன் அதன் மூளையின் மொழி சம்பந்தப்பட்ட பகுதிகளின் நியூரான் இணைப்பு அதிகமாக அடர்த்தியில்லாமல் இருக்க… ஆறு வயசுக்குள் அடர்த்தி அதிகரித்துவிடும்.

புத்திசாலித்தனம், அறிவு என்பதெல்லாம் இந்த நியூரான் இணைப்புகளின் சிக்கலில் இருக்கலாமோ என்று கருதுகிறார்கள்.

வலது இடது பாதி மூளைகளுக்கு இடையேயுள்ள கார்ப்பஸ் கலாஸ்ஸம் இணைப்பை வெட்டிப் பார்த்தார்கள். ஒரு ஆசாமிக்கு கால் கை வலிப்பு அதிகமாகி, கட்டுப்பாட்டுக்கு அடங்காமல் போக, ஒரு கடைசி முயற்சியாக இதை வெட்டிவிட்டார்கள். அவனுக்குக் குணமாகியது. ஆனால், சுபாவத்தில் விநோதமான மாறுதல்கள் ஏற்பட்டன.

ரோஜர் ஸ்பெர்ரி, மைக்கல் கஸானிகா என்று இரண்டு ஆராய்ச்சியாளர்கள் 1967-ல் செய்த பரிசோதனைகள், நம் மூளையின் வலது பகுதியும் இடது பகுதியும் தனித்தனியான முறைகளில் வளர்கின்றன. இந்த ‘கார்ப்பஸ் கலாஸ்ஸிம்‘ இல்லையேல், ஒரு பக்கத்துக்கு, மற்ற பக்கத்தின் அறிவு விருத்தியைப் பற்றித் தெரியவே தெரியாது‘ என்று நிரூபித்தன

மனித மூளை எவ்வாறு நினைவுகளை சேகரித்து வைக்கிறது என்பதை அறிந்துகொள்வோம்.இது ஞாபக மறதியை தவிர்க்க உதவும் என்று நினைக்கிறேன்..

மூளை நாம் பார்க்கும், கேட்கும்,உணரும்
செயல்களை மூன்று நிகழ்வுகள் மூலம் சேமித்து கொள்கிறது அவைகள் யாவை

1.பதியவைத்தல்:

இதுவே நிகழ்வுகளை நமது நினைவகத்தில் சேமித்தலில் முதல் செயல் ஆகும்.அதாவது, நமது புலங்களான கண், காது, மூக்கு, நாக்கு மற்றும் தோல் ஆகியவை நமது சுற்று புறத்திலிருந்து தகவல்களை சேகரித்து மூளைக்கு அனுபுகின்றன.உதாரணம் : நமது கண் ஒரு நபரை முதல் முறையாக காணும் பொழுது அவரின் நிறம்,உருவம் ,உயரம் போன்ற தகவல்களை மூளைக்கு அனுப்பும்.இந்த தகவல்கள் நமது மூளையில் நியூரோன்கள் (neurons) எனும் நரம்பு செல்கள் வழியாக கடத்தப்படும்.இந்த தகவல்கள் ஒரு நரம்பு செல்லில் (neuron) இருந்து மற்றொரு நரம்பு செல் வழியாக பாயும்.அதாவது இரு செகல்களின் வெளியை கடக்கும் பொழுது ஒரு வகை வேதியல் (neurotransmitor) மூலக்கூறு வெளிபட்டு இரு நரம்பு செல்களிடையே ஒரு இணைப்பை ஏற்படுதும்.இந்த இணைப்பிற்கு சினப்சே(synapse) என்று பெயர். இந்த இணைப்பு உறுதியாகும் பொழுது அந்த நபரை பற்றிய நினைவு உங்கள் மூளையிலிருந்து அகலாது.இந்த இணைப்பு உறுதியாவது ஒரு முறை பார்த்தவுடன் நிகழ்ந்துவிடாது.ஒருநபரை மீண்டும் மீண்டும் பார்க்கும் பொழுது அவரை பற்றிய தகவல் நாம் நரம்பு செல்களில் உறுதியான இணைப்பாக (synapse) ஆகப் பதிய வைக்கபடும். இந்த இணைப்பு எந்த அளவுக்கு உறுதி ஆகிறதோ அந்த அளவுக்கு அந்த நபரை பற்றிய நினைவையும் நாம் மறக்காமல் இருப்போம்.

இது அனைத்து விதமான நினைவுகளுக்கும் பொருந்தும். ஒவ்வொரு நினவுகளுக்கும் ஒரு தனி இணைப்பு (synapse) நாம் மூலையில் உருவாகும்.இவ்வாறு தான் நாம் படிக்கும் பாடம் , கேட்கும் விஷயம், பார்க்கும் படம் அனைத்துமே நாம் மூலையில் பதிய வைக்கப் மீண்டும் மீண்டும் படிப்பதன் மூலம் நாம் படித்த பாடமானது ஒரு உறுதியான நரம்பு செல் இணைப்பாக மாறி மறக்காமல் இருக்கிறது

இனைவகளின் வகைகள்:

இவை மூன்று வகைபடும் ,

1.சென்சாரி

2.ஷார்ட் டைம் மெமோரி

3. லாங் டைம் .

சென்சாரி நினைவுகள் மிக சொற்ப வினாடிகளே நினைவில் இருக்கும்.உ.ம். நாம் முதல் முறை கேட்கும் ஒருவரின் குரல் நமக்கு நினைவில் தாங்காது.

ஷார்ட் டைம் மெமோரி எனும் இரண்டாம் வகை நினைவுகள் 30 வினாடிகள் வரை நினவில் இருக்கும். உ.ம். ஒருவரின் தொலைபேசி என்னை முதல் முறை கேட்கும் பொது அந்த என் உடனேயே எழுதி வைக்காவிடில் மறந்துவிடும்.

லாங் டெர்ம் மெமோரி எனும் நீண்ட கால நினைவுகள் நாம் மூளை நன்றாக செயல் படும் வரை நமக்கு மறக்காது.அகற்கு நாம் செய்ய வேண்டிய ஒன்று அந்த நிகழ்வுகளை நமக்குள் நினைவுபடிதத்திக் கொண்டே இருப்பது.உம்..உங்களில் பலருக்கு பல ஆண்டுகளுக்கு முன்பு வந்து அந்த முதல் காதல் இன்னும் நினைவிருக்கும். இகற்கு காரணம் நீங்கள் ஒவொரு முறை உங்கள் காதலி பற்றி நினைக்கும் போதும் உங்கள் மூலையி காதல் பற்றிய இணைப்பு(synapse) உறுதி ஆகும். நீங்கள் ஏதாவது ஒரு நினைவை பற்றி நினைவு கூறாத பொதும், நினைக்காத போதும் உங்கள் மூலையில் அந்த விஷயதிர்காண பிரேத்யேக இணைப்பு விடுபடத் தொடங்கும்.இதனால் தான் மராத்தி ஏற்படுகிறது.

3.தகவல்களை நினைவுகூறுதல் :

நாம் ஒரு தகவலை நாம் நம் மூளையிலிருந்து நினைவு கூறும் போது அந்த தகவலானது இந்த synapse எனும் நரம்பு செல்களின் இணைப்பு வழியாக தான் ஞாபக்திற்கு திரும்பி நினைவு கூறுகிறோம். நான் முன்பே கூறியதை போல இந்த இணைப்பு விடுபடும் போது ஞாபக படுத்துதல் சிரமமாகும்.இதுவே மறதியின் காரணம்.

இந்த மறதியை தவிர்க்க நாம் மூளையில் சேகரிக்கும் தகவல்களை ஆழமாக பதிய வைக்க வேண்டும். அதாவது பாடம் கேட்கும் போது அதை கவனமாக கேட்டு மூளையில் பதிய வைக்க வேண்டும். மேலும் அந்த தகவல்களை நமக்குள் சொல்லி பார்த்து கொள்வதால் அந்த தகவலுக்கான இணைப்பு நாம் நரம்பு செல்களில் உறுதியாகி நமக்கு எளிதில் ஞாபகத்தில் இருக்கும்.

முதுமையும் மறதியும்:

மனித மூளையானது சுமாராக 100 பில்லியன்(100 * 100 கோடி) நரம்பு செல்களை (நியூரான்ஸ்) கொண்டது. நமக்கு 3 வயது ஆகும்போது தான் அந்த செல்கள் முழு வளர்ச்சி அடையும்.இதனால் தான் நமக்கு 3 வயதிற்க்கு முந்தய ஞாபகங்களை நினைவு படுத்த முடியவில்லை.3 வயதில் தான் நாம் அதிக எண்ணிகயிலான நரம்பு செல்களை கொண்டிருக்கிறோம். 3 வயது குழந்தைக்கு நாற்பது மொழிகள் கற்றுக்கொள்ளும் திறன் இருப்பதாக நான் கேள்வி பட்டு இருக்கிறேன்.இதுவே அதற்கு காரணம். நாம் இருபது வயதுகளை கடக்கும் பொது நமது மூளையில் உள்ள இந்த நரம்பு செல்கள் குறைய தொடங்கி நாம் என்பது வயதை எட்டும் போது சுமாராக இருபது சதவீத நரம்பு செல்களை இழந்திருபோம்.மறதிக்கு இது ஒரு காரணம் என்று கூறலாம்.

இருப்பினும் நாம் மீதமுள்ள நரம்பு செல்களை கூட நமது வாழ்நாளில் முழுவதுமாக பயன்படுதுவது இல்லை.இந்த இருபது சதவீத செல்களின் இழப்பு ஒரு குறை ஆகாது. நம்மில் பார் முதுமை வந்த பிறகு நமது நடவடிக்கைகளை குறைத்து கொள்கிறோம்.நமது சிந்தனையைஉம் குறைத்து கொள்கிறோம்.இதனால் நாம் நினைவு கூறாத விஷயங்களுக்கு உரிய இணைப்புகள் நம் மூளை செல்களில் விடுபடுகின்றன. இதுவே மறதிக்கு முக்கிய காரணம். நம் முதுமையிலும் நம் மூளைக்கு சவாலான செயல்களை கொடுத்து கொண்டே இருந்தால் நம் மூளை முதுமையிலும் இளமையாக செயல்படும்.

மின்னல் வேகத்தை விட செயல்படும் _ 5G

இந்த வருடத்தின் மொபைல் உலகத் திருவிழா, ஸ்பெயின் நாட்டில் அமர்க்களமாக நடந்து முடிந்திருக்கிறது. வருடா வருடம் உலக நிறுவனங்கள் எல்லாமே தங்கள் புத்தம் புது தயாரிப்புகளை அரங்கேற்றுவது இங்கேதான்.

ஐபோன் 7ஐயும் சாம்சங் எஸ்7ஐயும் எதிர்பார்த்தபடி துவங்கிய இந்த மொபைல் வேர்ல்டு காங்கிரஸ், வேறொரு எதிர்பார்ப்பைத் துவக்கியிருக்கிறது... அதுதான் 5ஜி. ‘மின்னல் வேக இன்டர்நெட்’ என இதை வர்ணித்தால் பொருட்குற்றம்... நிஜத்தில் 5ஜி மின்னலை விட வேகமானது!

1 லட்சம் பேருக்கும் மேல் கலந்துகொண்ட மாபெரும் திருவிழா... அங்கே வந்தவர்கள் போனவர்கள் எல்லாம் உச்சரித்த ஒரே மந்திரம் 5ஜி. ‘‘வரும் 2020ம் ஆண்டில் 5ஜிதான் உலகை ஆளப் போகிறது. அதன் வேகத்துக்கு விர்ச்சுவல் ரியாலிட்டி என்பது பொருத்தமான ஆப்!’’ என்றிருக்கிறார் ஃபேஸ்புக் மார்க்.

‘‘இன்னும் 5 வருடங்களில் உலகில் 15 கோடி மக்களிடம் 5ஜி இன்டர்நெட் இருக்கும்!’’ என ஆருடம் சொல்லியிருக்கிறது எரிக்ஸன் நிறுவனம். ‘‘அதற்கும் முன்பாகவே அது புழக்கத்துக்கு வந்து ஆச்சரியப்படுத்தும்’’ என்றிருக்கிறார் நோக்கியாவின் முதன்மை செயலர் ராஜிவ் சூரி.டெலிகாம் துறையில் ஒவ்வொரு பத்து வருடத்துக்கும் பெரும் புரட்சிகள் வந்திருக்கின்றன. 80ல் மொபைல் போன், 90ல் ஜி.எஸ்.எம்., 2000 வாக்கில் 3ஜி, 2010ல் 4ஜி... இந்த வரிசையில் 2020ல் உலகைப் புரட்டிப் போட இருப்பது 5ஜிதான் என உலகமே நம்புகிறது.

இது தவிர, IoT என ஒரு ப்ராஜெக்ட்... அதாவது டி.வி., ஃப்ரிட்ஜ், வாஷிங் மெஷின், கார், வீடு, அலுவலகம் என அனைத்தையும் இணையத்தில் இணைப்பது. இதன் மூலம் உலகின் எந்த மூலையில் இருந்தும் இவற்றை ஆபரேட் செய்ய முடியும். இது சாத்தியமானால் மனிதனின் வாழ்வியல் முறையே மாறும். கிட்டத்தட்ட 4வது தொழில்புரட்சி என்றே அழைக்கப்படும் இந்தத் திட்டத்தை சாத்தியமாக்கும் சக்தி 5ஜியிடம் தான் இருக்கிறது. எனவேதான் மின்னணுத் துறையில் ஒரு நிறுவனம் கூட பாக்கியில்லாமல் எல்லாரும் 5ஜியை நோக்கி ஓடுகிறார்கள்.
இப்போதைக்கு 5ஜியின் நிலை என்ன... இதோ ஒரு பட்டியல்!

எது 5ஜி என்பதற்கு சில தகுதிகள் சொல்லப்படுகின்றன. 1. விநாடிக்கு 1 ஜி.பி தகவல்களை அது பதிவிறக்கம் செய்ய வல்லதாக இருக்க வேண்டும். 2. செயல் வேகம் ஒரு மில்லி விநாடிக்கும் குறைவாக இருக்க வேண்டும். 3. முந்தைய 3ஜி, 4ஜி இணையத்தை விட குறைவான மின்சக்தியைப் பயன்படுத்த வேண்டும். இந்தத் தகுதிகள் இருந்தால் அது 5ஜி இணையம் எனலாம்!

3ஜி என்பது UMTS, CDMA போன்ற தொழில்நுட்பத்தைப் பயன்படுத்தும். 4ஜியின் தொழில்நுட்பம் LTE. அதுபோல 5ஜியின் தொழில்நுட்பம் எதுவென சோதித்துக் கொண்டிருக்கிறார்கள். 3GPP, ITU, IEEE போன்ற தொழில்நுட்பங்கள் 5ஜியை உருவாக்கும் தகப்பன்களாக இருக்கலாம்.
இது தவிர இன்டெல் நிறுவனமும் எஸ்.கே டெலிகாம் நிறுவனமும் மிமோ (MIMO) என்ற தொழில்நுட்பத்தையும் வைஃபி போலவே செயல்படும் WiGig என்ற தொழில்நுட்பத்தையும் பரீட்சித்துக் கொண்டிருக்கின்றன. இதில் WiGig தொழில்நுட்பம் வெற்றியடைந்தால் அது 10 ஜி.பி தகவல்களை ஒரே விநாடியில் கடத்தும். அதாவது, சுமார் 14 தமிழ் சினிமாக்கள் ஒரே விநாடியில் டவுன்லோடு ஆகிவிடும்.

இன்டெல்லும் எல்.ஜி நிறுவனமும் இணைந்து ‘பைலட் 5ஜி’ என்ற பெயரில் 5ஜி கார்களை உருவாக்க முயன்றுகொண்டிருக்கின்றன. இதன்படி வெளியூர் செல்லும் நம்மை நமது காரில் ஏர்போர்ட் வரை விட்டுச் செல்ல ஒரு டிரைவரைத் தேட வேண்டியதில்லை. விமான நிலையம் வந்த பின் நம் செல்போன் மூலமாகவே காரை ரிமோட் முறையில் வீடு வரை ஓட்டி, ஷெட்டுக்குள் நிறுத்திவிடலாம்.

இப்போதிருக்கும் 4ஜி இணைய இணைப்பு மூலம் இது சாத்தியமில்லை. காரணம், 70 கி.மீ வேகத்தில் கார் செல்லும்போது அவசரத்துக்கு நாம் பிரேக் பட்டனை அழுத்தினால், அந்த சிக்னல் காருக்குப் போய் அது நிற்பதற்குள் மூன்று அடி தூரம் கடந்திருக்கும். ஆனால், 5ஜி இணைப்பில் நாம் ரிமோட்டில் பிரேக் அடித்தால், அந்த மில்லி நொடியில் கார் நிற்கும்!

அலைக்கற்றைதான் 5ஜி விஷயத்தில் பெரிய தலைவலி. இதுவரை செல்போன் இணைய சேவைகள் எல்லாமே 700MHz முதல் 2.6GHz வரையிலான அலைவரிசைகளில்தான் தரப்பட்டன. ஆனால், 5ஜி வேகத்துக்கு இது பத்தாது. 30GHz, 60GHz என அலைவரிசையை அகலப்படுத்தும்போது அதை மில்லிமீட்டர் வேவ் என்பார்கள். 5ஜி வேகம் என்பது மில்லிமீட்டர் வேவ் மூலம்தான் சாத்தியம்.

மில்லி மீட்டர் வேவ்களில் என்ன பிரச்னை என்றால் அது வேகம் தருமே தவிர அதிக தூரத்துக்கு ரீச் ஆகாது. இப்போதுள்ள மொபைல் தொழில்நுட்பத்தின்படி சென்னை மெரினா கடற்கரை மொத்தத்துக்கும் ஒரே ஒரு செல்போன் கோபுரம் வைத்தால் போதும். ஆனால், மில்லிமீட்டர் வேவ் என்றால் ஆங்காங்கே நிற்கும் ஐஸ்கிரீம் வண்டி அளவுக்கு அதிக எண்ணிக்கையில் டவர்கள் வேண்டும். இந்தத் தேவைகளை எல்லாம் பூர்த்தி செய்ய செல்போன் நிறுவனங்கள் தயாராகிவிட்டால், 2018 வாக்கில் நம் கையில் 5ஜி மொபைல் நிச்சயம் இருக்கும்!
என்பதில் எந்த ஐயப்பாடும் இல்லை.

பூரான் கடித்தால் என்ன செய்ய வேண்டும் ?

விஷ ஜந்துக்களில் பூரான் என்று அழைக்கப்படும் - நூறுகால் பூச்சியும் ஒன்று. சுமார் 5 முதல் 7 அங்குல நீளமுடையது. பூரான் மிகவும் சுறுசுறுப்பான பிராணி. பூச்சிகளைத் தின்று வாழும். எப்போதும் திரிந்துக் கொண்டே இருக்கும். இதில் பல பிரிவுகள் உண்டு. பூரான் பக்கவாட்டில் கணக்கற்ற கால்கள் உண்டு. இது நீண்டு வளர்ந்திருக்கும். கெட்டியான தலையின் முன் பக்கத்தில் உணர்வு இலை இருக்கும்.

வாயின் பக்கத்திற்கு ஒன்றாக இரண்டு கொக்கியைப் போல் உள் வளைந்த கூர்மையான பற்கள் கரு நிறத்துடன் இருக்கும். பூரான் தயங்காமல் கடித்து விட்டு ஓடிவிடும். அது கடிக்கும்போது ஒரு வகையான விஷம் வெளிவரும். பூரான் கடிக்கும்போது வலியே தெரியாது. இரண்டு நாட்களுக்குப் பிறகே தெரியும்.

உடலில் பல இடங்களில் அதிக தடிப்பும் அரிப்பும் எரிச்சலும் காணப்படும். பூரான் கடித்த பிறகு உடலில் ஏற்படும் அவதியைக் கொண்டுதான் பூரான் கடி என்று உறுதி செய்யமுடியும். பூரான் கடித்த உடலில் விஷத்தின் அளவிற்கேற்ப தடிப்புகள் கூடவும் குறையவும் செய்யும். உடலெங்கும் அதிக தடிப்பும் அரிப்பும் எரிச்சலும் காணப்பட்டு சொறிந்தால் புண் ஏற்பட்டால் விஷம் அதிகம் என அறியலாம்.

பூரான் கடித்தான் என்று தெரிந்ததும் தடிப்பு ஏற்பட்ட இடத்தில் முதல் சிகிச்சையாக மண்ணெண்ணெயை விட்டு நன்றாகத் தேய்க்கத் தடிப்புகள் மறையும். பனைவெல்லாம் சாப்பிடவேண்டும்.

பூரான் கடியை தீர்க்க மருந்து

குப்பைமேனி இலையையும் உப்பையும் வகைக்கு 150 கிராம் எடுத்து அரைக்கவும். அரைத்த விழுதுடன் 30 கிராம் மஞ்சள் சேர்த்து இடித்து உடல் முழுவதும் நன்றாகப் பூசவும். ஒருமணி நேரம் சென்ற பிறகு சுத்தமான நீரில் குளிக்கவேண்டும். மூன்று நாட்கள் காலையில் மட்டும் இவ்வாறு செய்து வர தடிப்பும் அரிப்பும் மறையும்.

வெற்றிலைச் சாற்றை சுமார் 6 அவுன்ஸ் எடுத்து அதில் 35 கிராம் மிளகை ஒரு நாள் முழுவதும் ஊற வைக்கவேண்டும். ஊறிய மிளகை எடுத்து உலர்த்திப் பொடி செய்து கண்ணாடி பாத்திரத்தில் வைக்கவும். இந்த மருந்தை காலை, மாலை இரண்டு சிட்டிகை அளவு வென்னீரில் பருகவேண்டும். உப்பு, புளி இரண்டையும் சேர்க்கக் கூடாது. பூரான் கடிதானே என்று அலட்சியம் கூடாது.

மற்றொரு மருந்தாக ஆகாச கருடன் கிழங்கை சிறுசின்னி சாறுடன் கலந்து அரைத்து சுண்டைக்காய் அளவு தினசரி 3 வேளை மூன்று நாள் சாப்பிடவேண்டும். வெயில் வராமல் மூன்று நாள் வீட்டிலே இருக்கவேண்டும். புளி நீக்கிய உணவை சாப்பிடவேண்டும். பூரான் கடி விஷம் அறவே நீங்கும். பூரான் கடிக்குச் சிகிச்சை செய்யாமல் இருந்து தடிப்புகள் தோன்றி நீடித்து பலமாதமாகி விட்டால் ஊமத்ததைலம் தயாரித்து உடலில் தடவி குளிக்கவேண்டும்.

ஊமத்தம் செடியின் வேர்- 100 கிராம் நல்லெண்ணெய் - கால் லிட்டர் ஊமத்தை வேரை நன்றாக நைய இடித்து நல்லெண்ணெயில் ஊற போடவும். சூரிய வெயிலில் வைத்து தினந்தோறும் தடிப்புகளில் தடவி ஊறி குளிக்கவேண்டும். உடலெங்கும் தடிப்பு சொறி போன்ற சில்லரை தொந்தரவும் சீங்கும். தைலத்தைத் தினந்தோறும் சூரிய வெயிலில் வைத்து உபயோகிக்க வேண்டும்.

இனயம் வர்த்தக துறைமுகத்தை மக்களுக்கு பாதிப்பு இல்லாத வகையில் அமைக்க வேண்டும்

வெள்ளி, ஜூலை 29, 2016

இனயம் வர்த்தக துறைமுகத்தை மக்களுக்கு பாதிப்பு இல்லாத வகையில் அமைக்க வேண்டும்
தமிழ்நாடு வணிகர் சங்க பேரமைப்பு தலைவர் விக்கிரமராஜா பேட்டி

இனயம் வர்த்தக துறைமுகத்தை மக்களுக்கு பாதிப்பு இல்லாத வகையில் அமைக்க வேண்டும் என்று தமிழ்நாடு வணிகர் சங்க பேரமைப்பு தலைவர் விக்கிரமராஜா கூறினார்.

வர்த்தகர் சங்க விழா

மார்த்தாண்டம் தொழில் வர்த்தகர் சங்க 31–வது மகாசபை கூட்டம் மார்த்தாண்டத்தில் உள்ள சங்க கட்டிடத்தில் நடந்தது. சங்க தலைவர் அல் அமீன் தலைமை தாங்கினார். துணைத்தலைவர் சுந்தர்ராஜ் வரவேற்று பேசினார். பொருளாளர் அலெக்சாண்டர், இணை செயலாளர் ரமேஷ் ஆகியோர் முன்னிலை வகித்தனர். செயலாளர் கார்த்திகேயன் அறிக்கை படித்தார்.

கூட்டத்தில் தமிழ்நாடு வணிகர் சங்க பேரமைப்பு தலைவர் விக்கிரமராஜா கலந்து கொண்டு பேசினார். அதன்பிறகு அவர் பிளஸ்–2 மற்றும் 10–ம் வகுப்பு பொதுத் தேர்வுகளில் அதிக மதிப்பெண்கள் பெற்ற சங்க உறுப்பினர்களின் பிள்ளைகளுக்கு பரிசுகள் வழங்கி பேசினார்.

பேட்டி

அதைத்தொடர்ந்து விக்கிரமராஜா நிருபர்களுக்கு பேட்டியளித்தார். அப்போது அவர் கூறியதாவது:–

குமரி மாவட்டத்தில் ரப்பர் தொழிலில் வருவாய் குறைந்துள்ளது. இதனால் வணிகர்கள் பாதிக்கப்பட்டுள்ளனர். எனவே மத்திய அரசு வெளிநாட்டில் இருந்து ரப்பர் இறக்குமதி செய்வதை நிறுத்த வேண்டும். குமரி மாவட்டத்தில் ரப்பர் தொழிற்சாலை அமைக்க வேண்டும். வெளிநாடுகளில் இருந்து பாமாயில் இறக்குமதி செய்வதை நிறுத்த வேண்டும். தேங்காய் எண்ணெய், கடலை எண்ணெய் உற்பத்தி செய்வதை ஊக்கப்படுத்த வேண்டும். வியாபாரிகள் வாங்கி விற்பவர்கள் எனவே பொருட்களை உற்பத்தி செய்யும் இடங்களில் அதிகாரிகள் ஆய்வு செய்து பொருட்களின் தர நிர்ணயம் செய்ய வேண்டும். விற்பனை செய்யும் வியாபாரிகள் மீது நடவடிக்கை எடுக்க கூடாது.

இனயம் வர்த்தக துறைமுகம்

இனயம் வர்த்தக துறைமுகத்தை யாருக்கும் பாதிப்பு இல்லாத வகையில், அனைத்து தரப்பினரையும் அழைத்துப் பேசி அமைக்க வேண்டும். மார்த்தாண்டத்தில் மேம்பாலம் அமைக்காமல் சாலையை அகலப்படுத்த வணிகர்கள் ஒப்புக் கொண்டு உள்ளனர். எனவே இது சம்பந்தமாக மத்திய மந்திரி பொன்.ராதாகிருஷ்ணனை சந்தித்து பேச உள்ளோம். முடக்கப்பட்டுள்ள வணிகர் நல வாரியத்தை மீண்டும் அமைக்க வேண்டும் என அரசுக்கு கோரிக்கை விடுத்துள்ளோம்.

தமிழ்நாட்டில் திடீர் ஜவுளி தோன்றுவதை கடுமையாக எதிர்க்கிறோம். அதை தடுக்க சட்ட ரீதியான நடவடிக்கைகள் மேற்கொண்டு வருகிறோம்.

இவ்வாறு அவர் கூறினார்.

இனயத்தில் வர்த்தக துறைமுகத்தை எதிர்த்து தொடர் உண்ணாவிரத போராட்டம் .

இனயத்தில் வர்த்தக துறைமுகத்தை எதிர்த்து தொடர் உண்ணாவிரத போராட்டம் நேற்று தொடங்கியது.

வர்த்தக துறைமுகம்

குமரி மாவட்டம் இனயத்தில் வர்த்தக துறைமுகம் அமைக்க மத்திய அரசு ஒப்புதல் வழங்கியுள்ளது. ஆனால், இங்கு வர்த்தக துறைமுகம் அமைக்க கூடாது என வலியுறுத்தி போராட்டங்கள் நடந்து வருகின்றன. இதற்கு பல்வேறு தரப்பினர் ஆதரவு தெரிவித்து வருகின்றனர். குறிப்பாக கடந்த உலக மீனவர் தினத்தை முன்னிட்டு இனயம் மண்டலத்தை சேர்ந்த 9 கடலோர கிராம மக்கள் இணைந்து ஒரு நாள் உண்ணாவிரத போராட்டம் நடத்தினர்.

அதன்பின்னர் தொடர் உண்ணாவிரத போராட்டம் நடத்த முடிவு செய்யப்பட்டது. அதன்படி உண்ணாவிரத போராட்டம் முதற்கட்டமாக நேற்று இனயத்தில் தொடங்கியது.

உண்ணாவிரத போராட்டம்

இனயம் சந்திப்பில் நடந்த உண்ணாவிரத போராட்டத்துக்கு வர்த்தக துறைமுக எதிர்ப்பு குழுத்தலைவர் டல்லஸ் தலைமை தாங்கினார். இனயம் ஜமாத் தலைவர் அப்துல் லத்தீப் முன்னிலை வகித்தார். இனயம் பங்கு அருட்பணியாளர் அன்பரசன் தொடங்கி வைத்து பேசினார். அப்போது அவர் கூறியதாவது:–

இயற்கை வசதிகளுடன் கூடிய குளச்சலில் வர்த்தக துறைமுகம் அமைக்க வேண்டும் என்பதுதான் குமரி மக்களின் நீண்ட நாள் விருப்பமாக உள்ளது. கடந்த 1998, 2000, 2010–ம் ஆண்டுகளில் மத்திய–மாநில அரசுகள் நடத்திய ஆய்வுகளும் இதையே தெளிவாக காட்டுகிறது. இந்தநிலையில் குளச்சல் துறைமுகம் இடம் மாறியது புதிராக உள்ளது. இந்த திட்டத்தால் 40 ஆயிரம் மீனவர்கள் தங்கள் குடியிருப்புகளை இழக்கும் அவலம் உள்ளது. எனவே, இந்த வர்த்தக துறைமுகம் திட்டத்தை ரத்து செய்ய வேண்டும்.

இவ்வாறு அவர் பேசினார்.

இதில் முன்னாள் நகர்மன்ற தலைவர் சேசையா, இனயம்புத்தன்துறை ஊராட்சி தலைவர் யூஜின், குமரி மாவட்ட மீனவர் பேரவை தலைவர் ஜோர்தான் உள்பட ஆண்கள், பெண்கள் என ஏராளமானோர் கலந்து கொண்டனர். குளச்சல் போலீஸ் சூப்பிரண்டு வெங்கட்ராமன், புதுக்கடை போலீஸ் இன்ஸ்பெக்டர் மனோகரன் ஆகியோர் தலைமையில் போலீசார் குவிக்கப்பட்டு பாதுகாப்பு ஏற்பாடு செய்யப்பட்டிருந்தது.

கடை அடைப்பு

இந்த உண்ணாவிரத போராட்டத்திற்கு ஆதரவு தெரிவித்து இனயம், கீழ்குளம், புத்தன்துறை போன்ற பகுதிகளில் வியாபாரிகள் கடையடைப்பு போராட்டத்தில் ஈடுபட்டனர். இந்த பகுதிகளில் உள்ள ஓட்டல்கள், மளிகை கடைகள், டீக்கடைகள் போன்றவை அடைக்கப்பட்டிருந்தன.

இன்று (செவ்வாய்க்கிழமை) முள்ளூர்துறை, நாளை (புதன்கிழமை) ஹெலன் நகர், 28–ந் தேதி இனயம் புத்தன்துறை, 29–ந் தேதி மேல்மிடாலம், ஆகஸ்டு 1–ந் தேதி ராமன்துறை போன்ற பகுதிகளில் தொடர் உண்ணாவிரத போராட்டங்கள் நடைபெற உள்ளன.

உலகின் மிகப்பெரிய கோடீஸ்வரர்களில் ஒருவரான "வாரன் பபேட்" கூறும் அறிவுரை.

1. ஒரு சம்பாத்தியம் மட்டும் போதாது. இரண்டாவது வருமானம் வரும் வகையில் ஏதாவது ஏற்பாடு செய்து கொள்.

(ஒன்று நஷ்டமானாலும், மற்றொன்று நம்மை காப்பாற்றும்.)

2. தேவையில்லாத பொருள்களை வாங்கினால், விரைவிலேயே தேவையுள்ள அனைத்தையும் விற்க நேரிடும்.

(ஆடம்பரத்தை தவிர்த்திடுங்கள். தேவையில்லாத ஆடம்பரம் நமது சந்ததியை தெருவில் நிறுத்திவிடும்.)

3.சேமித்த பிறகு இருக்கும் மீதத்தை தான் செலவு செய்ய வேண்டும். செலவு செய்த பிறகு இருக்கும் மீதத்தை சேமிக்கக்கூடாது.

(சேமிப்பு என்பது மிக மிக முக்கியமானது.)

4. ஆற்றின் ஆழத்தை இரண்டு கால்களாலும் அளவிடக்கூடாது....

(எதிலும் முன்னெச்சரிக்கை அவசியம்.)

5. அனைத்து முட்டைகளையும் ஒரே கூடையில் வைக்காதே...

(நஷ்டம் ஏற்பட்டாலும், வாழ்க்கையை இழக்கும் அளவிற்கு இருக்ககூடாது என்பதற்கான சிந்தனை.)

6. நேர்மை ஒரு விலை மதிப்பற்றது. அது அனைவரிடமும் இருக்கும் என்று எதிர்பார்க்காதீர்கள்....

(மிக அவசியமான ஒன்று. எல்லோரையும் முழுமையாக நம்பிவிடக்கூடாது.)

இவர்களிடம் கேட்டுப் பாருங்கள்... நேரத்தின் மதிப்பை சொல்வார்கள்...!

► ஒரு மில்லி செகண்டின் மதிப்பை ஒலிம்பிக்கில் வெள்ளிப் பதக்கம் வாங்கியவரைக் கேட்டால் தெரியும்...!

► ஒரு செகண்டின் மதிப்பை விபத்தில் உயிர் தப்பியவரைக் கேட்டால் தெரியும்...!

► ஒரு நிமிடத்தின் மதிப்பை தூக்கிலடப் படும் கைதியைக் கேட்டால் தெரியும்...!

► ஒரு மணி நேரத்தின் மதிப்பை உயிர் காக்க போராடும் மருத்துவரைக் கேட்டால் தெரியும்...!

► ஒரு நாளின் மதிப்பை அன்று வேலை இல்லாத தினக் கூலி தொழிளாலரைக் கேட்டால் தெரியும்...!

► ஒரு வாரத்தின் மதிப்பை வாரப் பத்திரிக்கை ஒன்றின் ஆசிரியரைக் கேட்டால் தெரியும்...!

► ஒரு மாதத்தின் மதிப்பை குறைப் பிரசவம் ஆகும் ஒரு தாயைக் கேட்டால் தெரியும்...!

► ஒரு வருடத்தின் மதிப்பை தேர்வில் தோல்வியுற்ற ஒரு மாணவனைக் கேட்டால் தெரியும்...!

>>நேரத்தை வீணாக்கும் போது கடிகாரத்தை பார்.. ஓடுவது முள் அல்ல..! உன் வாழ்க்கை...

உங்கள் வீட்டு மொட்டை மாடியின் சூட்டை தவிர்த்து வீட்டை குளிராக்க வேண்டுமா. இதோ அற்புதமான எளிதான வழி

கோடையை வரவேற்போம்

ஏசி இல்லாமல் கோடையைச் சமாளிக்க என்ன செய்யலாம்?
உங்கள் வீடு காங்கிரீட்டில் கட்டப்பட்டு மொட்டைமாடியில் வெயில் கொதித்து (அது சிமென்ட் தரையோ, சதுர ஓடுகள் பதித்ததோ) அதன் சூடானது அந்த மொட்டை மாடித் தரை வழியே கீழிறங்கும். மதிய நேரத்தில் வெறும் காலில் உங்களால் அந்தத் தரையில் ஒரு நொடி கூட நிற்க முடியாத அளவிற்கு சூடேறி இருக்கும். பகல் முழுவதும் இப்படி அடுப்பில் வைத்த இட்லிக் குண்டானைப் போல இருக்கும் உங்கள் மாடித் தரையானது, மாலையில் குளிர்ந்திருக்கும். ஆனால் அந்தச் சூடு மெதுவாகக் காங்கிரீட்டினுள்ளே புகுந்து இப்பொழுது அடிப்பாகத்தை எட்டி இருக்கும். ஆக, பகலில் வீட்டின் உள்ளே மேல் பாகத்தில் குளிர்ச்சியாகவும், மாடித்தரையில் சூடாகவும் இருந்த இடம், இப்பொழுது அப்படியே தலைகீழாக மாடித்தரை குளிர்ச்சியாகவும், வீட்டினுள்ளே சீலிங் அதிக சூடாகவும் இருக்கும்.
இதனால்தான் இரவில் மின்விசிறியைப் போட்டதும் சூடான காற்று உள்ளே இறங்கி இயற்கையான ஹீட்டரைப் போல உங்களை வேகவைக்கும். ஆக, வெயில் சூட்டிலிருந்து உங்கள் மொட்டை மாடித் தரையைப் பாதுகாத்தால் அதன் வழியே உங்கள் வீட்டினுள்ளே சீலிங் வழியாக சூடான காற்று வீட்டிற்குள் வருவது தடுக்கப்படும். இதற்கு என்ன செய்யலாம்?
01. மாடித் தரைக்கு வெள்ளை அடித்தல்:

இதை எளிமையாகப் புரிந்துகொள்ளவேண்டுமென்றால், வெள்ளை நிற சுண்ணாம்பை மாடித் தரையில் திக் காக அடிப்பதன் மூலம், வெண்மை நிறம் வெயிலை பிரதிபலிக்கச் செய்து அதன் சூட்டினை தரைக்கு இறங்காமல் செய்கிறது. இப்படி வெள்ளை அடிக்கப்பட்ட மாடித் தரையில் நீங்கள் 45 டிகிரி வெயில் அடித்தாலும் வெறும் காலில் நிற்கலாம், குளிர்ச்சியாகவே இருக்கும்.
இதற்கு செலவு குறைவானது முதல் அதிகம் செலவு வைப்பது வரை பல முறைகள் இருக்கிறது.
செலவு அதிகம் பிடிக்கும் முறை:
வெப்பத்தடுப்புக்கென்றே பிரத்யோகமாக விற்கப்படும் சுண்ணாம்புக் கலவைகள். 5 லிட்டர் பக்கெட்டுகள் 2500 ரூபாய் முதல் துவங்குகின்றன. இதில் பல வகைகள், கம்பெனித் தயாரிப்புகள் இருக்கின்றன.
செலவு குறைவான முறை:
சாதாரண ஸ்னோசெம், சூர்யா செம் போன்ற சுண்ணாம்புப் பைகள் 10 கிலோ ரூபாய்.200 க்குள் பெயின்ட்/ஹார்ட்வேர் கடைகளில் கிடைக்கும், அவற்றுடன் 500 கிராம் பெவிகால் கலந்து நீர்விட்டுக் கரைத்து நன்றாக திக் காக மாடித் தரையில் அடிக்கவேண்டும். 750 சதுர அடிக்கு 10 கிலோ சுண்ணாம்பு, பெயின்ட் ப்ரஷ், பெவிகால் எல்லாம் சேர்த்து ரூ.500க்குள் முடிந்துவிடும். ஒரு பெயின்டருக்கு ரூ.500 அதிகபட்ச சம்பளம் கொடுத்தால் கூட காலை 6 மணிக்குத் துவங்கி 7.30க்குள் வேலையை முடித்துவிடலாம். அதிகபட்ச செலவு ரூ.1000.00 மட்டுமே.

சரி மேலே சொன்ன செலவு அதிகம் பிடிக்கும் பிரத்யேக ஹீட் ப்ரூப் பெயின்டிற்கும், கீழே சொல்லப்பட்ட செலவு குறைவான சுண்ணாம்பிற்கும் உள்ள வித்தியாசம் என்ன?
பிரத்தியேக பூச்சுகள் தயாரிப்பவர்கள் தரும் அதிகபட்ச் உழைக்கும் கால அளவு 2முதல் 3 ஆண்டுகள் மட்டுமே. அதிலும் வெண்மை நிறம் மாறும்பொழுது சூட்டைக் கிரகிக்கும் தன்மை அதிகரிக்கும். போக 750 சதுர அடிக்கு ஆகும் செலவென்பது 6000 ரூபாய்க்கு மேல் போகலாம்.
ஆக, வருடத்திற்கு 3 மாதங்கள் வெயிலைச் சமாளிக்கச் சுண்ணாம்பு கொண்டு குறைந்த செலவில் ஒவ்வொரு வருடமும் அடித்துக்கொள்வது செலவு குறைவு என்பதோடு, நாமே களத்தில் இறங்கி இதைச் செய்யமுடியும்.
எனவே உங்கள் பொருளாதாரம் சார்ந்து இந்தச் சுண்ணாம்பை நீங்கள் தேர்ந்தெடுக்கலாம்.

02.ஷேட் நெட்கள்:

பச்சை நிறத்தில் கட்டிடங்கள் கட்ட மறைப்பிற்காகப் பயன்படுத்தும் இந்த பச்சை நிற வலைகளை நீங்கள் கண்டிப்பாகப் பார்த்திருப்பீர்கள். பல செடிகள் விற்கும் கடைகளிலும் நிழலுக்காக இதை பந்தல் போலப் போட்டிருப்பார்கள்.
இது 10 அடி அகலம், 150 அடி நீள பண்டல்களாக விற்கப்படுகிறது. 50% நிழல் தருபவை, 75% நிழல் தருபவை, 90% நிழல் தருபவை, என்று உங்களுக்குத் தேவையான நிழல் அளவிற்கு ஏற்ப இவை விற்கப்படுகின்றன.

இவற்றை மொட்டைமாடியில் பந்தல் போல நான்குபக்கமும், சவுக்கு அல்லது மூங்கில் கொம்பு நட்டு அதில் கட்டிப் பயன்படுத்தலாம். இதனால் மாடித் தரையில் நேரடியாக வெயில் பட்டு அதனால் சூடேறுவது மட்டுப்படுவதால் சீலிங் வழியே சூடு வீட்டின் உள்ளே இறங்குவது தடுக்கப்படும்.
50% மட்டுமே கிடைத்தது என்றால் இரண்டாக மடித்தும் பந்தல் போலப் போட்டுப் பயன்படுத்தலாம். சென்னையில் ஒரு பண்டல் 3000 ரூபாய் முதல் 6500 ரூபாய் வரை, தரம், நிழல் அளவுகள் சார்ந்து விற்பனை செய்யப்படுகிறது. குறைவான அளவுகளில் உங்கள் தேவைக்கு ஏற்பவும் நீங்கள் வாங்கிக்கொள்ளலாம். வெயில் காலம் முடிந்து முறையாக எடுத்துப் பாதுகாத்துப் பயன்படுத்தினால் குறைந்தது 5 வருடங்கள் கூட இந்த ஷேட் நெட்கள் உங்களுக்கு உழைக்கும்.

03.தார்பாலின்கள்:

தார்பாலின்கள் அல்லது உபயோகப்படுத்தப்பட்ட ப்ளக்ஸ் பேனர்களை நீங்கள் பந்தல் போலப் போட்டால் இருக்கும் பிரச்சனை காற்றடித்தால் கிழிவது மற்றும் அதிக வெயில் பட அவை அதன் தன்மையை இழந்து கிழிந்து / நைந்துபோவது. காற்று உள்ளே வெளியே செல்ல வழியில்லாத அளவுக்கு நெருக்கமாக இருப்பதால் ஷேட் நெட் போன்ற குளிர்ச்சியை இவை தருவதில்லை.

04.தென்னை ஓலைகள் :

குடிசை போடப் பயன்படுத்தும் தென்னை ஓலைகளை மாடியில் பரவலாகப் போட்டு தரையை மூடுவதன் மூலமும் ஓரளவு சூடு இறங்காமல் தவிர்க்கப்படும். மாடியில் குடிசை போடலாம். 10000 ரூபாய்க்கு மேல் செலவாகும். தீப்பிடிக்கக் கூடிய வாய்புகள் இருப்பதால் அரசே சில கட்டுப்பாடுகள் வைத்திருப்பதாகக் கேள்வி, அதிகபட்சம் 4 வருடங்கள் வரும். மழைக்காலத்தில் ஒழுகாமல் இருக்க சில விசயங்கள் செய்யவேண்டும்.

05.ஆஸ்பெஸ்டாஸ்

மெட்டல் ரூஃபிங்:ஆஸ்பெஸ்டாஸ் போன்றவற்றை உபயோகிப்பது கேன்சரை வரவழைக்கும், பல உடல் நலக்கேடுகள் வரும் என்பதால் அதைத் தவிர்த்துவிடுவோம். மேலும் அவற்றால் சூடு அதிகம் உள்ளிரங்கும்.
மெட்டல் ரூஃபிங் எனப்படும் தகடுகளால் மேற்கூரை இடுவதும் ஓரளவு சூட்டைத் தணிக்கும். 1 லட்சம் முதல் உங்கள் தரை அளவைப் பொருத்து செலவாகும்.

06.சான்ட்விச் பேனல்:

இருபக்கம் மெல்லிய தகடுகள் கொண்டு நடுவில் பைபர் போன்ற அதிக கனமில்லாத, கடினமான ஒரு வெப்பத்தடுப்புப் பொருளை வைத்து இந்த கூரையைச் செய்கிறார்கள். சப்தம், வெளிப்பக்க வெப்பம் அல்லது குளிர் உள்ளே வருவது தடுக்கப்படுவது, உள்ளே இருக்கும் குளிர் அல்லது வெப்பம் வெளியே செல்லாமல் தடுக்கப்படுவது போன்றவைகள் இந்த பேனல் மூலம் சாத்தியம். 25 வருடம் உழைக்கும் என்று சொல்கிறார்கள், குறைந்த காலத்தில் இந்தப் பேனலை வைத்து அழகாக ஒரு வீட்டையே நீங்கள் கட்டிவிடலாம். தேவையில்லாதபோது பிரித்து எடுத்து வேறு இடத்தில் மீண்டும் வீடு கட்டிக்கொள்ளலாம். காங்கிரீட் வீடு கட்டுவதை விட செலவு குறைவுதான். இந்தப் பேனலைக் கொண்டு மேற்கூரை அமைப்பதன் மூலமும் வெயில் சூடு இறங்குவதைத் தடுக்கமுடியும். இதுவும் மெட்டல் ரூஃபிங்கை விட செலவு அதிகம் பிடிக்கும்.

07.சாக்குப் பைகள்:

கோணி எனப்படும் சணல் சாக்குப் பைகளை நன்றாக நீரில் நனைத்து மாடித் தரையில் போடுவதன் மூலமும் ஓரளவு வெப்பத்தைக் கட்டுப்படுத்தலாம். சாக்குப் பை காயக் காய நீர் ஊற்றி நனைக்கவேண்டும், எந்த அளவுக்கு இது சூட்டைக் குறைக்கிறது என்பதை நான் பரிசோதித்ததில்லை.
08.கொடிப் பந்தல்:

முல்லை, கொடி சம்பங்கி, பாஷன் ப்ரூட் மற்றும் பலவகை படர்ந்து வளரும் க்ரோட்டன்கள் போன்றவற்றை நீங்கள் ஒரு பெரிய தொட்டியில் வளர்த்தோ அல்லது தரையிலிருந்து மேலெழுப்பியோ மாடி முழுவதற்கும் படறச் செய்யலாம். இவை பசுமையாக நிழல் தந்து உங்கள் மாடித் தரையில் சூடேற்றாமல் காக்கும். வாசமுள்ள பூக்களையோ, மனதிற்கினிய பச்சை நிறத்தையோ உங்களுக்குத் தரும்.
பெரிய இலைகளை உடைய, அடர்தியாக வளரக்கூடிய வெயில் தாங்கும் எந்தச் செடிகளையும் நெருக்கமாக தொட்டிகளில் வைத்தும் மாடித் தரையை வெயில் சூட்டிலிருந்து நீங்கள் பாதுகாக்க முடியும். தண்ணீர் தேங்குவது , பூச்சிகள், தரை பாழாவது போன்றவற்றைச் சமாளிப்பது எப்படி என்பதை நீங்கள்தான் அறிந்துகொள்ளவேண்டும். :)
சரி, எளிமையான வழிகளை மீண்டும் பார்ப்போம்:

முதலில் சாதாரண வெள்ளைச் சுண்ணாம்புடன் தேவையான பெவிகால் கலந்து (இந்த பெவிகால் சுண்ணாம்பு காலில் ஒட்டாமல் இருக்கப் பயன்படுகிறது) நன்றாக நீர்க்க இல்லாமல் திக்காக மாடித்தரையில் அடித்துவிடவேண்டும். அது காய்ந்ததும், நான்கு பக்கம் கம்புகளைக் கட்டி பச்சை நிற ஷேட் நெட்டைக் கட்டிவிடவேண்டும். இரண்டடுக்கு வெப்பத் தடுப்பு முடிந்துவிட்டது. மூன்றாவதாக, தென்னங்கீற்று அல்லது வெட்டிய ஓலைகளை வாங்கி ஏற்கனவே வெள்ளையடிக்கப்பட்ட மாடித் தரையில் பரப்பிவிடவேண்டும். இந்த மூன்றடுக்கு வெப்பத்தடுப்பு நிச்சயம் அக்னிநட்சத்திர மதியத்திலும் உங்களுக்கு குளிர்ச்சியான அல்லது வெப்பமில்லாத காற்றையே வீட்டிற்குள் உங்களுக்குத் தரும். இரவில் பேன் போட்டாலும் சூடான காற்று மேலிருந்து இறங்காது. இரவில் குளிர்ச்சியான நீரில் ஒரு குளியலைப் போட்டுவிட்டு நிம்மதியாக உறங்கலாம். ஏசி பயன்படுத்தினாலும் இந்த முறையில் விரைவில் உங்கள் அறை குளிரூட்டப்படும். மின்சார செலவு குறையும்.
மேலும் சில தகவல்கள்:
சென்னை போன்ற கடல் அருகில் இருக்கும் நகரங்களாக இருந்தாலும், டெல்லி, பெங்களூர், ஹைதராபாத் போன்ற காற்றில் ஈரத் தன்மை குறைவான, கடலிலிருந்து அதிக தூரமிருக்கும் இடங்களுக்கும், வெயில் சூடு இறங்காமல் தவிர்க்க, மேலே சொல்லப்பட்ட வழிமுறைகள் உதவும்.
நீங்கள் வசதிபடைத்தவராக அல்லது குளிர்ச்சிவேன்டும் என்று விரும்புவராக இருந்தால், சென்னை போன்ற கடல் அருகில் ஈரப்பதம் அதிகம் இருக்கும் (வெயில் காலத்தில் வியர்த்துக் கொட்டும்) ஊர்களில் ஏசி எனப்படும் ஏர்கன்டிஷனர்கள் மட்டுமே பயன்தரும். தயவு செய்து விலை குறைவு என்று ஏர்கூலர்களை வாங்காதீர்கள். கிலோ கணக்கில் ஐஸையும், குளிர் நீரையும் ஊற்றினாலும், குளிர்ச்சிக்குப் பதில் எரிச்சலையும் உடல் சூட்டையுமே அது தரும். அதிக ஈரம்ப்பதமுள்ள இடங்களில் ஏர்கூலர்கள் பலனளிக்காது. பெங்களூர், டெல்லி, ஹைதராபாத் போன்ற வறண்ட பிரதேசங்களில் ஏர்கூலர்கள் அற்புதமாக வேலைசெய்து குளிர்ச்சியைத் தரும். (ஏசியும் பலனளிக்கும்.)
ஏசி, ஃபேன் இரண்டையும் சேர்த்து ஒரே நேரத்தில் பயன்படுத்தினால் அறை குளிர்ச்சியாக அதிக நேரம் பிடிக்கும்
மின்சாரசெலவு அதிகரிக்கும்
பால்ஸ் சீலிங் எனப்படும் உள் அலங்காரங்கள், தெர்மொகோல் பயன்படுத்துவது போன்ற வீட்டினுள்ளே செய்யப்படும் விஷயங்களை நான் இங்கே எழுதவில்லை. வெளிப்புற வெப்பத்தடுப்பு பற்றி மட்டுமே எழுதி iஇருக்கிறேன் .                                      

மழை எப்படி உருவாகிறது .

மழை என்பது நீரானது வானில் இருந்து நிலத்தில் வீழ்வதைக் குறிக்கும். மழை எவ்வாறு ஏற்படுகின்றது எனில், முதலில் கடலில் இருந்தும் பிற நீர்நிலைகளில் இருந்தும், நீரானது கதிரவனின் வெப்பத்தால் நீராவியாகி மேலெழுந்து சென்று மேகங்களை அடைகின்றது. அப்படி மேலெழுந்து சென்று மேகங்களை அடியும் பொழுது குளிர்வடைந்து நீராக மாறுகின்றது. பின்னர் இந்த நீர்தாங்கிய மேகங்களில் (கார்முகில்களில்) இருந்து நீரானது துளிகளாக, திவலைகளாக பூமியின் மேற்பரப்பில் விழும் போது மழையானது ஏற்படுகிறது. மழை வீழும் போது மொத்த நீரும் நிலத்தை அடைவதில்லை. அதில் ஒரு பகுதி நீராவியாகி விடுகிறது. பாலைவனம் போன்ற பகுதிகளில் மொத்த நீரும் ஆவியாகிவிடுவது உண்டு. ஒரு இடத்தில் மழை அதிகமாகப் பெய்யும் காலம், அவ்விடத்திற்குரிய மழைக்காலம் என அழைக்கப்படுகின்றது.

மழை பெய்யச் செய்யும் பாக்டீரியா தொகு

"அமெரிக்காவின் மொன்டானா மாநில பல்கலைக்கழக விஞ்ஞானிகள் மழை பெய்விக்கும் பாக்டீரியாவை கண்டுபிடித்துள்ளனர். இதன் மூலம் வறண்ட பகுதிகளிலும் மழை பெய்விக்க முடியும் என்ற நிலை ஏற்பட்டுள்ளது. தாவரங்கள் மேல் படரும் பாக்டீரியா காற்று மூலம் விண்ணுக்குச் செல்கிறது. இந்தப் பாக் டீரியா மீது உருவாகும் ஐஸ் பல்கிப் பெருகு கிறது. இந்த ஐஸ்கட்டிகள் மழை மேகங்களாக மாறுகின்றன. சில குறிப்பிட்ட வெப்பநிலையில் மழையாக பொழிகின்றன. இந்த பாக்டீரியாக்கள் உலகம் முழுவதும் எல்லா பகுதிகளிலும் காணப்படுகின்றன. மழை பெய்யும் காலங்களில் தான் இந்த பாக்டீரியாக்கள் பெருகி வளர் கின்றன. இவை 83 டிகிரி சென்டிகிரேட் வெப்பநிலைக்கு உட்பட்ட இடத்தில் மட்டுமே வளர முடியும். தற்போது உலகம் வெப்பமயமாகி வருவதால் இந்த பாக்டீரியாக்கள் அழியும் நிலை கூட ஏற்படலாம். எனவே இந்த பாக்டீரியாக்களை செயற்கை முறையில் உருவாக்குவது குறித்தும் விஞ்ஞானிகள் ஆய்வு செய்து வருகின்றனர்."

மழைமானி தொகு

சாதாரண மழைமானி
மழையையோ அல்லது பனியையோ சாதாரண மழைமானி மூலம் அளவிடலாம். அஃது 100மிமீ (4 அங்குலம் பிளாஸ்டிக்) அல்லது 200மிமீ(8அங்குலம் உலோகம்) என்ற அளவுகளில் இருக்கும். சாதாரண மழை மானி ஆடி அல்லது உலோகத்தால் ஆன இரண்டு நீளுருளைகளையும் ஒரு புனலையும் கொண்டது. உட்புற உருளை 0மிமீ முதல் 25மிமீ (0.98 அங்குலம்) வரை அளவுகள் குறிக்கப்பட்டிருக்கும். உட்புற உருளையின் மேல் உள்ள புனல் மழை நீரை அந்த உருளைக்குள் செல்லுமாறு அமைக்கபட்டிருக்கும். உட்புற உருளை நிறைந்தபின் மழை நீர் மேற்புற உருளையில் சேகரிக்கப்படும்.

அளவிடும் முறை தொகு
பொதுவாக ஒவ்வொரு 24 மணிநேரத்திற்கும் மழை அளவிடப்படும். எனவே மழையை அளவிடும்முன் நேரத்தை குறித்துக்கொள்வது அவசியம். மழைமானியை ஒரு பொதுவான, இடர்பாடுகள் இல்லாத இடத்தில் மழை பெய்யும் நேரத்தில் திறந்து வைக்கவும். சரியாக 24 மணிநேரத்திற்கு பிறகு மானியில் உள்ள நீரின் அளவை மில்லி லீட்டர் அளவில் எடுக்கவேண்டும். மழை ஒரு திரவம் என்பதால் மில்லி லீட்டர் என்ற அளவைவிட லீட்டர் என்ற அளவில் மாற்றினால் தெளிவாக இருக்கும். மழையை அளவிடும் SI அலகு மில்லி லீட்டர் ஆகும்.

“ ஒரு மில்லிமீட்டர் மழை அளவு என்பது ஒரு லிட்டர் / ஒரு சதுர மீட்டருக்கு சமம். ”
எனவே, 10மிமீ மழை என்று பதிவானால், அதை 10 லிட்டர் / சதுர மீட்டர் என்று எடுத்துகொள்ளவும். ஒரு ஊரில் எவ்வளவு மழை பெய்துள்ளது என கணக்கிட, அந்த ஊரின் பரப்பளவு (சதுர மீட்டரில்) தெரிந்திருக்க வேண்டும். சென்னையின் பரப்பளவு 174 சதுர கிலோமீட்டர் (174 x 10,00,000 சதுர மீட்டர்). எனவே சென்னையில் 1mm மழை என்பது 17,40,00,000 லீட்டர் மழை பெய்ததாகக்கொள்ளலாம்.

மழை பெய்வதை முன்னரே அறியும் முறை தொகு

மழை பெய்வதை முன்னரே அறிய பிராணிகளின் நடத்தைகளைக் கண்காணிக்கலாம். மழை பெய்யப்போவதை முன் கூட்டியே அறியும் திறன் பிராணிகளுக்கு உள்ளது.

மழை பெய்வதை அறிய உதவும் பிராணிகளின் நடவடிகைகள்

மயில் - தனது தோகையை விரித்து நடனம் ஆடும்.
எருமை - வானத்தைப் பார்த்து முக்காளமிடும்.
ஈசல் - தனது இருப்பிடத்தை விட்டு வெளியே வந்து பறக்கும்.
பூனை - வீட்டு அடுப்பங்கரையினுள் பதுங்கி இருக்கும்.
பறவைகள் - வானத்தில் தாழ்வாகப்பறக்கும்.
மழையின் வகைகள் தொகு

ஆலி - மழை துளி
சோனை - விடா மழை
தூறல் - சிறிய மழை,
சாரல் - மலையில் பட்டு விழும் மழை.
அடைமழை - ஐப்பசி மாதம் அடை மழை பெய்யும்; அடைச்ச கதவு திறக்காதபடி அடை மழை பெய்யும்.; கார்த்திகை மாதம் கன மழை பெய்யும் என்று பழமொழிகள் கூறுகின்றன. அந்தக் காலத்தில் நாள் முழுவதும் தொடர்ந்து மழை பெய்து கொண்டே இருந்திருக்கிறது. இப்படிப் பெய்யும் மழையைத்தான் அடை மழை அல்லது அடைத்த கதவு திறக்காத மழை என்று கூறுகின்றார்கள்.
கனமழை - அளவில் பெரிய துளிகள் உள்ள மழை.
மாரி - மாரி அல்லது காரியம் இல்லை என்று கூறுகின்றார்கள். மாரி என்ற சொல் மழையைக் குறிக்கிறது. மாரி என்ற சொல்லை காளி என்ற தெய்வத்தைக் குறிக்கவும் பயன்படுத்துகின்றார்கள். மழையையே தெய்வமாகப் பாவித்த ஆதி மனிதனின் அடையாளமாகத்தான் மாரி என்ற சொல் மழையையும், கடவுளையும் குறிக்கிறது.
ஆலங்கட்டி மழை - பனி கட்டி கட்டியாக மழையுடனோ அல்லது தனியாகவோ விழும் மழை.
பனிமழை - பனி மழையாக பொழிவது. இது பொதுவாக இமயமலை போன்ற சிகரங்களில் காணப்படும்.
ஆழிமழை - ஆழி என்றல் கடல் இது கடலில் பொழியும் இடைவிடாத மா மழையை குறிக்கும்.
துளி - மழையில்லாவிடில் துன்பமுறும் உலகத்தைப் போல் அருள் இல்லாத அரசினால் குடிமக்கள் தொல்லைப்படுவார்கள். இதில் மழையை துளி என்று கூறப்பட்டுள்ளது. துளியின்மை ஞாலத்திற்கு எற்றற்றே வேந்தன், அளியின்மை வாழும் உயிர்க்கு (திருக்குறள்).
பெய் - நீதி வழுவாமல் ஓர் அரசு நாட்டில் இருக்குமேயானால் அது, காலத்தில் தவறாமல் பெய்யும் மழையினால் வளமான விளைச்சல் கிடைப்பதற்கு ஒப்பானதாகும். இதில் மழையை பெய் என்று கூறப்பட்டுள்ளது. இயல்புளிக் கோலோச்சும் மன்னவன் நாட்ட, பெயலும் விளையுளும் தொக்கு (குறள்).
புயல் - புயல் என்பது காற்றுடன் வரும் மழையை குறிக்கும். இதை குறைவில்லாத மழை என்று வள்ளுவர் தருகின்றார். ஏரின் உழாஅர் உழவர் புயல்என்னும், வாரி வளங்குன்றிக் கால் (குறள்). மழை என்னும் வருவாய் வளம் குன்றிவிட்டால், உழவுத் தொழில் குன்றி விடும்.

மொகலாய மன்னன் ஷாஜஹான் வாழ்க்கை வரலாறு

ஷாஜகான், பாகிஸ்தானின் லாஹூரில் 1592 ஆம் ஆண்டில் இளவரசர் குர்ராம் ஷஹாபுதீன் ஆகப் பிறந்தார், அவர் பேரரசர் ஜஹாங்கிர்-இன் தனி அன்புக்குரியவரும் அவருடைய மூன்றாவது மகனுமாவார்,[3] அவருடைய தாய் ஒரு ராத்தோர் இரஜபுத இளவரசியாவார், இளவரசி ஜகத் கோசேய்ன் என்று அறியப்பட்ட இவர் ஜஹாங்கிரின் இரண்டாவது மனைவியாவார். குர்ராம் - பெர்சியனில் 'மகிழ்ச்சிமிக்க' - என்ற பெயர் அவருடைய தாத்தா அக்பர் அவர்களால் வழங்கப்பட்டது. அவருடைய இளமை ஆண்டுகளில் அவர் பண்பட்ட, பரந்துவிரிந்த கல்வியைப் பெற்றார் மேலும் போருக்குகந்த கலைகளிலும் மற்றும் தந்தையின் எண்ணற்ற படையெடுப்புகளின் போது மீவார் (1615 ஆம் ஆண்டு, 1024 இசுலாமிய ஆண்டு), டெக்கான் (1617 மற்றும் 1621 ஆம் ஆண்டுகள், 1026 மற்றும் 1030 இசுலாமிய ஆண்டுகள்), கங்க்ரா (1618 ஆம் ஆண்டு, 1027 இசுலாமிய ஆண்டு) - இராணுவ தளபதியாகத் தலைமையேற்று போர்களை நடத்தியபோதும் தன்னை மற்றவர்களிடமிருந்து வேறுபடுத்திக் காட்டினார். அவருடைய தந்தையின் ஆட்சிக் காலத்தின்போது பெரும் பிரதேசங்களை வெல்வதில் இவருடைய பங்கு பெரிய அளவில் இருந்தது.[4] கட்டுமானத்தில் தனக்கிருந்து அரிய திறனையும் அவர் வெளிப்படுத்தினார், 16 வயதாக இருக்கும்போதே பாபரின் காபூல் கோட்டைக்குள்ளாகவே தன்னுடைய இருப்பிடத்தை தானே கட்டியும், ஆக்ரா கோட்டைக்கு உள்ளாக இருக்கும் கட்டிடங்களை மாற்றம் செய்தும் தன்னுடைய தந்தையைக் கவர்ந்தார்.

திருமணம்

மும்தாஜ் மஹால்
1607 ஆம் ஆண்டில் (1025 இ.ஆ), தன்னுடைய பதினைந்தாவது வயதில் குர்ராம் ஒரு பெர்சிய பிரபுவின் 14 வயதுடைய பேத்தி அர்ஜுமண்ட் பானு பேகம்-ஐத் திருமணம் செய்தார். அவர்களுடைய திருமணக் கொண்டாட்டங்கள் கழிந்த பின்னர், "அந்த நேரத்தில் இருந்த அனைத்துப் பெண்களைவிடவும் தோற்றத்திலும் பண்புநலனிலும் மேம்பட்டவராக இருப்பதைக் கண்டதும்" குர்ராம் அவருக்கு மும்தாஜ் மஹால் (அரண்மனையின் மணிக்கல்) என்ற பட்டத்தை வழங்கினார்.[5]

மும்தாஜ் மஹால் 14 பிள்ளைகளைப் பெற்றார். அடிக்கடி கருவுற்றிருந்தபோதிலும், மும்தாஜ் ஷாஜகானின் பரிவாரங்களுடன் அவருடைய ஆரம்ப இராணுவ படையெடுப்பு மற்றும் அதைத் தொடர்ந்து அவருடைய தந்தைக்கு எதிரான போராட்ட காலகட்டம் முழுக்கவும் உடன் பயணித்தார். அவர் ஷாஜஹானின் நிலையான கூட்டாளியாகவும் நம்பிக்கைக்குரியவராகவும் இருந்தார், மேலும் அவர்களுகிடையிலான உறவு வலுவானதாக இருந்தது.[6] ஷாஜகானின் வரலாற்றுப் பதிவாளர்களால், மும்தாஜ் எந்த அரசியல் அதிகாரத்திற்கும் ஆசைப்படாத மிகச் சிறப்பான மனைவி என வருணிக்கப்படுகிறார். இது நூர் ஜஹான் பற்றி அறிந்து கொள்ளப்பட்டதற்கு நேர் எதிரானதாக இருக்கிறது.

இடைப்பட்ட ஆண்டுகளில் குர்ராம் மேலும் இரு மனைவிகளைத் திருமணம் செய்துகொண்டார், அவர்கள் அக்பராபதி மஹால் (1677 ஆம் ஆண்டு, 1088 இ.ஆ.), மற்றும் கந்தாஹரி மஹால்.

அதிகாரப்பூர்வ அரசவை வரலாற்றுப் பதிவாளர் குவாஸினியின் கூற்றுப்படி, இதர மனைவிகளிடத்தில் ஷாஜகான் கொண்டிருந்த உறவு, "ஒரு திருமண அந்தஸ்துக்கு மேலாக எதுவும் இல்லை. மேன்மையின் இருப்பிடத்தில் [மும்தாஜ்] மீது அரசர் கொண்டிருந்த அந்தரங்கம், ஆழ்ந்த அன்பு, கவனிப்பு மற்றும் நல்லெண்ணம் மற்றவர்களிடம் கொண்டிருந்ததைக் காட்டிலும் ஆயிரம் மடங்கு அதிகமாக இருந்தது."[5][7][8] பல்வேறு ஐரோப்பிய வரலாற்றுப் பதிவாளர்கள், ஷாஜகான் தன்னுடைய மகள் ஜஹானாரா பேகமுடன் முறைதகா உறவு கொண்டிருந்ததாகக் குறிப்பிடுகின்றனர். ஐரோப்பிய பயணி ஃப்ராங்கோய்ஸ் பெர்னியர் இவ்வாறு எழுதினார், "ஷாஜகானின் மூத்த மகள், பேகம் சாஹிப் மிக அழகாக இருந்தார்... "ஒரு வதந்தியை முழுமையான இழிவுச்செயலாக பெரிதுபடுத்தி"யதில் ஔரங்கசீப்பிற்குப் பங்கு இருந்திருக்கும் என லால் குறிப்பிடுகிறார், மேலும் அவர் இவ்வாறு எழுதுகிறார்: "ஔரங்கசீப், ஷாஜகானின் ஆணைக்குக் கீழ்ப்படியாமல், அவரைப் பல ஆண்டுகளுக்குச் சிறையிலிட்டார், ஆனால் அவர் ஜஹனாராவிடம் ஷாஜகான் காட்டிய தந்தைக்குரிய பாசத்தை ஒரு இழிவுச்செயலாக திரித்துக்கூறியதில் அவர் உண்மையிலேயே உதவியிருந்தால், அது மகனுக்குரிய எல்லா செயல்களுக்கும் ஒவ்வாத கொடூரத்தன்மையாகும்.."

பதவியேற்பு

ஷாஜகானின் 19 ஆம் நூற்றாண்டு வரைபடம்.

முகலாய சாம்ராஜ்ஜியத்தில் அதிகாரத்தையும் சொத்தையும் அடைவதில் மூத்த மகனது வாரிசுரிமை மூலம் முடிவு செய்யப்படுவதில்லை, ஆனால் அது இளவரச மகன்களின் இராணுவ வெற்றிகள் மற்றும் அரசவையில் தங்களுக்குரிய அதிகாரத்தைப் பலப்படுத்துதல் போட்டி மூலமே சாதிக்கப்படுகிறது. இது அவ்வப்போது அரசுரிமைக்கான கிளர்ச்சி மற்றும் போர்களாக முடிவடைகின்றன. அதன் விளைவாக, குர்ராமின் ஆரம்பகட்ட ஆண்டுகளில் ஒரு சிக்கலான அரசியல் சூழல் முகலாய அரசவையைச் சூழ்ந்தது. 1611 ஆம் ஆண்டில் அவருடைய தந்தை, ஒரு ஆப்கான் குடியேற்றவாசியின் விதவை மகளான நூர் ஜஹான்-ஐத் திருமணம் செய்துகொண்டார்.[9] நூர் ஜஹான் விரைவிலேயே ஜஹாங்கிரின் அரசவையில் ஒரு முக்கிய உறுப்பினரானார், மேலும் தன்னுடைய சகோதரர் அசாஃப் கான் உடன் இணைந்து பெருமளவு செல்வாக்கைக் கொண்டிருந்தார். அசாஃப் கானின் மகள் தான் அர்ஜுமாண்ட், குர்ரமுடனான அவருடைய திருமணம் அரசவையில் நூர் ஜஹான் மற்றும் அசாஃப் கானின் நிலையை உறுதிப்படுத்தியது.

தக்காணத்தில், லோடிக்கு எதிராக 1617 (1026 இ.ஆ.) ஆம் ஆண்டின் குர்ராமின் தீவிரமான இராணுவ வெற்றிகள் இராஜ்ஜியத்தின் தெற்கு எல்லையை மிகவும் பாதுகாப்பாக ஆக்கியது, நன்றியைத் தெரிவிக்கும் விதமாக அவருடைய தந்தை அவருக்கு 'ஷாஜகான் பஹதூர்' (உலகின் மிக தைரியமான அரசன்) என்னும் கௌரவமான பட்டத்தை வழங்கினார், இது அவருடைய வாரிசுரிமையை பூரணமாக உறுதிப்படுத்தியது.[6] நூர் ஜஹான் தன்னுடைய முதல் திருமணத்தின் மூலம் பிறந்த மகளை ஷாஜகானின் தம்பிக்கு திருமணம் செய்யவும், அரியணைக்கான அவரது கோரிக்கைக்கு அவரின் ஆதரவு உட்பட அரசவை சதியாலோசனைகள், குர்ராம்மை, மஹபத் கானின் துணையுடன் அரியணையைக் கோருவதற்கு அவருடைய தந்தைக்கு எதிராக 1622 ஆம் ஆண்டில் வெளிப்படையாக கிளர்ச்சியைச் செய்யத் தூண்டியது.

இந்தக் கிளர்ச்சி 1626 ஆம் ஆண்டில் ஜஹாங்கிரின் படைகளால் முறியடிக்கப்பட்டது குர்ராம் எந்த நிபந்தனையுமின்றி சரண்டைந்தார்.[10] 1627 ஆம் ஆண்டில் ஜஹாங்கிரின் மறைவைத் தொடர்ந்து குர்ராம் முகலாய அரியணையில் ஷாஜகானாக, (உலகின் அரசர்), பதவியேற்றார், பிந்தைய பட்டப்பெயர் அவருடைய டிமுரிட் மூலத்தின் பெருமையைக் குறிப்பாகத் தெரிவிக்கிறது.[4] ஆட்சியாளராக பதவியேற்றவுடன் ஷாஜகானின் முதல் செயல் அவருடைய முக்கிய எதிரிகளுக்குத் தூக்கு தண்டனை வழங்கியதும் தன்னுடைய மாற்றாந் தாய் நூர் ஜஹான்-ஐச் சிறையிலிட்டதுமாகும்.[11] ஷாஜஹான் எந்த எதிர்ப்பும் இல்லாமல் ஆட்சி செய்ய இதனால் இயன்றது.

மயில் அரியாசனத்தில் ஷாஜகான்

ஷாஜகானின் அரசவை
அவருடைய தந்தையின் ஆட்சி பொதுவாக அமைதியாக இருந்தபோதிலும், ஆட்சியின் இறுதிக்காலங்களில் அந்தச் சாம்ராஜ்ஜியம் கடும் எதிர்ப்புகளைச் சந்தித்தது. ஷாஜகான் இந்தப் போக்கை மாற்றினார், அவர் அஹமத்நகரில் ஏற்பட்ட இசுலாமிய கிளர்ச்சியை முடக்கினார், போர்த்துகீசியர்களை வங்காளத்தில் துரத்தி அடித்தார், கைபர் கணவாய்க்கு அப்பால் மேற்கு மற்றும் வடமேற்கு பாக்லானா மற்றும் பண்டல்கண்ட்டின் ராஜபுத அரசாட்சிப் பகுதிகளைக் கைப்பற்றினார். அவருடைய ஆட்சியின் கீழ், நாடு ஒரு பெரும் இராணுவ இயந்திரமாக மாறியது பிரபுக்கள் மற்றும் அவர்களுடைய பரிவாரங்கள் கிட்டத்தட்ட நான்குமடங்காகப் பெருகினர், அதே போல் குடியானவர்களிடமிருந்து வருமானத்திற்கான கோரிக்கையும் பெருகியது. இருந்தபோதிலும் அது பொதுவாக ஒரு நிலையான காலமாக இருந்தது - நிர்வாகம் மையப்படுத்தப்பட்டிருந்தது மற்றும் நீதிமன்ற செயல்பாடுகள் ஒழுங்கமையப்பட்டிருந்தது. வரலாற்றிலக்கியத் தொகுப்பு மற்றும் கலைகள் பிரச்சாரக் கருவிகளாக ஆயின, இங்கு அழகிய கலை வேலைப்பாடுகள் மற்றும் கவிதைகள், மைய அதிகாரம் மற்றும் படிநிலையான வரிசைமுறை, சமநிலை மற்றும் அமைதியை ஏற்படுத்தும் என்னும் திட்டவட்டமான நாட்டுக் கொள்கைகளை வெளிப்படுத்தின. அவருடைய ஆட்சியின்போது அந்த சாம்ராஜ்ஜியம் மிதமாக விரிவடையத் தொடங்கியது ஆனால் பிந்தைய ஆண்டுகளில் பேரரசு வீழ்ச்சியின் முதல் அறிகுறிகள் காணத்தொடங்கின

ஷாஜகான் ஆட்சியின் கீழ் முகலாய சாம்ராஜ்ஜியம் கம்பீரத்துடன் தன்னுடைய உயர்ந்த ஒன்றிணைந்த வலிமையைப் பெற்றது. ஷாஜகானின் ஆட்சியின் கீழ் முகலாய் சாம்ராஜ்ஜியத்தின் நில வருமானம் 20¾ மில்லியன்களாக இருந்தது. ஷாஜகானின் அரசவையின் கம்பீரத்தோற்றம், ஐரோப்பிய பயணிகளின் வியத்தகு பொருளாக இருந்தது. அவருடைய மயில் சிம்மாசனம், அதன் தடத்தில் மாணிக்கங்கள், நீலமணிக்கற்கள் மற்றும் மரகதங்களின் இயற்கையான மாறும் வண்ணங்களால் ஒளிவீசியது, நகை வியாபாரி தாவெர்நீர் இதை 6½ மில்லியன் ஸ்டெர்லிங்குக்கு மதிப்பிட்டுள்ளார்

அவருடைய அரசியல் முயற்சிகள் லாகூர், தில்லி, ஆக்ரா, மற்றும் அஹமதாபாத் போன்ற மிகப் பெரும் வணிக மற்றும் கைவினை மையங்களின் உருவாக்கத்திற்கும் சாலைகள் மற்றும் நீர்வழிகள் மூலம் தொலைதூரங்களை, துறைமுகங்களுடன் இணைக்கும் வித்த்தில் தலைமையிடத்தை ஆக்ராவிலிருந்து தில்லிக்கு மாற்றியமைத்தார்.

ஷாஜகானின் ஆட்சியின் கீழ் முகலாய கலைநயமிக்க மற்றும் கட்டிடக்கலைக்குரிய சாதனைகள் அவற்றின் உச்சநிலையை அடைந்தது. உயர்ந்த நாகரிக அழகுணர்ச்சியுடன் கூடிய ஒரு படைப்புக்குரிய கட்டிடக்கலைஞராக ஷாஜகான் இருந்தார். அவருடைய கட்டிடங்களில் மிச்சமிருப்பவை, தில்லியில் செங்கோட்டை மற்றும் ஜமா மஸ்ஜித், லாஹூரின் ஷாலிமார் தோட்டங்கள், லாகூர் கோட்டையின் சில பிரிவுகள், (ஷீஸ் மஹால் மற்றும் நௌலாகா பெவிலியன் போன்றவை) மற்றும் அவருடைய தந்தையின் கல்லறை மாடம்.

ஷாஜகான் தனக்காகவே ஒரு கருப்பு தாஜ் மஹால்-ஐ கட்டிக்கொள்ள எண்ணியிருந்ததாக கட்டுக்கதைகள் இருக்கின்றன. எனினும், இந்தக் கற்பிதக்கொள்கைக்கு ஆதரவாக எந்தவித மதிப்புவாய்ந்த சான்றும் இல்லை, அதே போன்று பேரச்சமூட்டுகிற இதர கட்டுக்கதைகளான தன்னுடைய கல்லறையை வடிவமைத்துக் கட்டுவதற்குப் பொறுப்பேற்றிருந்தவர்களை முடமாக்கியதாக, குருடாக்கியதாக அல்லது கொலைசெய்யப்பட்டதாகக் கூறப்படும் அனைத்திற்குமே எந்தவித நம்பகத்தன்மையிலான சான்றுகளும் இல்லை.

1658 ஆம் ஆண்டில் ஷாஜகான் உடல் நலமில்லாமல் போனதும் அவருடைய மகன் நஸிஃப் ஒரு கிளர்ச்சியை முன்னெடுத்து தன்னுடைய சகோதரனும் சட்டப்படியான வாரிசுமான தாரா ஷிகோவை பொதுமக்கள் மத்தியில் தூக்கிலிட்டான். தாராதான் மும்தாஜ் மஹாலின் மகன்களில் மூத்தவர். அவருடைய தந்தைக்குப் பதிலாக அரசனுக்குரிய பாத்திரத்தைத் தாரா எடுத்து நடத்திவந்தார், இது விரைவிலேயே அவருடைய சகோதரர்களிடத்தில் அவருக்கு எதிரான பகையாக மாறியது. இதைக் கேள்விப்பட்டவுடன், அவருடைய இளைய சகோதரர்கள், வங்காளத்தின் வைசிராயாக இருந்த ஷுஜா மற்றும் குஜராத்தின் வைசிராயாக இருந்த மராட் ஆகியோர் தங்கள் சுதந்திரத்தைப் பிரகடனப்படுத்திப்படுத்தி பின்னர் செல்வத்தை கைப்பற்ற ஆக்ரா நோக்கிப் படையெடுத்தனர். சகோதரர்களிலேயே மிகத் திறமையானவரும் மிகவும் துணிவுமிக்கவருமான மூன்றாவது மகனான ஔரங்கசீப் அவர்களுடன் இணைந்தார், அவர்களின் தலைமை தளபதியாக நிறுத்தப்பட்ட ஔரங்கசீப் ஆக்ராவுக்கு மிக அருகில் தாராவின் படையைத் தாக்கி அவரை முழுமையாகத் தோற்கடித்தார்.[17] ஷாஜகான் தம்முடைய உடல்நலமின்மையிலிருந்து முழுவதுமாக மீண்டபோதும், ஔரங்கசீப் அவர் ஆட்சி செய்ய இயலாதவராக இருப்பதாக அறிவித்து அவரை ஆக்ரா கோட்டையின் வீட்டுச் சிறையில் வைத்தார்.

ஷாஜகானின் மூத்த மகள் ஜஹானாரா பேகம் சாஹிப், தானே முன்வந்து அவருடைய எட்டாண்டு கால சிறையடைப்பைப் பகிர்ந்துகொண்டு ஷாஜகானின் மனத்தளர்ச்சியில் அவரைப் பராமரித்து வந்தார். 1666 (1076 AH) ஆம் ஆண்டு ஜனவரியில் ஷாஜகான் ஸ்ட்ராங்குரி மற்றும் சீத பேதியால் நோய்வாய்பட்டு படுத்த படுக்கையாகிவிட்ட நிலையில் அவர் மிகவும் பலவீனமடைந்து, 22 ஜனவரி அன்று அரசவைக்குரிய பெண்களை, குறிப்பாக அவருடைய பிந்தைய ஆண்டுகளின் மனைவியான அக்பராபாடி மஹாலை, ஜஹானாராவின் பொறுப்பில் ஒப்படைத்தார். கலிமா மற்றும் குரானிலிருந்து பாடல்வரிகளை ஒப்புவித்தபின்னர் அவர் மரணமடைந்தார். ஷாஜகானின் உடலை மேம்பட்ட பிரபுக்கள் தூக்கிச்செல்லவும், அவர்களைப் பின்தொடர்ந்து ஆக்ராவின் முக்கிய குடிமக்களும், ஏழைகள் மற்றும் தேவைப்படுபவர்களுக்குக் காசுகளை இறைத்து வர அவர்களின் பின்னால் அதிகாரிகள், ஊர்வலமாக கொண்டு செல்வதுடன் தேசிய மரியாதைக்கும் ஜஹானாரா திட்டமிட்டிருந்தார். ஔரங்கசீப் அத்தகைய பகட்டு ஆரவாரங்களுக்கு ஒப்புதல் அளிக்கவில்லை, அவருடைய உடல் இசுலாமிய முறைப்படி கழுவப்பட்டு ஒரு சந்தன சவப்பெட்டியில் தாஜ் மஹால் வரையில் ஆற்றில் கொண்டுசெல்லப்பட்டது, அங்கு அவருடைய பிரியத்துக்குரிய மனைவி மும்தாஜ் மஹாலின் உடலுக்கு அடுத்து புதைக்கப்பட்டார்.

ஷாஜகான் முகலாய சாம்ராஜ்ஜியத்தின் ஒரு உயர்ந்த எடுத்துக்காட்டாக இருந்ததோடல்லாமல் முகலாய சந்ததி பேரரசர்களின் வம்சவழி வீழ்ச்சியையும் முன்குறித்துக் காட்டினார். அவருடைய பதவியேற்றம் மற்றும் மகன்களின் கைகளாலேயே வீழ்ச்சியடைந்ததை ஒதுக்கிவிட்டு பார்த்தால், ஷாஜகான் தன் ஆட்சியின் காலப்போக்கில் கொஞ்சம்கொஞ்சமாக இந்தியாவின் நிலஅமைப்பை மாற்றியமைத்த தலைவராகக் காணமுடியும்; அவரை வீழ்த்திய மரபுரிமை மற்றும் அவருடைய பெரும் சாதனைகளைக் கருத்தில் கொள்ளும்போது, முகலாய சாம்ராஜ்யத்தில் அதிகாரத்தின் உரிமை மற்றும் நிலையற்ற படிநிலை முறையை குறிப்பாகத் தெரிவிக்கும் அதே வேளையில் கைப்பற்றல், கலவரம் மற்றும் சகிப்புத்தன்மை மூலம் உருவாக்கப்பட்ட ஒரு சாம்ராஜ்ஜியத்தின் உள் வேலைகள் பற்றிய போதிய அறிவை ஷாஜகான் நமக்கு வழங்குகிறார். மூர்க்கத்தனம் மற்றும் துரோகத்தால் அவர் ஆட்சிபீடத்திற்கு வந்தார் இறுதியில் அதே வழிமுறையில் அவரும் வீழ்த்தப்பட்டார், இது முகலாயர்களின் மரபுரிமையை மோசமாக்குகிறது.